Joannostir 9 - Joannostir Svencono lačopheniben 1933 (Latvia)

Džeļ, 9.

¹ Te javindoi, iedikša mānušes, korores ločibnastir.

² Sikļaibnangīre Leskīre phučne Lestir: Ravvi! kon grehidža, jov vai phūredīra leskīre, so locija kororo?

³ Iisusos otphendža: nagrehindža ni jov ni pūredīra leskīre, ne dava vašo dova, sobi pe leske javen Davleskīre butča.

⁴ Mange čhebi kērav butča Doleskīre Kon Man bičadža, poskil oščo isi dīves; javela rat, kedi nikon našti kērel.

⁵ Poskil Me ano svetos, Me švatluma svetoske.

⁶ Pheni dava, Jov čhungardija pe phu, kerdža makhibnaskīro čhungardipnastir, te pomakša makhibnaskiresa jakha kokoreske,

⁷ Te phendža leske: dža, nomortut ano moribnaskiro Siloam (so značini: bičādo), Jov gija, te nomordžapes, te javdža dikhibnaske jakhensa.

⁸ Doi pašatune te kon dikhle vāgo, so jov isis kororo, rakirdle: hobi dava nāni dova, savo bešelas te mangelas žaļuma?

⁹ Vāvīra rakirdle: dava jov. Ne vāvīra: dičola pe leske: Jov phendža: dava me.

¹⁰ Togi phučle lestir: sir otkerdepen tuke jakha?

¹¹ Jov phendža ano otpheniben: mānuš, Sajes dena goli Iisusos, kerdža makhibnaskīro, makša mīre jakha, te phendža mange: dža po moribnaskīro Siloam te nomortut. Me gijom, nomordžoman te otkerdžapes mange dikhiben.

¹² Togi phendle leske; kai Jov? Jov otphendža: nadžinav.

¹³ Lidžīne doles savo isis kororo ko fariseji.

¹⁴ Dova isis kurke, kedi Iisusos kerdža makhibnaskīro te otkerdža leske jakha.

¹⁵ Phučle lestir fariseji nin, sir jov lija dikhel. Jov phendža lenge: makhibnaskīro čhudža Jov pe mīre jakha, te me nomordžoman te dikhava.

¹⁶ Togi vār farisejendir rakirdle: nāni Davlestir da mānuš, vašo dova so narakhela kurko. Vāvira rakirdle: sir vašti grehviļo mānuš kērel dasaij džīvi? te isis maškir lenge gola.

¹⁷ Noko rakirna kororeske: tu so phenesa Lestir, vašo dova so Jov otkerdža tuke jakha? Jov phendža: dava prorokos.

¹⁸ Togi Judi napačandīne, so Jov isis kororo te lija dikhel, poskil nakherdle da dikhibnaskīreske phūredīren.

¹⁹ Te phučle lendir: hobi dava tumāro čhāvo, sajestir tume rakirna, so ločija kororo? sir že jov kana dikhela?

²⁰ Leskīre phūredīra phendle lenge ano otpheniben: me džinas, so da čhāvo isi māro te so jov ločija kororo:

²¹ Ne sir kana dikhela, na džinas, vaj kon otkerdža leske jakha, me nadžinas. Kokoro ano pherde berša; kokorestir phučen; mephenel kokoro pestir.

²² Jake otphendle phūredīra leskīre, vašo dova so strahandīne Judendir; hai Judi zarakirdepen uže, kon dodžinela Les Hristoske Doles vičhinen sinogogatir.

²³ Vaša dava phūredīra leskīre phendle: jov ano pherde berša; kokorestir phūčen.

²⁴ Te jake vār molos dīne goli mānuses, savo isis kororo, te phendle leske: de Davleske slava; me džinas, so do mānuš grehengīro.

²⁵ Jov phendža lenge ano otpheniben: vai Jov grehengīro, nadžinav; dova feņu džīnav, so me isomas kororo, ne kana dikhava.

²⁶ Noko phučle lestir: so kērdža Jov tusa? sir otkerdža tīre jakha?

²⁷ Otphendža lenge: me uže phendžom tumenge, te tume nakandīne; so oščo kamena šunen? te hobi tume kamena kēretumen Leske sikļaibnangīrenge?

²⁸ Togi jone les čhingardīne te phendle: tu Lesko sikļaibnangīro; ne me Moisejoskīre sikļaibnangīre.

²⁹ Me džinas sir Moisejosa rakirdža Dēvel; Dales nadžinas, karīg Jov.

³⁰ Mānuš sav lija dikhel phendža lenge ano otpheniben: dava isi dživos, sir tume nadžinen, kārig Jov, ne Jov otkērdža mange jakha.

³¹ Ne me džinas, so grehengīren Dēvel našunela; ne kon rožini Davles te kērla Leskīri voļa, doles kandela.

³² Ņigdi nasis šundlo, sobi kon otkērel jakha korore ločīneske.

³³ Keļi Jov najāl Davlestir, naštuvelas kērel niso.

³⁴ Phendle leske ano otpheniben: ano grehi tu sāro ločijan, te tu men sikļakiresa? te vitrādīne les avri.

³⁵ Iisusos, dolija šunel, so vitrādīne les avri, te ke lača les, phendža leske: tu pačasa an Davleske Čhāveske?

³⁶ Jov otphendža te rakirdža: ne kon Jov, Raija, sobi mange pačav an Leske?

³⁷ Iisusos phendža leske: te tu Les dikšan, te Jov tusa rakirla.

³⁸ Jov phendža: pačava, Raija! te poklonidžapes Leske.

³⁹ Te phendža Iisusos: po sendos javdžom Me an da svetos, sobi nadikhibnaskīre dikhen, ne dikhibnaskīre jačen korore.

⁴⁰ Kedi vār farisejendir šundle dava, saj isis Lesa, phendle Leske: hobi me nin korore.

⁴¹ Iisusos phendža lenge: keļi tume javdlesis korore, togi pe tumenge najavdžasis grehos; ne sir tume rakirna, so dikhena, vašo dova grehos jačela pe tumenge.