Romai 9 - Lek Jot de Jecu Kritho 1940

¹ Ɣan ye yic luel ne Krithoic, acie ya lueth, ku nyinydien de piɔu ee duleŋdie kene Jɔŋdiit Lajik,

² ya an ye naŋ dhieeu areet ku tɔɔk cie jaal ne ɣapiɔu.

³ Eeya ete ya anathema enɔŋ Kritho ne ke de watmathcie, kɔcciek kaar kene ɣɛn ne guɔp:

⁴ cɔlke Yithrael; ye ya kɔc ke dop, ku nuɔm, ku mɛt, ku miɔɔc de loŋ, ku lui de Nhialic, ku kaciluel;

⁵ ku yiki ya kɔc ke kuɛɛr, ku cik Kritho dhieth, man ye tɔ ne kɔc nhiim kedhia, ku cii Nhialic ci thiei athɛɛr. Amen.

⁶ Wɛt de Nhialic aken ya ciɛlic. Aacie ya Yitharel kedhia, kek kɔc ke Yithrael:

⁷ ku, kacie ke ye kek ya kuan de Abraɣam, yene ye kek ya mith kedhia: cie ya kuandu e bi ya cɔɔl ne Yithakic?

⁸ Luɛlde yeneke, acie ya mith ke guɔp e ye ya mith ke Nhialic, aaye ya mith ke leciluel, keeka ye jal ya kuat.

⁹ Yekene kee wɛt de keciluel, Ya ɣan bi bɛn ne kol bɛi ɣan, ku Thara abi naŋ wa.

¹⁰ Ku kacie yekene yetok: ɣɔn liɛce Rebeka ne mith ke ran tok, Yithak man ye kukuarda —

¹¹ ɣɔn ŋoote mith e ke keneke guɔ dhieth, ku cin yi piath ke rɛɛc cikke guɔ loi, bi ke de Nhialic piɔu de loc bi ya kɔɔc ne yen ye ke ci cɔɔl, ku kacie ke de luɔi,

¹² go Rebeka go yɔɔk, Ye dit abi kuur ya luɔi.

¹³ Acit man cene e gɔɔr, Ya Jakob ee nhiar, ku man Ethau.

¹⁴ Buk ŋo jal ya luel? Ye Nhialic ye naŋ rɛɛc? Acie yen.

¹⁵ Ee ci Mothe yɔɔk, Ye ɣan bi piɔu ya kac enɔŋ ran ban piɔu ya kac, ku an bi nyin ya kuany enɔŋ ran ban nyin ya kuany.

¹⁶ Yen acie ya ke de piɔn de raan, ku kacie ya ke de luɔi de raan, ee ya ke de Nhialic man ye naŋ kac de piɔu.

¹⁷ Kecigɔɔr ee Paro yɔɔk, Ye yekene yenekee jat an yin nhial, ba riɛrdie nyuɔɔth ne yin, bi rincie thiɛi ne piny nom ebɛn.

¹⁸ Yen ee kac de piɔu nyuɔth ran kɔc en piɔu, ku cɔk rane rir piɔu.

¹⁹ Yen yin bi ɣa jal thiec, Wu yeŋo yen dhiac ke ye weei ne rɛɛc? Yeŋa ye teer kene ke de piɔnde?

²⁰ Ku yin, Yin raan, yeŋo a ba wɛt dhuɔk Nhialic? Leu ke e loi leu ke e loi ye ne thiɛc, Ye yeŋo e ciɛk yin ɣɛn wula?

²¹ ka ye mecueny de tony ciɛn riɛr ne tiɔp, cii tony ye riɛu ye cuec ne yetiɔm toŋe, kene tony cin rieu?

²² Ken Nhialic, ɣɔn nɔŋ en piɔu nyooth de ɣokde, ku cɔk riɛrde nyic, ne ken tony ke tɔŋ neke kenke guum ne guɔm gok, tony cike juɛr riak:

²³ bi baany de nuɔmde nyuɔɔth ne tony ke kac de piɔu, tony e kee ci juɛr nuɔɔm,

²⁴ agut wɔɔk, wɔ kɔc cike cɔɔl, ku kacie Judai kepɛc, ee ya Juurkɔk eya?

²⁵ Cit man e cen e luel ne wel ke Kothea yic, Ye an bi jur ne cie jurdie ya cɔɔl jurdie, Ku caal ke e caa ye nhiar ke e ya nhiar.

²⁶ Ku kabi ya tɔ, te e yooke keek thin, Ya we cie jurdie, Yeneka bene ke ya cɔɔl thin cɔk ke ye wɛɛt ke Nhialiny ye piir.

²⁷ Ku Yithaya ee ci coot ne Yithrael, Ye na kuɔt mith ke Yithrael ci man de liɛt de bar, ke kaken ci doŋ, keeka bike luɔk:

²⁸ Bɛnydit abi wɛtde loi ne piny nom, abi thol ku cɔk cek.

²⁹ Ku ci man cii Yithaya ye kan luel, Ye na ne Bɛnydiit de Rɛm ken wɔ nyaŋ kɔth, E kee te cuk ciɛt Thɔdom, ku kee te ci wɔ cɔk cit Gɔmora.

³⁰ Buk ŋo jal ya luel? Wuu Juurkɔk, kɔc eke ken lajik ya cop, kaa lajik cooth, agut lajiŋ de gam:

³¹ ku Yithrael, kɔc eke ye loŋ de lajik cop, aaken yeloŋe cooth.

³² Yeŋo? ee kee ken kek ye ya cop ne gam, ee ye ciɛt man de luɔi. Goki kɔth ne kuur yene kɔth,

³³ ci man cene ye gɔɔr, Ya ŋɛmka, ɣan ye kuur yene kɔth kan ne Dhiɔnic, ku alɛl ne aɣɔm: Ku ran bi ye ya gam ace yic bi ya liɛr.