Romai 4 - Lek Jot de Jecu Kritho 1940

¹ Buk jal luel wuu ci Abraɣam, kukuardɛn de guɔp, ci ŋo yok?

² Na ne Abraɣam ci cɔk lajik ne luɔi, e kee naŋ ke yen rɔt leec, ku kacie ne Nhialic nom.

³ Ye kecigɔɔr jam yede? Go Abraɣam Nhialic gam, go kuɛn en ne ye lajik.

⁴ Tenɔŋ ran ye lui, ariop acie kuɛn en ne athiɛi, ee ya kɛny.

⁵ Ku na ye ran cie lui, ku ye ye gam yen man ye kɔc rac cɔk lajik, ke gamde ee kuɛn en ne lajik.

⁶ Acit man e thieie Dabid raan, ran e cii Nhialic kuɛn lajik te cin luɔi,

⁷ jiɛm, Ye kɔc cene ke rɛɛcden puɔl aaye thiei, Ku kɔc cene ke karɛcken kum.

⁸ Raan ee thiei ran cii Bɛnydit bi ya kuɛn rɛɛc.

⁹ Ye yethiɛiye tɔ enɔŋ aŋualɛɛi kepɛc, ka nenɔŋ abor eya? ne ke ye wɔ jam, Wuu ci gam de Abraɣam kuɛn en ne ye lajik.

¹⁰ Ne ye kueen ne ye ŋo? ɣɔn yen aŋuala, ka ɣɔn yen aboor? Ee cie aŋuala, ee ye aboor:

¹¹ ku kee ci cin de ŋuɛlɛɛi loom, nyooth de lajiŋ de gam tɔ ke yen ɣɔn ŋoot en ke ye aboor: bi ya wuɔnden kedhia kek kɔc ye gam, te ciɛk kek ya abor, bi lajik bi ya kuɛn keek;

¹² ku bi ya wun aŋualɛɛi, ye wun de aŋualɛɛi ku cie ke kepɛc, ee wun de kɔc ye gam kuanyic gam de kukuarda Abraɣam, gam e tɔ kene yen ɣɔn ŋoot en ke ye aboor.

¹³ Luɛl cene ye luel ya bi ya dit de piny nom ee ce bɔ enɔŋ Abraɣam ku nenɔŋ kuande ne loŋ, ee bɔ ne lajiŋ de gam.

¹⁴ Na ye kɔc ke loŋ ya adiit, ke gam ee ya ciɛlic ku ye keciluel ye ciɛn ke dɛ.

¹⁵ Loŋ ee ɣok bɛi; ku te ye ciɛn loŋ ee ciɛn awac.

¹⁶ Yen keciluel ee ke de gam, bi ya ya ke de athiɛi; bi keciluel bi cɔk ye ya ke de kuat ebɛn; kacie ya ke de ke de loŋ yetok, ee ya ke de ke de gam de Abraɣam eya, man ye kukuarda wɔdhia,

¹⁷ (ci man cene e gɔɔr, Ya yin ca cɔk ye wun de juur juec), ne yenom ye Nhialic man ci gam, yen man ye kɔc ci thou jɔt, ku ye ka liu cak, ci ka ye tɔ.

¹⁸ Abraɣam ee ye ŋɔth ɣɔn, ke cin ke ŋɛɛth, bi jal ya ya wun de juur juec, ci man de keciluel, Ya kuandu abi ya yenya.

¹⁹ Go gamde cuɔk niɔp ɣɔn cen rɔt cak ŋem ci ke ci guɔ thou, e kee cen ceŋ ne run cit thiɛrnyɛny, ku ror ci Thara ror.

²⁰ Ee yic, go keciluel de Nhialic ya ɣoi, ku cii ye lɔ ŋueŋueŋ ne cuɔk gam; ye lɔ ke rir ne gamde, ku ye Nhialic noom,

²¹ ku ye cok nyic ke Nhialic leu ke e ci luel ne dhiil.

²² Yen ee ci kuɛn en eya ne lajik.

²³ Ee ce gar ne kede yetok, ye ke ci kuɛn en;

²⁴ ee ya keda eya, wɔ kɔc bi kuɛn en, wɔ kɔc ye ye gam yen man ci Yecu Bɛnydiitda jɔt ne thouic;

²⁵ ke ci gam ne karɛckuɔ, ku ci bɛr jɔt bi wɔ cɔk lajik.