Pilipoi 3 - Lek Jot de Jecu Kritho 1940

¹ Keciɛn, mɛɛthcie, ee bak piɔth lɔyum ne Bɛnyditic. Gar bɛɛr ɣan keetooke gar week acie cik ɣa nuan, ku kee yiki ya konyduɔn.

² Yaka roth ŋem ne jɔk, yaka roth ŋem ne kɔc ye rɛɛc loi, yaka roth ŋem ne ŋuɛlɛɛi:

³ ne ke yen wɔɔk e ye aŋualɛɛi, wɔ kɔc ye duur ne Jɔŋdiit de Nhialic, ku yuku nuum ne Krithoic, ku cuk roth ye gɛi ne guɔp:

⁴ te cak an ya ran leu rɔt ne gei guɔp: na nɔŋ ran dɛ ye ye tak ye ye rɔt gɛi ne guɔp, e kaya wuɔr:

⁵ an ee ŋot ne kol de bɛt, an ye kuan de Yithrael, de dhien de Benjamin, muɔny Eberu de Eberuu; ya ya Paritha ne ke de loŋ;

⁶ ya kok ne ŋet de kanitha, ya ciɛn awac ne lajiŋ de loŋic.

⁷ Ka eke cike jɔp ɣɛn, aacaalke ka ci maar ne ke de Kritho.

⁸ Acok ya yic, keriɛc ebɛn aya cɔɔl ke ci maar ne piath de nyiny de Yecu Kritho Bɛnydiitdie: yen man guɔm an maar de keriɛc ebɛn, ya ke cɔk cit wɛɛr, a guɔ Kritho loom,

⁹ ku bi ɣa ya yok ne yeyic; ku caa beer ya naŋ lajiŋ peidien dɛ, ye ya ke de ke de loŋ, jɔl ya ya ke de gam ne Krithoic, lajiŋ ye bɛn enɔŋ Nhialic ne gam:

¹⁰ ban e ya nyic, ku riɛr de jonden de rɔt, ku man de guɔmde, ku ba ya ciɛt en ne thonde;

¹¹ lan na re ke ɣan bi jon de rɔt ne thouic cuɔp.

¹² Ku kacie ke can e guɔ cuɔp, ku an kene guɔ cɔk lɔcar: ɣan ye rɔt pɛɛc tueŋ, a guɔ kuɔk ye ke e ci Yecu Kritho ɣa kuɔk eya.

¹³ Mɛɛthcie, acaal ya kɛn guɔ kuɔk ne guɔpdie: tok eka ya loi, ɣan ye nom maar ne ka ciɛn, ku ya ka tɔ tueŋ cop,

¹⁴ ku ɣan ye rɔt pɛɛc te de gool te de riop de cɔt piɛth de Nhialic ne Yecu Krithoic.

¹⁵ Yen yuku tak wula, wɔ kɔc ye lɔcar wɔdhia: ku na yaka naŋ taŋduɔn dɛ, ke yekene abii Nhialic ya nyuɔth week:

¹⁶ ku, te cuk ya cuɔp; ke yene ye wɔ cath thin.

¹⁷ Watmathcie, yaka ɣa kaar wedhia, ku yaka ke dot kek kɔc ye cath yiila ci man nɔŋ we wɔ ke wɔ ye kɛɛrduɔn.

¹⁸ Kɔc juec aaye cath, keek kek kɔc yan ke we dai jaam, ku emane we jaamke ne dhieu, Ya kaaye ya kɔc ke ater ke tiɛm ageer de Kritho:

¹⁹ kɔc ye thokden ke ya maar, ku ye nhialinyden ya yac, ku ye nuɔmden ya yicliɛr, ku yeki kapiiny tak.

²⁰ Ceŋda ee tɔ nhial; te ye wɔ Duluɛŋda tiit thin eya, man ye Bɛnydit Yecu Kritho:

²¹ yen man bi gupkuɔ rac wel cɔk ke ye ka jot, bik ya ciɛt guɔpden de nuɔm, ci man de luɔi ben keriɛc ebɛn ya leu ne tɛɛu ne yecok.