Pilemon 1 - Lek Jot de Jecu Kritho 1940

¹ Paulo, ran ci mac de Yecu Kritho, ku Timotheo wanmaathda, aagɛɛr Pilemon ran nhiarku ku ye mat kene wɔ ne luɔi,

² ku Apia nyankɛda, ku Arkipo lathker ye lui kene wɔɔk, ku kanitha ye tɔ ɣondu:

³ Wuu keewuubi athiɛi ya tɔ kene week ku dɔɔr enɔŋ Nhialic Awada ku Bɛnydit Yecu Kritho.

⁴ Ɣan ye Nhialinydie leec ne nyindhia, ku yin ya luel ne lɔŋdieic.

⁵ Ɣan ye nhiɛrdu piŋ, yin kɔc cikethiei kedhia nhiar, ku gamdun yin Yecu Kritho gam,

⁶ ku an ye lɔŋ bi man ye kek mat ne gtamdu bi ya ya ke dɛ ne nyiny bik kek kapiath kedhia ya nyic, ka ye tɔ ne yiyic, enɔŋ Kritho.

⁷ Ɣan ci piɔu lɔyum ku an ci duut piɔu ne nhiɛrdu, ne ke cene piɔth ke kɔc cithiei bɛr cɔk jot ne yin, wanmaath.

⁸ Yen, na cak naŋ riɛr ne Krithoic ban yin yen lɛk ke ye kepiath,

⁹ ke ke de nhiɛr alaŋ an yin peei, ɣan Paulo ci dhiɔpne, ku ya ran ci mac eya emane de Yecu Kritho:

¹⁰ yin laŋ ne mɛnhdie, manh ca dhieth ne macic, cɔl Onethimo,

¹¹ man e ci kan rɛɛc enɔŋ yin, ku kee jal piath emane enɔŋ yin ku tenɔŋ an:

¹² yeguɔp aca dhuɔk ciɛn enɔŋ yin, yenekee ye piɔndiene.

¹³ Ee te ca jal cɔk tɔ kene ɣɛn, bi ɣa ya luɔi ne nyindu ne many de welpiathic.

¹⁴ Ku kacin ke lɛu ne luɔi te cin yin, bi piathdu ya cuɔk ye ke de riɛr, bi ya ya nom laau.

¹⁵ Ee yin yuul wei enɔŋ yin ne akol kɔk, ben ya ceŋ ke yin athɛɛr;

¹⁶ ku cii beer ya ya aluaak, ee ye alaak wuɔr, ku ye ya wanmuuth nhiar, ku yen enɔŋ ɣɛn, ku ci biakde dit enɔŋ yin ne yeguɔp ku ne Bɛnyditic.

¹⁷ Na ye ɣa cɔk ye muɔth, ke lor ci ɣɛn.

¹⁸ Ku na ci yi luɔi rɛɛc, ka nɔŋ ke kɛɛny yin en, ke kuɛne ɣɛn.

¹⁹ An Paulo an eka gɔr en ne ciindie, ya an bi cut: ku an ci yuit cin rɔt yuɛt ɣɛn ne guɔpdu acaa luel.

²⁰ Ee yic, wanmaath, ne an mit piɔu ne yi ne Bɛnyditic: cɔk piɔndie cɔk ye ke jot ne Krithoic.

²¹ Gei yan rɔt gɛi yin ne piŋdun de wel yeneka gar an yin, ne nyiny nyiɛc an en ke yin bi ke war yeke ca lɛk yine loi.

²² Ku juɛre an te de reer eya: an ye ŋɔth ya bi ɣa yen yiɛn yin ne lɔŋdu.

²³ Epapara, ran mɛc wɔ ne Yecu Krithoic, ee yi muɔth;

²⁴ ku Mak eya, ku Aritharko, ku Demath, ku Luk, kɔc ye lui kene an.

²⁵ Eewuubi athiɛi de Bɛnydiitda Yecu Kritho bi ya tɔ kene tiɛpdu. Amen.