Nyooth 9 - Lek Jot de Jecu Kritho 1940

¹ Go malaika de dhiec go kuth, guɔ cieer ŋem ne ci loony ne tiɔp nom pan nhial: ku kee ci yiɛn muktar de thuɔɔth de abith.

² Go thuɔɔth de abith go liep thok; go tol yiir bei ne adhuɔmic, ci tol de many de abeer dit; go akɔl ku nhial jɔc go ke cɔk col ne ke de tol de thuɔɔth.

³ Go kɔriɔm jal wet bei ne tolic bii piny, ku ci yiɛn riɛr, ci man ye ciɛɛth de tiɔp nom naŋ riɛr.

⁴ Ku kee ci yɔɔk bi noon de tiɔp nom cuɔk ye jak, ku kan ŋok ebɛn, ku tiim, ye ya kɔc kepɛc kɔc cin cin de Nhialic ne kenhiim thook.

⁵ Ku kee kene pal ɣeet wei de keek, ee bik ke ya lɛɛrwei ne pɛi keedhiec: ku leerden de wei ee ci cɔk cit muny de ciɛɛth ke raan.

⁶ Ku kɔc aabi thou ya kɔɔr ne keeakolke, ku kacik bi kɔn ya yok; abik ya ŋaŋ, ku kaabii thou ke ya deeny.

⁷ Ku gup ke kɔriɔm aake cit ajɔŋkor cike juɛr lɔ tɔɔŋ; ku ceŋki ka cit gol ke wɛnhjini ne kenhiim, ku citki nyin kɔc.

⁸ Ku nɔŋki nhim cit ka ke diar, ku cit lecken lec ke cuɛr.

⁹ Ku nɔŋki alɛth ke yɔu, ka cit alanhweeth de yɔu; ku awuɔu de wuɔkken ee cit awuɔu de arabiyai ke tɔŋ, ku cit aruɔp de ajɔŋkor riŋ tɔɔŋ.

¹⁰ Ku nɔŋki yɔɔl cit ka ke cith, ku yiki moc; ku rirden de leerwei de kɔc ne pɛi keedhiec ee tɔ ne keyɔɔl.

¹¹ Ku meleŋden ee ye malaika de abith: cɔl Abadon ne thoŋ de Eberu, ku cɔl Apoliɔn ne thoŋ de Giriki.

¹² Dhien tueŋ ee lɔ: ŋɛmka, ku kabiɔɔth ren dɛ de Dhieu.

¹³ Go malaika de dhetem go kuth, guɔ ror piŋ te de tuŋ ke kan ye wɛnhjini de koc ye tɔ ne Nhialic nom,

¹⁴ piɛŋ toŋ yook malaika de dhetem, man nɔŋ tuŋ, Ye lony malaikai keeŋuan cike mac ciir diit cɔl Euparate.

¹⁵ Go malaikai keeŋuan go ke lony, ka eke ci juir ne ke de thaa ku akɔl ku pɛɛi ku run, bik biak de diak de kɔc bik nɔk.

¹⁶ Ku ciin de rɛm ke ajɔŋkor ee ye bianabur thiɛr naabianabur thiɛr naarou: ciinden ee ca piŋ.

¹⁷ Ajɔŋkor aake ŋɛmke yala ne nyuɔthic, ku kɔc ci nyuc ne kekɔth, aake ceŋ alɛth ke yɔu ke weeth cit man de mac ku wakintho ku thulpur: ku cit ajɔŋkor nhiim cuɛɛr; ku ye mac ku tol ku thulpur yiki wet bei ne kethook.

¹⁸ Yeanuan ye yic diakne yenekee nɛkne biak de diak de kɔc, go ya mac, ku tol, ku thulpur, ka ye bɛn bei ne kethook.

¹⁹ Riɛr de ajɔŋkor ee tɔ ne kethook, ku ne keyɔɔl: aake cit yɔɔl karoor, ku nɔŋki nhiim; keeka eke ye kek ke nɛk.

²⁰ Ku raan biakne, ran e kene nɔk ne kaanuɛnke, aake ken kepiɔth wel ne luɔi de cinken, bik jak rac cuɔk ye door, ku eidool ke wɛnhjini, ku wɛnhrial, ku melɛɛŋ, ku kuur, ku tiim, ka cie ŋem, ku cik ye piŋ, ku cik ye cath:

²¹ ku cik kepiɔth wel ne tiɛrken yic, ku ne tiitic, ku ne balic, ku ne rueenyic.