Nyooth 19 - Lek Jot de Jecu Kritho 1940

¹ Ana ci keekake thok ka piŋ ror diit cit ror de dun dit pan nhial, ne jam, Ye Aleluya; Luak, ku nuɔm, ku riɛr, aaye ka ke Nhialinyda:

² luɔkke aalajik ku kaaye yith; ne ke cen abal dit luk, ke ci piny riɔk ne balde, ku kee riɛm de aluɛkke ci dhiɔm ne cinke guɔɔr ne yceiin.

³ Ku berki jam ne ke de rou, Yi Aleluya. Ku tolde ee lɔ nhial athɛɛr wada.

⁴ Ku cuɛt roordit keethiɛrou ku ŋuan roth piny kene lai ye piir keŋuan, ku dorki Nhialic man ye reer ne thooc nom, jamki, Yi Amen; Aleluya.

⁵ Go ror tuɔl ne thoocic, jiɛm, Ye yaka Nhialinyda piɔny, we aluɛkke wedhia, we kɔc ye ye riɛu, we kɔc thii ku kɔc dit.

⁶ Ku piɛŋ ror cit ror de dun dit, ku cit apuɔu de piau, ku mar diit riir de deŋ, ne jam, Ye Aleluya: ne ke ye Bɛnydit Nhialinyda, Nɔŋ Riɛr Ebɛn, yen dɔk.

⁷ Mitku piɔth ku cɔkku wɔpiɔth cɔk lɔyum, ku yuku yiɛn nuɔm: ne ke cii thieŋ de Nyɔk ɣeet, ku ci tiŋde ci rɔt juir.

⁸ Ku kee ci pal bi rɔt piɔth ne alanh linon lɔ nip, ke ɣer ku le car: alanh linon lɔ nip yenekee luɔi lajiŋ de kɔc cithiei.

⁹ Ku yook ɣa, Ye gar, Wu ya kɔc aathiei kɔc ci cɔɔl te de miɛth de thieŋ de Nyɔk. Ku yook ɣa, Ye keekake eka ye wel yith ke Nhialic.

¹⁰ A guɔ rɔt cuat piny ne yenom ba door. Go ɣa yɔɔk, Ye duk loi wuya: an ye aluaŋ mɛt wɔ yin ku mɛɛthkuk ye lek de Yecu dot: Nhialic yene door: lek de Yecu yenekee wei ke nyooth.

¹¹ Guɔ nhial ŋem ne ci liepic; ku ŋɛmka, nɔŋ ajɔŋkoor ɣer, ku ke ci nyuc ne yekɔu, ee cɔl Kenɔŋadot ku ye Kanyic; ku ye luk ku ye thɔr ne lajik.

¹² Ku ye nyinke liem de mac, ku ceŋ gool juec ne yenom; ku nɔŋ rinkeek ci gɔɔr, rin cin ran nyic keek aye yen ne guɔpde.

¹³ Ku ci pioth ne alanh ci weer ne riɛm, ku cɔl rinke Wɛt de Nhialic.

¹⁴ Ku biɔɔth rɛm ke pan nhial ne ajɔŋkor ɣer kɔth, ku cik roth piɔth ne alɛth linon lɔ nip, ka ɣer ku le car.

¹⁵ Ku ye them moth ye rɔt cuɔk bei ne yethok, ben wɛl nɔk: ku bi ke ya dɔk ne wanweeth: ku ye ke de nhieny de piukeabiɛi de lɛth de ɣok de Nhialiny Nɔŋ Riɛr Ebɛn ye dum.

¹⁶ Ku ci alanhde gɔɔr kɔu ne rin kene yeɣam, ya meled de meleek, ku bɛnydiit de banydit.

¹⁷ Guɔ malaika ŋem ne kaac ne akɔl nyin; ku coot ne ror dit, yook diɛt ye gor ne nhial ciɛlic kedhia, Ye baka ku kuɔtka wenhiim ne miɛth diit de Nhialic;

¹⁸ bak meleek ŋueet, ku bany ke rɛm, ku kɔc rir, ku bak ajɔŋkor ŋueet kene kɔc ye ke nyuɔc kɔth, ku bak raan ebɛn ŋueet, ran laau ku ran mac, ku ran thi ku ran dit.

¹⁹ Guɔ lɛi ŋem, kene meleek ke tiɔp nom, ku rɛmken, e ke ci gueer bik thɔr kene ke ye reer ne ajɔŋkoor kɔu, ku rɛmke.

²⁰ Go lɛi kuakpiny, kene nebii ke adhuɔm eke ye ciit loi ne yenyin ka eke yen ke kɔc dhoom kɔc ci cin de lɛi loom, ku kɔc eke ye kecithɔɔŋ de lɛi door: keek keerou aake cuat bɛɛr bar de many ye dep ne thulpur:

²¹ ku nɛk biakne ne them de ke ye reer ne ajɔŋkoor kɔu, them e cuuk rɔt bei ne yethok: a go dit ebɛn jal kuɛth ne gupken.