Nyooth 11 - Lek Jot de Jecu Kritho 1940

¹ Go ɣa yiɛn aruɔr cit waai: ku yook tok ɣa, Ye jɔt rɔt, ku them luaŋ de Nhialic, ku kan de koc, kene kɔc ye duur thin.

² Ku tiai yuil luak aba puɔl, acii bi them; ne ke cene e yiɛn juur kɔk: ku kaabi pan lajik dum ne kecok ne pɛi keethiɛrŋuan ku rou.

³ Ku duleekcie keerou aabake taau, ku kaabi nyooth ne bianabur tok ku thiɛrnyɛny rou ku thiɛrdhetem de nin, e ke ci pioth ne alɛth ke cual.

⁴ Keekake aaye tiim ke olip keerou ku camadaan keerou, ka ye kɔɔc ne Bɛnydiit de piny nom.

⁵ Ku na nɔŋ ran nɔŋ piɔu nɛŋ de keek, ke mac ee tuɔl ne kethook, many ye kɔc ke aterden liek: a na nɔŋ ran nɔŋ piɔu nɛŋ de keek, e kabi ya nɔk yala.

⁶ Keekake anɔŋ riɛr thiek kek ke nhial, a go ciɛn deŋ ne akolken ke nyooth: ku kaanɔŋ riɛr wel kek piu ne ye riɛm, ku bik kek piny yiɛn bec eben, yiki loi ne nyindhia ci ke kɔrki.

⁷ Ku na ci lekden thok, ke lan ye bɛn bei ne abithic abi thɔr kene keek, ku kaabike tiam, ku nɛk keek.

⁸ Ku gupken ci thou aabi dhar ne dhol de pan ditic, pan ye cɔɔl Thɔdom ku Yijep ne ka ke wei, te e piɛte Bɛnydiitden thin eya.

⁹ Ku juɔr ku dhien ku thook ku wɛl aabi daai ne gupken ne nin keediak ku nhuth, ku kaace thiaŋ de keek bi gam.

¹⁰ Ku kɔc ceŋ tiɔp nom aabi piɔth lɔyum ne keek, ku loiki ka ke pian miɛt, ku kaabii ŋɛk ke ŋɛk roth ya miɔc; ne kee leere ke wei ne keenebiike keerou.

¹¹ Na re aci nin ya diak ku nhuth, ke weei de Nhialic lɔ ne keyic, a jɔlki kɔɔc ne kecok. Go riɔc dit kɔc dɔm kɔc eke ci ke ŋem.

¹² Goki ror dit piŋ nhial ne cɔl keek, Ye baka nhial eene. Goki lɔ nhial ne pioolic, ku ɣoi kɔc ke aterden keek.

¹³ Ku kee nɔŋ aluɛkluɛk dit ne yethaane, go biak de thiɛr de baai go yuik; go kɔc keebianabur dherou goki thou ne yealuɛkluɛkne: ku riɛɛce biakne riɛɛce yic, a goki Nhialiny de pan nhial noom.

¹⁴ Dhien de rou ee thok: ŋɛmka, ku Dhien de diak abi dai bɛn.

¹⁵ Go malaika de dherou go kuth; ku tul rot pan nhial, jamki, Yi ceŋ de piny nom ee ya ya ke de Bɛnydiitda, ku ye ke de Krithode: ku kabi ya dɔk athɛɛr wada.

¹⁶ Go roordit keethiɛrou ku ŋuan, ye reer ne Nhialic nom ne thocken, goki roth cuat piny, ku dorki Nhialic,

¹⁷ jamki, Yi yin yuku leec, Yin Bɛnydit Nhialic, Nɔŋ Riɛr Ebɛn, man ye tɔ ku ne ye tɔ; ne ke cin riɛr diitdu loom, ku ca ya dɔk.

¹⁸ Juɔr ee ci ɣok, ku jɔl ɣokdu bɛn, ku kol bene kɔc ci thou luk, ku kol bene aluɛkku nebii bene keek yiɛn riopden, ku kɔc cithiei, kene kɔc ye rinku riɛu, kɔc thii ku kɔc dit; ku bi kɔc riɔk kɔc ye tiɔp riɔk nom.

¹⁹ Ku liep luaŋ de Nhialic tɔ pan nhial; ku ŋem kiboto de mat luaak; ku tul yuil kene rot, ku mar de deŋ, ku aluɛkluɛk, ku kɔɔi kuɔt.