Welpiath ci Mak cithiei ke gɔɔr 12 - Lek Jot de Jecu Kritho 1940

¹ Go ke gɔl ne jiɛm ne parabool. Ye raan ee com dom de abiɛi, ku rɔk ne rɔk, ku wec adhuɔm de nhieny de piukeabiɛi, ku loi ɣon baar, ku nyiɛŋ awuut ke dom, ku leer pan dɛ.

² Ɣɔn ruer ke tooc aluaŋde enɔŋ kɔc ke dom bi ka ci luɔk lɔ bɛi domde.

³ Goki dɔm, ku duiki, ku cɔkki jiɛl te cin ke dɛ.

⁴ Go ke bɛɛr tuɔc aluaŋ dɛ; goki lɔ yup nom, ku luiki rɛɛc.

⁵ Go ran dɛ bɛɛr tuɔc; goki lɔ nɔk: ku kɔc juec kɔk eya; goki kɔk dui, ku nɛkki kɔk.

⁶ Ku ci tok doŋ ke yen, wenden nhiɛr: go jal tuɔc keek ciɛn, jiɛm, Ye kaabi wendie lɔ riɛu.

⁷ Go kɔc ke dom roth yɔɔk, Yi dit ekee kene, bak, nɛkku, ku bi dom ya adonyda.

⁸ Goki dɔm, ku nɛkki, ku cuɛtki wei domic.

⁹ Yen na bɔ bɛny de dom ke bi ŋo loi? kabi bɛn ku nɛk kɔc ke dom, ku yin dom kɔc kɔk.

¹⁰ Kɛnka kan ciir ne kacigɔɔr yic; Ya kuur ci rɛɛc ne kɔc ke buth; Yeneka cii taau ne ŋem de pany nom,

¹¹ Yekene ee bɔ nenɔŋ Bɛnydit, Ee ke yene gai ne wɔnyin?

¹² Goki piɔth naŋ bik dɔm; e ke riɔc ne duut, ne nyiny nyic kek ye lan jiɛm en ne parabol ne keek: goki waan ku jiɛlki.

¹³ Ku lek tuɔc kɔc kɔk ke Parithai ku kɔc ke Kerod, bik lɔ deep ne wel.

¹⁴ Ɣɔn yii biki, e ke jam, yookki, Yi Dupioc, yin nyicku ke yin ye ran yic, ku cii ye riɔc ne kɔc; ku cii ran thoi ke ran ye dit ye tɛɛk yic, yin ye kɔc piɔc ne dhol ne Nhialic neyic. Piɛth bi Kaithar ya juɛr, ka rɛɛc?

¹⁵ Buk ya miɔc, ka buk ya nyɔŋ? Go adhuɔmden nyic, ku yook ke, Ye yeŋo thɛmka ɣa? yiɛnka ɣɛn denariɔn, ba ŋem da.

¹⁶ Goki bɛi. Go ke thiec, Ye yeŋo yeke ci gaar thine ku ye rin ke ŋa? Goki yɔɔk, Yi kee Kaithar.

¹⁷ Go Yecu ke yɔɔk, Ye yaka Kaithar yiɛn ka ye kake, ku yiɛnka Nhialic ka ye kake. Goki gai areet ne yen.

¹⁸ Go Thadokai bɛn enɔŋ yen, kɔc ye jam yi cin jon de rɔt; ku thiecki, jamki,

¹⁹ Yi Dupioc, Mothe ee wɔ gar, Ye na thou manhe ne raan, ku nyiɛŋ tiŋde piny, ku cin mith, ke manhe lɔ ɣot ne tiŋde, ku bi manhe kɔɔc.

²⁰ Yenekee nɔŋ en wat keedherou: go wen tueŋ thiek, ku thou ke cin meth;

²¹ go bɛɛr lɔ ke wen de rou, go thou, ku cin meth; go bɛɛr yenya ne wen de diak:

²² bar ne dherou te cin meth. Ku jɔl tiik thou ciɛn ne kecok.

²³ Yen na ye kol de jon de rɔt, ke bi ya tiŋ de ŋa ne keek? ke ci ya tiŋden keedherou?

²⁴ Go Yecu dhuɔk keek, Ye cie kunyduɔn de kacigɔɔr ku rier de Nhialic yene ye we ye wuɔc?

²⁵ Na jɔtki roth ne thouic, ke kɔc aace beer thiek, ku diar aace bere thiak; aabi ya ciɛt malaikai pan nhial.

²⁶ Kɔc ci thou ku jonden de rɔt, kɛnka kitap de Mothe ciir, te cene Bun nyuɔp gaar thin, ku ke ci Nhialic lɛk en jiɛm, Ye an ye Nhialiny de Abraɣam, ku ya Nhialiny de Yithak, ku ya Nhialiny de Jakob?

²⁷ Nhialic acie Nhialiny de kɔc ye thou, ee Nhialiny de kɔc ye piir: ayaka wuɔc areet.

²⁸ Go ran toŋ de dugɛɛr bɛn, ku ci ke piŋ e ke thiec roth, ku nyic e ke ci jaam apiath, bii ku thiec, Ye ye loŋo dit ne looŋ yic?

²⁹ Go Yecu dhuk, Ye ketueŋ eke, Piŋ Yin Yithrael: Yekoba Nhialinyda ee Yekoba tok:

³⁰ Ye Yekoba Nhialinydu nhiar ne yipiɔu ebɛn, ku ne tiɛpdu ebɛn, ku ne tɛŋdu ebɛn, ku ne riɛrdu ebɛn.

³¹ Ku ke de rou eke, Ye ran rɛɛr ke yi nhiar ci man de yiguɔp. Acin loŋ dɛ dit ne keekake.

³² Go dugɛɛr yɔɔk, Ye kee yic, Dupioc, aca nyiɛc luel wu kee tok; ku kacin dɛ: ake yen yetok:

³³ ku nhiɛr yene ye nhiar ne piɔu ebɛn, ku nyic ebɛn, ku riɛr ebɛn, ku wɛr nhiɛr de ran rɛɛr ke raan wɛr miɔc ye nyop de gɛm ku koc de roth.

³⁴ Na ci Yecu ye ŋem ne tiiŋ, ke yook, Ye yin ce mec we ceŋ de Nhialic. Ku cin ran dɛ beer ye ŋɛɛny ne thiɛc.

³⁵ Go Yecu dhuk jiɛm, ke weet kɔc ne yekaluic, Ye yeŋo ye dugɛɛr jam, Yi ye Kritho wen de Dabid?

³⁶ Dabid ne guɔpde ee ci jam ne Jɔŋdiit Lajik, Ye Yekoba ee Bɛnydiitdie yɔɔk, Ye nyuɔce ne ciin cuecdie Aɣet kol ban yi cɔk kɛc kɔc nɔŋ ater kene yin kɔth?

³⁷ Ee ye Dabid cɔɔl Bɛnydit, yen ye wende yede? Go kɔc arabaac piɔth miɛt ne welke.

³⁸ Go ke piɔc jiɛm, Ye yaka roth ŋem ne dugɛɛr kɔc ye piɔth naŋ bik alɛth bar ya ceŋ, ku yiki muɔth nhiar ne ɣɔn ke ɣɔc,

³⁹ ku thoc ke bany ne luek ke gueer yic, ku ɣɔn ke bany te de cam dit:

⁴⁰ keek man ye ɣoot ke diarjɔɔk cam yic, ku yiki lɔŋ cɔk baar ne adhuɔm; aabi naŋ lukwei gok.

⁴¹ Go nyuc ne weu ye juaar lɔm, ku dɛi ne cuɛt cuɛte duut weu ne weu ye juaar yic: go kɔc juec ci bany weu juec ya cuat thin.

⁴² Go tiŋjɔɔk ye aŋaaŋ go bɛn, ku cuɛt leptai keerou, cit malim tok.

⁴³ Go kɔcpiocke cɔɔl, ku jiɛm, yook ke, Ye we ya yɔɔk neyic, Ya yetiŋjɔɔk ŋɔŋ guɔpne, yenekee weu juec cuat thin ne kɔc kedhia:

⁴⁴ ke kedhia aa cuɛt areet ne kuɛth cik kek kuɛth, ku ye yeŋaŋe ee ke e tɔ kene yen cuat ebɛn, agut ke ceŋ en en ebɛn.