Welpiath ci Luk cithiei ke gɔɔr 4 - Lek Jot de Jecu Kritho 1940

¹ Go Yecu dhuk ne Jordan ke ci thiɔŋ ne Jɔŋdiit Lajik, ku ŋɔr ne Jɔŋdiit Lajik ŋɛɛr rokic ne nin keethiɛrŋuan,

² le durieth them. Ku cii ciɛm ne keeakolka: ɣɔn ye nin yi thokki, ke jal kuk.

³ Go durieth yɔɔk, Ye na ye Wen de Nhialic, ke yin yɔɔke yekuure bi ya cuin.

⁴ Go Yecu dhuk, Ye kee gɔɔr, Ya raan aci bi piir ne cuin nyin.

⁵ Go durieth laar, ku dɔc nyuɔth ceeŋ ke piny nom kedhia.

⁶ Ku yooke durieth, Ye yin ba yiɛn yeriɛre ebɛn, kene nuɔmden: ee ya kedie; ku ran naŋ ɣan piɔu yin en, e kayiɛn e.

⁷ Yen na ba duur ne ɣanom, ke kaabi ya kaku kedhia.

⁸ Go Yecu dhuk yook, Ye waane rɔt ne ɣakɔu, Catan: ee gɔɔr, Ya yin bi Nhialic Bɛnydiitdu aba ya door, ku yeneka ba ya luɔi yetok.

⁹ Go bɛɛr laar Jeruthalem, ku jɔt ne yekalu nom temoth, ku yook, Ye na ye Wen de Nhialic, ke yin cuate rɔt piny eene:

¹⁰ ne ke cene ye gɔɔr, Ya kabi malaikaike yɔɔk ne yin, bik yi ya gel.

¹¹ Ku bik yi muɔk nhial ne kecin, Kɛlke yin bi yicok dɛny kuur.

¹² Go Yecu dhuk yook, Ye kee luel, Ya yin ce Bɛnydit Nhialinydu acii bi ya them.

¹³ Na wen aci theem ke durieth jal thok kedhia, ke pɛl piny ku jiɛl.

¹⁴ Go Yecu dhuk ne riɛr de Jɔŋdit dhuk Galili: go thoŋde kok thiɛi rɔt ne bɛi ke yepinye kedhia.

¹⁵ Go ya weet ne luekken ke gueer yic, go leec ne raan ebɛn.

¹⁶ Go lɔ Nadhareth, pan e dit en thin: ku leer luaŋ de gueer ne kol e thabath ci man e yen lɔ thɛɛr, ku jɔt rɔt ciir waragak.

¹⁷ Go yiɛn kitam de nebi Yithaya. Go kitap liepic, ku yok te ci gɔɔr yala,

¹⁸ Ya Jɔŋdiit de Bɛnydit aci ɣa nyuɔc, Ne ke cen ɣa tɔc ba welpiath ya lɛk aŋaaŋ: Aci ɣa tooc ba kɔc cike luaak lɛk luny, Ku lɛk coor yinden, Ku ba kɔc yeke yɔŋ lony,

¹⁹ Ku ba kɔc lɛk run piɛth de Bɛnydit.

²⁰ Ku mɛt kitapic ku gɛm yin awut, ku nyuuc: go raan ebɛn tɔ luaŋ de gueer go nyin kuɛɛk eguɔp.

²¹ Go ke gɔɔc ne yook, Ye yekecigɔɔre cak piŋ ne weyithne ee rɔt dhiɛɛl ekole.

²² Go raan ebɛn jam ne piathde, ku gɛiki ne wel ke athiɛi ci bɛn bei ne yethok: goki jam, Yi cii ye wen de Jothep yekene?

²³ Go ke yɔɔk, Ye kanyiɛc we bi a lɛk yeparabole, Wuɔ yin ye Akem, cok rɔt dem: keriɛc ebɛn cuk piŋ ne loi ne Kapernaum, loi etene pinyduɔn eya.

²⁴ Go jam, Ye we ya yɔɔk neyic, Ya kacin nebi ye gam pinyden.

²⁵ Ku we lɛk yic, Ya diarjɔɔk ake kuɔt ne Yithraelic ne akol tɔ Elija ke, ɣɔn cene nhial thiɛk ne run keediak ku pɛi keedhetem, ɣɔn biiye pawɛɛr ne piny nom ebɛn;

²⁶ ee cin ran toŋ de keek cene Elija ben tuɔc, aye pan cɔl Dharepath yetok, tɔ piny de Thidon, tenɔŋ tiŋjɔɔk.

²⁷ Ku kɔc ci dɔm ne abiɛl ake kuɔt ɣɔn ne Yithraelic ne akol ke nebi Elica; ku kacin toŋ de keek ci bi dɛm, aye Naaman muɔny Thuria.

²⁸ Goki thiaŋ ne tɔŋ kedhia luaŋ de gueer, elan e piŋ kek keekaka;

²⁹ goki roth jɔt, ku ciecki wei baai, ku leerki ne kuur nom kuur cene panden loi ne yenom, yi bik lɔ piɛk piny.

³⁰ Go teek ne keciɛl yic leer dholde.

³¹ Go Yecu bɛn Kapernaum, piny de Galili. Go ke piɔc ne kol e thabath:

³² goki gai ne piocde, ne ke nɔŋe welke yic riɛr.

³³ Ku raan ee tɔ luaŋ de gueer, ran nɔŋ jɔŋ rac; go coot areet.

³⁴ Ye ɣee! yeŋo buk bi loi ne yi, yin Yecu de Nadhareth? ne yin bɔ ba wɔ nɔk? Yin nyiɛc, yin ye Toŋ Lajiŋ de Nhialic.

³⁵ Go Yecu waai, yook, Ye mim, ku bar bei ne yeguɔp. Wen ye jɔŋ rac ye ci ye yuɛt piny cilic, ke jɔl bɛn bei ne yeguɔp, ke cin te ci nɔk.

³⁶ Go raan ebɛn cok gai ne gai dit, ku jamki ne roth, ŋɛk ke ŋɛk, Yi ye wɛt ŋo ekene? anɔŋ riɛr ciec en jak rac, ku gamki a biki bei.

³⁷ Go thoŋde kok leer ne bɛi ke yepinye kedhia.

³⁸ Go jaal luaŋ de gueer, ku leer ɣon de Thimon. Ku dhiɔm de Thimon ee bec areet ne alɛɛth e guɔp; goki lɔŋ ne yen.

³⁹ Go kɔɔc ne yenom, ku wɛɛi alɛɛth e guɔp; go puɔl, go rɔt dai jɔt ku le ke luɔi.

⁴⁰ Ɣɔn ye akɔl ye col, ke kɔc eke nɔŋ kɔcken bec e ke biiyeke enɔŋ en; go ke ya kan yeciin kedhia, cɔk ke dem.

⁴¹ Ku bɔ jak rac bei ne kɔc juec kɔk gup e ke cot, yiki jam, Yii yin ye Wen de Nhialic. Go ke waai duɔeke bi jam, ne ke nyic kek ye ke ye Kritho.

⁴² Na ɣɔn ye piny ye run, ke lɔ biyic, ku ler telaau: go duut ŋaŋ areet, goki lɔ enɔŋ en ku yi bik peen, yii te cii jiɛl enɔŋ keek.

⁴³ Go ke yɔɔk, Ye ɣan bi weet de thook piɛth ke ceŋ de Nhialic lɔ dhiil ne lek bɛi kɔk eya: yenekee tuuce ɣɛn.

⁴⁴ Go ya lɔ weet ne luek ke gueer yic ke Galili.