Welpiath ci Luk cithiei ke gɔɔr 3 - Lek Jot de Jecu Kritho 1940

¹ Ɣɔn ne run de thiɛr ku dhiec de ceŋ de Tiberio Kaithar, ke Pontio Pilato ee ye gabana de Judaya, ku ye Kerod tetararki de Galili, ku ye manhe Pilip ye tetararki de piny de Yituraya, ku Tarakoniti, ku ye Luthanio tetararki de Abilini,

² ku ye yii Anath kene Kaiapath yiki banydit ke ka ke Nhialic, go wɛt de Nhialic bɛn enɔŋ Jɔn wen de Dhakaria ke tɔ roor.

³ Go bɛn piny thiak ke Jordan ebɛn, ye weet ne baptinh de wel de piɔu de pɛl de rɛɛc;

⁴ ci man cene ye gɔɔr ne kitam de wel ke nebi Yithayayic, luel, Ya ror de toŋ ye coot roor, Ye juɛrka dhol de Bɛnydit, Luɔika dhɔlke e ke lɔcith.

⁵ Thuɔth ebɛn abi thoony, Ku kurthii ku kurdit kedhia aabi rai; Ku ɣɔn ŋɔl aabi cith, Ku dhɔl lɔ ɣɔmɣɔm aabi thoŋ;

⁶ Ku raan ebɛn abi luaŋ de Nhialic ŋem.

⁷ Ku jɔl duut yɔɔk, dun ci bɛn enɔŋ en bi bi baptith, Ye we kuan de karuɔr, yeŋa ci we nyiɛɛn bak ɣok bi bɛn deeny?

⁸ Yaka luɔi de wel de piɔth bɛi, ku duɔka ye cak ne luel ne wepiɔth, Wuɔ wɔ nɔŋ Abraɣam ne ye awada: we yɔɔkke, Nhialic aleu keekurka ne cak e ke ye mith ke Abraɣam.

⁹ Ku emane yiep ee cɔk yep mei ke tiim: yen tim ebɛn cie luɔk ne luɔk piath aye yiɛp piny, ku cuate mɛɛc.

¹⁰ Go duut thiec, Ye yeŋo buk ya dhiil ne luɔi?

¹¹ Go dhuk yook ke, Ye cakka ran nɔŋ alɛth ke kɔu keerou, cakka gɛm tok ran cin ke dɛ; ku cakka loi ran nɔŋ miɛth yeya.

¹² Go mejueer bɛn eya bi ke bi baptith, goki thiec, Yi Dupioc, buk ŋo dhiil ne luɔi?

¹³ Go ke yɔɔk, Ye yaka ciin ci lɛk we juar ku duɔka ye jɔpic.

¹⁴ Go lathkeer goki thiec eya jamki, Yi ku naŋ wɔ, buk ŋo ya loi? Go ke yɔɔk, Ye duɔka kɔc ye peec ne riɔc, ku duɔka kɔc ye riɛth, ku yaka piɔth miɛt ne riopduɔn.

¹⁵ Na ɣɔn aye raan ebɛn ŋɔth, ku yiki kepiɔth ciɛt ne Jɔn, lan yen Kritho,

¹⁶ e ke gam Jɔn ke, yook ke kedhia, Ye we yake baptith neyic ne piu; ku toŋ beer riɛr ne ɣɛn abiɔth ɣacok, ran can piath a dak wɛrke: yeneka bi we baptith ne Jɔŋdiit Lajik ku ne mac:

¹⁷ amuk akɔt ne yeciin ku kabi pinyden de yuɛu weec apiath, ku kabi rap juɔk guŋde, ku kabi ayiɛl nyop ne many cie leu ne piɔk.

¹⁸ Go kɔc lɛk welpiath ne cok juec kɔk,

¹⁹ ku Kerod tetararki, man ci waai ne ke de Kerodiath tiŋ de manhe, ku karɛc juec cike loi, ye Kerod,

²⁰ ee ke wɛr keek kedhia loi, ne many cen Jɔn mac ɣon de dom.

²¹ Na ɣɔn aci kɔc baptith kedhia, ku ci Yecu baptith eya, ku ye lɔŋ, ke nhial liep yeyic,

²² go Jɔŋdiit Lajik bɛn piny ke nɔŋ guɔp, ci man de kure, lony en, ku bɔ ror nhial, Ye yin ye Wendien nhiaar; yin can piɔu lɔyum.

²³ Ɣɔn gɔɔce Yecu weet, e ke yee runkeek ke dit thiɛrdiak, ke ye wen de Jothep (ci man e yene ye thɔɔŋ,) Jothep ee ye wen de Eli,

²⁴ Eli de Mathat, Mathat de Lebi, Lebi de Melki, Melki de Janai, Janai de Jothep,

²⁵ Jothep de Matathiath, Matathiath de Amoth, Amoth de Nakum, Nakum de Ethli, Ethli de Nagai,

²⁶ Nagai de Maath, Maath de Matathiath, Matathiath de Themein, Themein de Jothek, Jothek de Joda,

²⁷ Joda de Joanan, Joanan de Retha, Retha de Dherubabel, Dherubabel de Calathiel, Calathiel de Neri,

²⁸ Neri de Melki, Melki de Adi, Adi de Cotham, Cotham de Elmadam, Elmadam de Er,

²⁹ Er de Yecu, Yecu de Eliedher, Eliedher de Jorim, Jorim de Mathat, Mathat de Lebi,

³⁰ Lebi de Thimeon, Thimeon de Judath, Judath de Jothep, Jothep de Jonam, Jonam de Eliakim,

³¹ Eliakim de Melea, Melea de Mena, Mena de Matath, Matath de Nathan, Nathan de Dabid,

³² Dabid de Jethe, Jethe de Obed, Obed de Boadh, Boadh de Thalmon, Thalmon de Nacon,

³³ Nacon de Aminadap, Aminadap de Aram, Aram de Kedhron, Kedhron de Peredh, Peredh de Juda,

³⁴ Juda de Jakob, Jakob de Yithak, Yithak de Abraɣam, Abraɣam de Tera, Tera de Nakor,

³⁵ Nakor de Therug, Therug de Reu, Reu de Peleg, Peleg de Eber, Eber de Cela,

³⁶ Cela de Cainan, Cainan de Arpakad, Arpakad de Cem, Cem de Noa, Noa de Lamek,

³⁷ Lamek de Mathuthela, Mathuthela de Enok, Enok de Jared, Jared de Makalaleel, Makalaleel de Cainan,

³⁸ Cainan de Enoth, Enoth de Theth, Theth de Adam, Adam de Nhialic.