Welpiath ci Luk cithiei ke gɔɔr 22 - Lek Jot de Jecu Kritho 1940

¹ Ku miɛth de cuin cinic awuro ee ci thiɔk, ye cɔɔl Ret.

² Go banydit ke ka ke Nhialic ku dugɛɛr goki ke bik kek ye nɔk kɔɔr; ne kee ye kek riɔc ne kɔc.

³ Go Catan lɔ ne Judath piɔu man e ye cɔɔl Yithkariɔt, ye ran toŋ de thiɛrkurouic.

⁴ Go jaal, ku lee loŋ kene banydit ke ka ke Nhialic ku bany ke rem, ne yin ben Yecu yiɛn ke.

⁵ Goki piɔth miɛt, ku luelki yii bik yiɛn weu.

⁶ Go gam, ku ye kol ben guɔp miɛt ben e yiɛn ke kɔɔr te liiue duut.

⁷ Go kol de cuin cinic awuro go ɣeet, kol bene roth kɔc de ret.

⁸ Go Petero kene Jɔn tooc, jiɛm, Ye lak juɛrka ret, buk lɔ cam.

⁹ Goki yɔɔk, Yii ye teno kɔr bii wɔ ye lɔ juir thin?

¹⁰ Go ke yɔɔk, Ye ŋɛmka, na cak lɔ bei, ke we bi rɔm wene mony ɣɛɛc tony de piu; ke biathka cok ɣon leer en thin.

¹¹ Ku we bi ran piɛth de ɣot yɔɔk, Wuɔ yin ye Dupioc yɔɔk, Ye tɔ ɣon de kamaan teno, ban ret lɔ cam thin wɔne kɔcciɛk piɔcke?

¹² Ku kabi we nyuɔth ɣondiit nhial nɔŋic kaŋ: ke juir we thin.

¹³ Goki lɔ, ku lek yok ci man e cen e lɛk keek: goki ret juir thin.

¹⁴ Na ci thaa ɣeet, ke nyuc, ku kɔcpiocke kene yen.

¹⁵ Go ke yɔɔk, Ye ɣan ee cok piɔu naŋ ba yerete cam wɔ we ka ŋoot ka ken guɔ gum:

¹⁶ we ya yɔɔk, Ya kacaa beer cam, agut te ben rɔt jal dhiɛl ne ceŋ de Nhialicic.

¹⁷ Ku loom abiny, ana ye ci leec, ke jam, Ye lɔmka yekene, ku tɛkka roth:

¹⁸ we ya yɔɔk, Ya ɣan ci beer ben dek ne luɔk de abiɛi, agut te biiye ceŋ de Nhialic.

¹⁹ Ku loom mono, ana ye ci leec, ke wɛkic, ku yin ke, jiɛm, Ye yekene ee guɔpdien ci gam ne week: yaka loi wuɔla bak wenhiim ya ciɛt ne ɣɛn.

²⁰ Ku yene ye cɔɔk de abiny eya, wen cii miɛth thei thok, jiɛm, Ye yeabinye kee man jot ne riɛmdie, riɛm bi kueer wei ne week.

²¹ Ku ŋɛmka, ciin de ran nyiin ɣɛn atɔ ne agen nom ke ɣɛn emane.

²² Wen de raan acok lɔ, ci man e cene ye luel: ku kabi naŋ dhieu enɔŋ yeran bi ye nyiɛne!

²³ Goki roth gɔɔc ne thiɛc, ne ran bi yekene loi ne keek.

²⁴ Go teer rɔt gɔɔc ne keyic, ne ran bi cɔk ye dit ne keyic kedhia.

²⁵ Go ke yɔɔk, Ye meleek ke Juurkɔk aye naŋ bany ne kenhiim; ku kɔc ye naŋ riɛr ne kenhiim aaye cɔɔl Amiooc.

²⁶ Ku we ci bi ya yenya: ne ran ye dit ne weyic, nɛke ye kuur; ku ne ran ye ya bɛny, nɛke ye ciɛt awut.

²⁷ Yeŋa ye dit, ye ran ye nyuc bi cam, ka ye ran ye luui? cie ran ye nyuc bi cam? ku ɣan tɔ ne weciɛl yic ci ran ye luui.

²⁸ Ku we eka ke ye dhiac ke we tɔ wene ɣɛn ne themdieic;

²⁹ ku we yiɛn ke ceŋ, ci man e yine ye ɣa ne Awa:

³⁰ bak ya cam ku dɛkka ne agendie nom ne ceŋdieic; ku bak ya nyuc ne thoc nhiim, yaka juur keethiɛrkurou ke Yithrael luk.

³¹ Thimon, Thimon, ŋem, Catan ee ci yin thiec bi yi loom, bi yi thieth ci rap:

³² yeneka can lɔŋ ne yin, duɔke gamdu bi liu: ku na ca rɔt bɛɛr wel miak, ke yin cɔk mithakɛcku ye riɛr.

³³ Go yɔɔk, Ye Bɛnydit, ɣan ci piɔu naŋ lɔ wɔne yin ɣon de dom ku ne thouic.

³⁴ Go jam, Ye yin ya yɔɔk, Petero, ya ajith aci bi ciu ne yekole, ke yin ken an jai naadiak wu kakuɔc.

³⁵ Go ke yɔɔk, Ye ɣɔn can we tooc te cin boon, ku akup, ku war, nɔŋ ke cak bi dak? Goki jam, Yii kee cin ke dɛ.

³⁶ Go ke yɔɔk, Ye yemane, na yee ran nɔŋ boon, ke leer, ku yene ye cɔɔk de akup: ku ran cin ke dɛ, ke ne ɣɛɛc alanhde, ku ɣɔɔc theep.

³⁷ We ya yɔɔk, Ya yekecigɔɔre abi rɔt dhiɛl ɣɛn, Ya ku kee mat kene kɔc ci kerac loi: ke ci luel ne ɣɛn abi rɔt dhiɛl.

³⁸ Goki jam, Yii Bɛnydit, ŋem, thep eke keerou. Go ke yɔɔk, Ye kee loi.

³⁹ Go bɛn bei, ku leer ci manden e dhia ne kuur e Olip; ku kuɛny kɔcpiocke cok eya.

⁴⁰ Ɣɔn ye ci ɣet thin, e ke yookke, Ye laŋka duɔke we bi them.

⁴¹ Ku rɛt rɔt dɔɔr: ku tuk yenhiɔl ku lɛŋ,

⁴² jiɛm, Ye Awa, na tɔ ne yipiɔu; ke yin ɣoc yeabinye ne ɣanom: acie ke de apiɔu, loi ke de piɔndu.

⁴³ Go malaika tuɔl enɔŋ en nhial, ku cɔk rir.

⁴⁴ Ku ne kee nɔŋ en dhien diit de piɔu, go lɔŋ ne yepiɔu ebɛn: a bi duit diit lɔ wai ya thuɛɛt piny ci riɛm.

⁴⁵ Na ci rɔt jɔt teden de lɔŋ, ke bɔ enɔŋ kɔckeek piocke, go ke yok e ke nin ne dhien de piɔu,

⁴⁶ go ke yɔɔk, Ye yeŋo niin we? jatka roth ku laŋka, duɔke we bi them.

⁴⁷ Ana ye ŋoot ke jam, ŋem, go dundit bɛn, e ke ŋaar Judath keek, ne ye ran toŋ de thiɛrkurou; go rɔt cuɔt Yecu bi ciim.

⁴⁸ Go Yecu yɔɔk, Ye Judath, nyiɛne Wen de raan ne ciɛm?

⁴⁹ Ku na ci kɔc kaac ne yelɔɔm ke bi tuɔl ŋem, e ke jam, Yii Bɛnydit, buk ɣeet ne thep?

⁵⁰ Go ran toŋ de keek go aluaŋ de bɛnydiit de ka ke Nhialic kɛp yic wei, yiny cuec.

⁵¹ Go Yecu dhuk jiɛm, Ye cakka yekene pek. Ku jiɛk yic ku cɔk dem.

⁵² Go Yecu bany ke ka ke Nhialic yɔɔk, ku bany ke yekalu, kene roordit, kɔc eke bɔ bik teer kene yen, Ye yaka bɛn ci kɔc bi merum bi dɔm, wene tɔɔŋ ku lɔc?

⁵³ Waar aya tɔ ne yekaluic, ke we ce ɣa jak: kee thaduɔn ekene, ku riɛr de cuɔl.

⁵⁴ Goki dɔm, ku thelki, biiki luaŋ de bɛnydiit de ka ke Nhialic. Go Petero biaath temec.

⁵⁵ Na ɣɔn acik mac kony ne baai ciɛlic, acik jal nyuc tetok, ke Petero nyuc ne keciɛl yic.

⁵⁶ Go nyan tok go ŋem ke rɛɛr ne riar de mac nom, go dot ne ŋem, ku jiɛm, Ye yerane ee ye tɔ eya kene yen.

⁵⁷ Go jai, jiɛm, Ye tiik, kakuɔc.

⁵⁸ Na re, ke ŋem ran dɛ, ku jiɛm, Ye yin ye toŋ de keek eya. Go Petero jam, Ye raan, ɣan cie yen.

⁵⁹ Ana ye beer ye thol kaam cit thaa tok, ke ran dɛ cok jam nejik, jiɛm, Ye kacok ya yic, yerane ee ye tɔ ke ye: ne ke yen muɔny Galili.

⁶⁰ Go Petero jam, Ye raan, ɣan kuc yeke ye luele. Ana ye ŋoot ke jam yeya, ke ajith go dai ciu.

⁶¹ Go Bɛnydit rɔt puk, ku ɣoi Petero. Go Petero wɛt de Bɛnydit jal tak, war yok en en, Ye yin bi ɣa jai naadiak ne yekole, ke ajith ken guɔ ciu.

⁶² Go lɔ biyic ku lee dhiau ne dhien kec.

⁶³ Ku kɔc ci Yecu dɔm aa ye bui, ku yupki.

⁶⁴ Ku dutki nyin, ku thiecki, jamki, Yii lɛkne wɔ: ye yene yeŋa man e maŋ yi?

⁶⁵ Ku luelki guɔp kajuec kɔk, ku leetki.

⁶⁶ Ku na ye piny ye run, ke kɔc eke ci gueer de yii roordit ke kɔc, e ke gueer tetok; keek ke yii banydit ke ka ke Nhialic ku dugɛɛr; ku thelki te de luɔkken, jamki,

⁶⁷ Yii na ye yin e ye Kritho, ke lɛke wɔ. Go ke yɔɔk, Ye na lɛk we, e kacak bi gam:

⁶⁸ ku na thiɛc we, e kacak bi bɛɛr.

⁶⁹ Na re ke Wen de raan abi nyuɔc ne ciin cueny de riɛr de Nhialic.

⁷⁰ Goki jam kedhia, Yii a ye Wen de Nhialic? Go ke yɔɔk, Ye kayaka luel wuɔ ya yen.

⁷¹ Goki jam, Yii yeŋo berku kɔr duleek: ke cuk jal piŋ ne yethok ne gupkuɔ.