Welpiath ci Luk cithiei ke gɔɔr 21 - Lek Jot de Jecu Kritho 1940

¹ Go yenyin jɔt, ku ŋem kɔc ci bany e ke cuɛt weuken ye miɔc de Nhialic ne ke de juɛric.

² Go tiŋjɔɔk tok ŋɔŋ guɔp ŋem ke cuɛt leptai keerou thin.

³ Go jam, Ye we ya yɔɔk neyic, Ya yetiŋjɔɔkne ee weu juec cuat thin ne keek kedhia:

⁴ ne ke ye keekɔcka cuɛt thin ne bany cik kek bany: ku kee keden e piir en ebɛn cuat thin ne ŋɔɔŋden de guɔp.

⁵ Ana ye kɔc yii jamki ne yekalu, ne dheeŋ cene ye dheeŋ ne kur ke weu juec, ku miɔc, ke jam,

⁶ Ye keeka yakake ŋemka, abi naŋ akol bi bɛn, ben ciɛn kuur toŋ dɔŋ ne kuure nom, ci bi thuɔr piny.

⁷ Goki thiec, jamki, Yii Dupioc, ye naa bii keekaka tuɔl, ku yeŋo bi ya cin nyuth kɔc thiɔk cik kek lɔ e ke thiɔk?

⁸ Go ke yɔɔk, Ye yaka roth ŋem duɔke we bi ya dhoom: ne ke bii kɔc juec ya bɛn ne rincie, ku yiki jam, Yii ɣan ekee ye; ku, Yii thaa ee ɣeet: ke we duɔka ke biɔth.

⁹ Ku na yaka tɔɔŋ piŋ ku teer, ke we duɔka ye riɔc, ne ke bii kekake roth kan dhiɛl; ku ŋoot kol ciɛn ke liu.

¹⁰ Go ke yɔɔk, Ye jure abi rɔt jɔt jure, ku ceŋ ke ceŋ:

¹¹ ku kabi naŋ aluɛkluɛk dit, ku pawɛɛr kene bec aabi tɔ ne ɣan kɔk ke tiɔp nom; ku ka bene ke riɔc aabi tɔ kene cit dit nhial.

¹² Ku te ŋoote keekaka e ke ken guɔ tuɔl, ke we bi dɔm ku ŋet we, leere we ne luek ke gueer yic ku ɣoot ke dom, ku we bi ya laar ne meleek nhiim kene gabanai ne ke de rincie.

¹³ Yeneka bi rɔt ya cɔk ye lekduɔn de kɔc.

¹⁴ Yen yaka wepiɔth muk ne ke cin en welkuɔn ke beer bakke ya tak:

¹⁵ we ba ya yiɛn wel ku nyic, ka ci kɔckuɔn ye we maan ke bi ya leu ne dhuk.

¹⁶ Ku we bi ya gam ne kɔckuɔn eya, ku watmɛthkuɔn, ku dhienduɔn, kene mɛɛthkuɔn; ku kɔc kɔk ke week aabi cɔk nakke a bik thou.

¹⁷ Ku we bi ya maan ne raan ebɛn ne ke de rincie.

¹⁸ Ku kacin nhiɛm toŋ de nhimkuɔn bi jaal.

¹⁹ We bi tipkuɔn luɔk ne guɔmduɔn.

²⁰ Ku na ŋɛmka Jeruthalem ne ci yuɛl piny ne rɛm, ke jalka nyic lan cii riak thiɔk.

²¹ Ke we cakka kɔc ke Judaya riŋ e kur nhiim; ku ne kɔc tɔ ne yeyic neke jel thin leki biyic; ku duɔka kɔc tɔ kec cɔk beer lɔ thin.

²² Keeakolka aye akol ke guur, bi kacigɔɔr kedhia bik roth dhiɛl.

²³ Abi naŋ dhieu enɔŋ diar liac ku diar tiakke ne keeakolka! dhien diit de piɔu abi tɔ ne piny ebɛn ku ɣok enɔŋ ejure.

²⁴ Ku kaabi yuik ne theep thok, ku peece ke ne juɔɔric ebɛn: ku Jeruthalem abi kacic ne Juurkɔk, agut te bii akol de Juurkɔk thok.

²⁵ Ku kabi naŋ cit ne akɔlic kene pɛɛi ku kuel; ku dhien de piɔu ne tiɔp nom; ku gai de arɔɔr de bar kene atitiak;

²⁶ kɔc aabi niar ne riɔc, ku ne diɛr de ka bi bɛn ne tiɔp nom: riir nhial aabi met.

²⁷ Ku jɔlki Wen de raan ŋem ne bɔ ne piolic nhial ne riɛr ku nuɔm gok.

²⁸ Ku na gɔc keekake roth ne bɛn, ke we liec nhial, ku jatka wenhiim; luaŋduɔn ee thiɔk.

²⁹ Go ke ciɛr parabol: Ye ŋɛmka ŋaap, ku tiim kedhia:

³⁰ na yiki nyok, e kaa yaeke ŋem ku nyiɛcka wepɛc lan cii ruer thiɔk.

³¹ Yenekee cɔɔkduɔn eya, na ŋɛmka keekake e ke bɔ, ke nyiɛcka ceŋ de Nhialic ee thiɔk.

³² We ya yɔɔk neyic, Ya yekuane aci bi thok, ke keekake kedhia ken thok ne bɛn.

³³ Nhial ku piny aabi liu: ku welcie aaci bi ya liu.

³⁴ Ku yaka roth ŋem duɔke we bi piɔth ya naŋ kuɛth diit de miɛth ku yaka miɔl, ku luɔi de yepinye, duɔke yekole bi lɔ cel ci man de thindik:

³⁵ yenekee cɔɔk ben bɛn enɔŋ kɔc ceŋ tiɔp nom kedhia.

³⁶ Ku yaka nyiin tiit akolriɛc ke we ye lɔŋ, bak keekake ya leu ne deeny, keeka bi tuɔl, ku bak kɔɔc leu ne Wen de raan nom.

³⁷ Ku ye weet ne yekaluic ne akol yic; ela thei, ke lɔ biyic leer ne kuur ye cɔɔl kuur e Olip.

³⁸ Ku ye kɔc riɛr enɔŋ en miakdur ne yekaluic bik lɔ piŋ.