Welpiath ci Jɔn cithiei ke gɔɔr 8 - Lek Jot de Jecu Kritho 1940

¹ Go Yecu lɔ kuur de Olip.

² Ku le bɛr dhuk yekalu ɣɔn miakdur, go kɔc gueer enɔŋ en kedhia; go nyuc piiny ku pioc keek.

³ Go dugɛɛr ku Parithai goki tiŋ ci dɔm kene ran dɛ bɛi enɔŋ en; ku na cik ye tau cilic,

⁴ ke yookki, Ya Bɛny, yetiŋe ee ci dɔm ke lɔ ke ran dɛ, ee yok ke loi.

⁵ Mothe ee ci wɔ yɔɔk ne loŋ ye bi kɔc yinela ya biɔɔk ne kur: yen ye jam wude?

⁶ Aake luel ekene them ke yen; bi naŋ ke bi kek ye guɛɛl. Go Yecu guŋ, ku gɔɔr piny ne yeciin.

⁷ Goki dhiac ke thiecki, go yekɔu jɔt, ku yook keek, Ye na ye ran cin kerac ne weyic, ke ne kɔn kuur biɔk enɔŋ yen.

⁸ Go bɛr guŋ, ku gɔɔr piny ne yeciin.

⁹ Go kɔc ci ye piŋ, goki luɔkwei ne kepiɔth, ku leki biyic tok ku tok, gɔl ne kɔc dit agut kɔc ciɛn: go Yecu doŋ yetok, ku tiik ee kac cilic.

¹⁰ Go Yecu yekɔu jɔt, ke cin ran ŋem a ye tiik yetok, go yɔɔk, Ye tiŋe, tɔki teno? cin ran ci yi luɔkwei.

¹¹ Go jam, Ye yin caa bi luɔkwei eya: lɔɔr tedu; ku duɔne kerac kɔn bɛr loi.

¹² Go Yecu ke bɛr yɔɔk jiɛm, Ye ɣan ye ɣɛɛr de piny nom: ran ye ɣa kuany cok aci bi ya cath tecol, ku kabi ya naŋ ɣɛɛr de piir.

¹³ Go Parithai yɔɔk, Ya yin ye duleŋ de rɔt; ku lekdu acie yic.

¹⁴ Go Yecu ke gam ku yook ke, Ye na ya duleŋ de rɔt, ke kedie adhiac ke ye yic: an nyic te bɛi ɣɛn, ku te lar ɣɛn; ku we ce te bɛi an nyic, ku te lar ɣɛn.

¹⁵ We ye luk ne ka ke baŋ biyic; ku an ci raan ye luɔk.

¹⁶ Ku na ya luk, ke luŋdie ee ya yic: an ce tɔ atok, ee ɣɛn wɔne Awa e tuuc ɣɛn.

¹⁷ Ee gɔɔr ne looŋkuɔn yic eya, Ya lek de kɔc keerou ee ya yic.

¹⁸ Ɣan eke duleŋ de rɔt, ku Awa e tuuc ɣɛn ee duleŋ de ɣɛn.

¹⁹ Goki yɔɔk, Ya tɔ Wur teŋo? Go Yecu dhuk, Ye we kuc ɣɛn, ku kuɔcka Awa: na ne we nyic ɣɛn, e kee te nyiɛcka Awa eya.

²⁰ Keewelke aake luelke ɣon de weu ke piɔc ne yekalu: ku cin ran go ye dɔm; kolde ee ŋoot wei.

²¹ Go ke bɛr yɔɔk, Ye an jiɛl, ku we bi a ya kɔɔr, ku we bi thou ne kerɛɛcduɔnic: te lar an, acii we bɛn bi leu.

²² Go Judai goki jam, Yi bi rɔt nɔk, e ke yen jam, Ye te lar an, aci we bɛn bi leu?

²³ Go ke yɔɔk, Ye we we bɔ piiny; ku an ee bɔ nhial; we ye ka ke epinye nom; ku an cie ke de epinye nom.

²⁴ Yekene ayɔɔk an wek, ya we bi thou ne karɛckuɔn yic: te cii we ɣa ye gam wuɔ ke ye, ke we bi thou ne karɛckuɔn yic.

²⁵ Goki yɔɔk, Yi ye ŋa? Go Yecu ke yɔɔk, Ye yeŋo yan jam wɔ week?

²⁶ Anɔŋ kajuec ban ke jam ku ban ke luk ne week: ku yen man ci a tuɔc ee yic; ku ka ca piŋ enɔŋ yen, keeka ya luel ne piny nom.

²⁷ Ku cik nyic lan jiɛm en ke keek ne Wun.

²⁸ Go Yecu ke yɔɔk, Ye na cak Wen de raan tau nhial: e kabak nyic lan yan ye, ku kacin ke ya loi ne guɔpdie: acit man ci Awa ɣa piɔc, yeneka yan keekake luel.

²⁹ Ku yen man ci a tuɔc ee tɔ ke ɣa; aken ɣa nyaaŋ wei atok; ne ke yan kaŋ loi ne nyindhia ka lɔyum ne yepiɔu.

³⁰ Na ci keekake luel, go gam ne kɔc juec.

³¹ Go Yecu Judai ci ye gam yɔɔk, Ye na yaka dhiac ne wɛtdieic, ke we ye kɔcciek piɔcke necok;

³² ku we bi yic ya nyic, ku yic abi we ya luɔny bei.

³³ Goki dhuɔk e, Yi wɔ ye kuan de Abraɣam, ku wɔ keneke kan mac ne raan: yen yeŋo jiɛm yin, Wu we bi luɔny bei.

³⁴ Go Yecu dhuɔk keek, Ye we ya yɔɔk neyic, Ya raan ebɛn ye kerac loi, ee ya aluaŋ de kerac.

³⁵ Ku aluak acie ceŋ baai athɛɛr: wa ekee ceŋ baai athɛɛr.

³⁶ Yen na bi Wa we luɔny bei, ke we ci lony eŋui.

³⁷ We yake nyic ke we ye kuan de Abraɣam; ku we ye ɣa kɔr, bak ɣa nɔk, ne ke kene wɛtdie rɔt cap ne wepiɔth.

³⁸ An ye keekake luel ka cake ŋem enɔŋ Awa: ku week eya, we ye kaŋ loi ka cakke piŋ enɔŋ wuɔrduɔn.

³⁹ Goki dhuk jamki, Yi Abraɣam ee kuɛreda. Go Yecu ke yɔɔk, Ye na yaka mith ke Abraɣam, ee te cak luɔi de Abraɣam ya loi.

⁴⁰ Ku emane we kɔr bak ɣa nɔk, ye ɣan man ci we lɛk yith, cake piŋ enɔŋ Nhialic: ku Abraɣam aken lui yeya.

⁴¹ We ye luoi de kuarkuɔn loi. Goki yɔɔk, Yi wɔ cie adhiethleer; wɔ ye Awada ke tok, Nhialic.

⁴² Go Yecu ke yɔɔk, Ye nee Nhialic ye Wuɔrduɔn, e kee te yaka ɣa nhiar: an ci bɛn, ku an ee bɔ enɔŋ Nhialic; ku an e ce bɔ ne guɔpdie, ee yenekee tuuc ɣa.

⁴³ Yen yeŋo ci we jamdie ye nyic? Ee ke ken we wɛtdie leu ne piŋ.

⁴⁴ We ye wɛɛt ke durieth, ku we ye ka ye wuɔrduɔn ke kɔr loi. Ee ye anak tir ɣɔn gɔce kaŋ, ku kace tɔ ne yith yic, ne ke cin en yic ne yeyic. Ela ye lueth tor, e kajam ne kede; aye alueth, ku ke wun e lueth.

⁴⁵ Lek yan yith lɛk we, yeneka cii we ɣa ye gam.

⁴⁶ Nɔŋ ran de week yic ye ɣa guut ne kerac? Na ya jam ne yith, ke yeŋo ci we ɣa ye gam?

⁴⁷ Yen man ye ke de Nhialic ee wel ke Nhialic piŋ: ku kaacakke ye piŋ, ne ke ci we ye ka ke Nhialic.

⁴⁸ Go Judai goki dhuk jamki, Yi cuk ya wuɔc e ke ye wɔ jam wuu yin e muɔny Thamaria, ku yin nɔŋ jɔŋ rac?

⁴⁹ Go Yecu dhuk, Ye an cin jɔŋ rac; An ye Awa riɛu, ku we ci ɣa ye riɛu.

⁵⁰ Acie ɣan e ye nuɔmdie kɔɔr, tok atɔ toŋ ye ɣa kɔr nuɔm, ku ye luk.

⁵¹ We ya yɔɔk neyic, Ya na ye raan wɛtdie gam, e kace thou kɔn ŋem.

⁵² Go Judai goki yɔɔk, Yi kacuk nyic emane yin nɔŋ jɔŋ rac. Abraɣam ee thou, ku nebii; ku ye jam, Wu na ye raan wɛtdie gam, e kace thou kɔn yok.

⁵³ Ye yin e dit ne kukuarda Abraɣam man ci thou? ku nebii ci thou: cɔk rɔt ye ŋa?

⁵⁴ Go Yecu dhuk, Ye na ya rɔt noom, ke nuɔmdie acin ke dɛ: ee Awa, yenekee ɣa noom; man yaka luel wuɔ ye Nhialinyduɔn;

⁵⁵ ku yaka kuc; ku kaya nyic; ku na ya jam ya kakuɔc, ke an bi ya alueth ci week; yen kanyiɛc, ku an ye wɛtde gam.

⁵⁶ Kuarduɔn Abraɣam ee ci piɔu lɔyum ne ŋem ben koldie ŋem: go ŋem, ku mit piɔu.

⁵⁷ Go Judai goki yɔɔk, Yi runkuk ke dit aŋoot e ke ken guɔ ya thiɛrdhiec, ku ca Abraɣam ca ŋem?

⁵⁸ Go Yecu ke yɔɔk, Ye we ya yɔɔk neyic, Ya an ee tɔ aŋoot Abraɣam ke kene dhieth.

⁵⁹ Goki kur kuany bik kek ke ye biok: go Yecu rɔt riic, leu wei ne yekalu.