Welpiath ci Jɔn cithiei ke gɔɔr 6 - Lek Jot de Jecu Kritho 1940

¹ Ɣɔn e kaake cok ke Yecu tem e bar lɔŋti de Galili, man ye bar de Tiberia.

² Ku dun diit de kɔc akuany yecok ne ŋem cik kek ye ŋem ne loi ciit cen ke cɔk dem ne bec.

³ Go Yecu lɔ ne kuur dit nom, ku nyuuc kene kɔckek piocke.

⁴ Ku ret, miɛth diit de Judai, ee thiɔk.

⁵ Na ye Yecu ye jɔt enyin ku ye ŋem dun diit bɔ enɔŋ en, go Pilip yɔɔk, Ye buk monoi ɣɔɔc eno bik ke cam?

⁶ Ee luel yeya them en en: ku yen e guɔpde ee nyic ke bi loi.

⁷ Go Pilip dhuk, Ye monoi ke denariɔn thiɛrbɛt aace ke leu, bi raan ebɛn kethi ya loom.

⁸ Go ran toŋ de kɔckek piocke, Andereya, manhe ne Thimon Petero, yɔɔk,

⁹ Ye dhuk eke anɔŋ monoi ke raau keedhiec, ku rec thii keerou: ku yeke kaŋo enɔŋ keekɔc juecke?

¹⁰ Go Yecu jam, Ye caeke nyuc piiny. Yepinye ee nɔŋ noon dit. Go kɔc nyuc piiny, ciinden ee ye bianabur dhiec.

¹¹ Go Yecu monoi loom, ku leec Nhialic, ku tek ke kɔcpiocke bik ke lɔ yiɛn kɔc ci nyuc piiny; ku ber rec loi yeya, agut te cik kek ke thɔŋ.

¹² Te cik kek kuɛth, go kɔckek piocke yɔɔk, Ye kuanyka thethuei cike both, a cin ke mar.

¹³ A goki ke kuany ne thiaŋ akup keethiɛr ku rou, thethuei ke monoi ke raau keedhiec cike both ke kɔc eke ciɛm.

¹⁴ Na ci keekɔcke ci kegɛi kek ŋem ne cii Yecu loi, goki jam, Yi kee nebi neyic, nebi ne bɔ ne piny nom.

¹⁵ Te ci Yecu ke ŋem e ke bi bɛn ku bik kuak piny ne riɛr, bik cɔk ye melek, go leu wei te de kuur ku lee rɔt week.

¹⁶ Ɣɔn thei ke kɔckek piocke lɔ ne bar lɔɔm,

¹⁷ ku leki riɛi, teemki bar Kapernaum. Ku ci piny cuɔl, ku ken Yecu guɔ ɣeet enɔŋ ke.

¹⁸ Ku nɔŋ baric amak ne puɔt diit de yom.

¹⁹ Na cik riai gɛɛr te cit mail keediak, e ke ŋem Yecu ne cath ne piu nhiim, bii te de riai: goki riɔc.

²⁰ Go ke yɔɔk, Ye kee ɣa, duɔke riɔc.

²¹ Goki piɔth naŋ cɔkki bɔ riɛi: go riai guɔ ɣet piny e ler kek elantoŋtɛi.

²² Ɣɔn miak ke dun dit kaac ne bar lɔŋti ŋemki ke cin rian dɛ eeti, a ye toŋ ci kɔcpiocke kɛɛc thin yetok, ku ken Yecu kɛɛc riɛi ke ke, aa kɔcpiocke eke jiɛl kepɛc;

²³ (ku riɛth kɔk aa bɛn ne Tiberia thiak kene te ciɛm kek monoi te ci Bɛnydit leec:)

²⁴ na ci duut ye ŋem ke Yecu liu, agut kɔcpiocke, e ke kɛɛc ne riɛth yic ku biki Kapernaum, kɔrki Yecu.

²⁵ Na cik ye yok ne bar lɔŋti, goki yɔɔk, Yi Rabi, ne yin bɔ etene naa?

²⁶ Go Yecu dhuk jiɛm, Ye we ya yɔɔk neyic, Ya we ci ɣa ye kɔɔr ne cit cake ŋem, we ye ɣa kɔɔr ne cam ci we monoi cam a cak kuɛth.

²⁷ Duɔke ye lui bak miɛth ye luɛl ya loom, yaka lui ne miɛth ye ceŋ ne piir athɛɛr, bi Wen de raan yiɛn week: yen man ci Wun nyuɔth ne ye yic.

²⁸ Goki yɔɔk, Yi yeŋo buk ya dhil ne luɔi, buk ya lui ne luɔi de Nhialic?

²⁹ Go Yecu dhuk jiɛm, Ye luɔi de Nhialic eke, abak ya gam yen man ci tuɔc.

³⁰ Goki yɔɔk, Yi ye ciɛn ŋo ye nyuɔth, buk ŋem ku buk yi gam? Yeŋo ye loi?

³¹ Kuarkuɔ aake ye mana cam ɣɔn rokic; ci gar cene e gɔɔr, Ye kaayiɛn miɛth ne bɔ bei nhial bik cam.

³² Go Yecu ke yɔɔk, Ye we ya yɔɔk neyic, Ya kacie Mothe yene ye we yiɛn mono ne bɔ bei nhial; ee Awa yenekee we yiɛn mono yic ne bɔ bei nhial.

³³ Mono de Nhialic yenekee bɛn piny nhial, ku ye piny nom yiɛn piir.

³⁴ Goki yɔɔk, Yi Bɛnydit, ye wɔ yiɛn yemonone agut awɛdɛ.

³⁵ Go Yecu ke yɔɔk, Ye an e cuin de piir: ran ye bɛn enɔŋ ɣa ace bere ya nɔk e cɔk; ku ran ye ɣa gam ace ber kan ya yal.

³⁶ We ca yɔɔk, Ya we ci a ŋem ku cak ɣa ye gam.

³⁷ Ke ye Awa yiɛn ɣa ebɛn abi ya bɛn enɔŋ an, ku ran ye bɛn enɔŋ an acaa ciec wei.

³⁸ An e ce bɔ piny nhial, ba ke de apiɔu ben ya loi, ee ke de piɔn de yen man ci a tuɔc.

³⁹ Ku yekene ee piɔn de yen man ci a tuɔc, ye keriɛc ebɛn ci yiɛn an, acin ke ba muɔr, aba jɔt ne kol ciɛn.

⁴⁰ Yekene ee ke de piɔn de Awa, bi raan ebɛn ye Wa ŋem, ku ye gam, bi ya naŋ piir athɛɛr; ku kaba jɔt ne kol ciɛn.

⁴¹ Go Judai goki luum, ne jam cen jam, Ye an e cuin ne bɔ piny nhial.

⁴² Ku jamki, Yi cii ye Yecu yekene, wen de Jothep, man nyic wɔ wun ku man? Ku yeŋo jiɛm en emane, Ye an ee bɔ piny nhial?

⁴³ Go Yecu dhuk yook keek, Ye duɔka ɣa lum ne roth.

⁴⁴ Acin ran leu bɛn enɔŋ a, te cin Awa, man ci a tuɔc, yene cɔk ye bɔ: ku kaba jɔt ne kol ciɛn.

⁴⁵ Ee gɔɔr ne nebii, Ya kaabi piɔc ne Nhialic kedhia. Raan ebɛn ci piŋ enɔŋ Awa, ku ci pioc, ee bɛn enɔŋ a.

⁴⁶ Acin ran ci Awa ŋem, ee yen man e bɔ bei enɔŋ Nhialic, yeneka ci Awa ŋem.

⁴⁷ We ya yɔɔk neyic, Ya ran ye gam ee naŋ piir athɛɛr.

⁴⁸ An e cuin de piir.

⁴⁹ Kuarkuɔn aa mana cam rokic, ku thouki.

⁵⁰ Yekene ee cuin ye bɛn piny nhial, bi raan bi ya cam ku cii thou.

⁵¹ An e cuin ye piir ci bɛn piny nhial: na ye raan yecuine cam, e kabi ya piir athɛɛr, ku cuin ba ya gam ee riiŋdie, ne piir bi kɔc ke piny nom ya piir.

⁵² Go Judai goki ter ne roth, jamki, Yi bi yerane wɔ leu ne yin riiŋde buk cuet yede?

⁵³ Go Yecu ke yɔɔk, Ye we ya yɔɔk neyic, Ya na cak riiŋ de Wen de raan ye cuet ku yaka riɛmde dek, ke we cin piir ne weyic.

⁵⁴ Ran ye riiŋdie cuet, ku ye riɛmdie dek, ee naŋ piir athɛɛr; ku kaba jɔt ne kol ciɛn.

⁵⁵ Riiŋdie ee miɛth yic, ku riɛmdie ee kan yic de dek.

⁵⁶ Ran ye riiŋdie cuet, ku ye riɛmdie dek, ee ceŋ ne ayic, ku ciɛŋ ne yeyic.

⁵⁷ Acit man ci Awa ye piir ɣa tooc, ku ya piir ne Awa; yenekee cɔɔk de ran ye ɣa cam, abi piir ne ɣɛn eya.

⁵⁸ Yekene ee cuin ci bɛn piny nhial: aci cit ke e ye kuarkuɔn cam, ku cik thou: ran ye yecuine cam abi ya piir athɛɛr.

⁵⁹ Keekake aake luelke ɣon ye guɛɛr, te yen pioc ne Kapernaum.

⁶⁰ Na ci kɔc juec keek piocke yekene piŋ, e ke jam, Yi yejame kee jam rir; ŋa bi ye leu ne piŋ?

⁶¹ Go Yecu nyic ne yepiɔu ke kɔckeek piocke lum ne ekene, ku yook ke, Ye ye yekene we cɔk kɔth?

⁶² Abak ŋo tak, te ŋem we Wen de raan ne dhuk nhial teden e ceŋ?

⁶³ Ee wei yenekee kaŋ cɔk piir; riiŋ acin ke leu: wel cake lɛk we, keeka ye wei, ku yiki piir.

⁶⁴ Kɔc kɔc ke week aacie gam. Ee nyic Yecu ɣɔn gɔce kaŋ kɔc bi ye ya rɛɛc, ku kɔc bi ye nyiɛn.

⁶⁵ Go jam, Ye yekene ee ca lɛk we, Ya kacin ran ye bɛn leu enɔŋ ɣa, te kene ye yiɛn a ne Awa.

⁶⁶ Yekene acii kɔc juec keek piocke dhuk ciɛn, ku cik ber cath kene ye.

⁶⁷ Go Yecu thiɛr ku rou yɔɔk, Ye bak lɔ eya?

⁶⁸ Go Thimon Petero dhuk, Ye Bɛny, loku tenɔŋ ŋa? Yin nɔŋ wel ke piir athɛɛr.

⁶⁹ Ku yin cuk gam, yin yeku nyic, ke yin ye Toŋ Lajiŋ de Nhialic.

⁷⁰ Go Yecu dhuɔk e. Ye kɛn we lɔc, we thiɛr ku rou, ku ye ran toŋ de week e ye jɔŋ rac?

⁷¹ Ajam ne Judath, wen de Thimon Yithkariɔt: ee yen eke bi ye nyiɛn, yen toŋ de thiɛr ku rou.