Welpiath ci Jɔn cithiei ke gɔɔr 21 - Lek Jot de Jecu Kritho 1940

¹ Ɣɔn ne kaake cok go Yecu rɔt bɛr nyuɔth kɔcpiocke bar de Tiberia, go rɔt nyuɔth ke yela.

² Aake tɔ etok, Thimon Petero, ku Thoma Acuek, ku Nathanael de Kana ne Galili, ku wɛɛt Dhebedayo, ku kɔcpiocke kɔk keerou.

³ Go Thimon Petero ke yɔɔk, Ye an lɔ dep e rec. Goki yɔɔk, Ya wɔ bi lɔ wɔne yin eya. Goki lɔ ku leki riɛi; ku cin ke yokki ne ewɛɛre.

⁴ Na wen bɔ piny ke run, ke Yecu kaac ne agor nom; ku kuc kɔcpiocke lan yen Yecu.

⁵ Go Yecu ke thiec, Ye mith, naŋka ke camka? Goki dhuk, Yi aa.

⁶ Go ke yɔɔk, Ye cuatka alau ne bian cuec de riɛi, ku kabak yok. Goki cuat thin, ku cik ber leu ne miit bei ne dun diit de rɛc.

⁷ Go ranpioce nhiɛr Yecu go Petero yɔɔk, Ye kee Bɛnydit. Na ci Thimon Petero ye piŋ ne ye Bɛnydit, go alanhde kaar e ekɔu (ne tɔ tɔ en e ecin), ku cuɛt rɔt bɛɛr.

⁸ Go kɔcpiocke kɔk bɛn ne riɛnthi (aake ci mac ne agor, ayin a kubiit thiɛrnyiɛny rou), ku thelki alau bei kene rec.

⁹ Ana yi kɛɛcki piny, e ke ŋem many de col eeti, ku rec ne enom, ku monoi.

¹⁰ Go Yecu ke yɔɔk, Ye bɛika rec enhia cakke wai.

¹¹ Go Thimon Petero lɔ ku miit alau teɣer ne ci thiaŋ ne rec dit thiɛrnyiɛny ku thiɛrdhiec ku diak. Aake juec ku cik alau kɔn tueny.

¹² Go Yecu ke yɔɔk, Ye baka camka. Go kɔcpiocke kedhia riɔc ne thiec, Ya yi ŋa. Anyicki ne ye Bɛnydit.

¹³ Go Yecu bɛn, ku loom monoi, ku yin ke, ku rec eya.

¹⁴ Ekene yenekee ke de diak ye nyuuth e ye Yecu rɔt nyuɔth kɔcpiocke ɣɔn cen rɔt jɔt ne thouic.

¹⁵ Na cik cam, go Yecu Thimon Petero yɔɔk, Ye Thimon, wen de Jɔn, ye ɣa nhiar ne nhiɛr war keekɔcke? Go yɔɔk, Ye ou, Bɛnydit; anyic ke yin ya nhiar. Go yɔɔk, Ye ye dauciɛk ke amɛl miɛɛth.

¹⁶ Go bɛr thiec naarou, Ye Thimon, wen de Jɔn, ye ɣa nhiar? Go yɔɔk, Ye ou, Bɛnydit; anyic ke yin ya nyiar. Go yɔɔk, Ye ye dauciɛk ke amɛl miɛɛth.

¹⁷ Go bɛr thiec naadiak, Ye Thimon, wen de Jɔn, ye ɣa nhiar? Go Petero piɔu dhiau ne ke cen e thiec naadiak, Ye ye ɣa nhiar? Ku yook, Ye Bɛnydit, yin ye kaŋ nyic kedhia; ku kanyic ke yin ya nhiar. Go Yecu yɔɔk, Ye ye dauciɛk ke amɛl miɛɛth.

¹⁸ Yin ya yɔɔk neyic, Ya waar yin jot, ke yin ee ye yikɔu kaar, ku ye cath e cathdu: ku la ku dhiɔp, ke yin bi yicin thiu, ku kar yikɔu ne ran dɛ, ku jɔt yi te cii kɔr.

¹⁹ Ee luel ekene nyuuth ne thon ben thou ke noom Nhialic. Na ci yekene luel, ke yook, Ye ye ɣa biɔth cok.

²⁰ Go Petero rɔt wel ku ŋem ranpioce nhiɛr Yecu ne bioth; ran e ci rɔt gɛi ne ye ne kol e miɛth thei, ku thiec, Ye Bɛnydit, yeŋa bi yi nyiɛn?

²¹ Na ŋem Petero ye, ke thiec Yecu, Ye Bɛnydit, yeŋo bi yerane ya loi?

²² Go Yecu yɔɔk, Ye na naŋ piɔu bi ya tɔ agut te bɛi an, ke yeŋo enɔŋ yi? ye ɣa biɔth cok.

²³ Yewɛte ee lɔ enɔŋ mɛɛth, ya yeranpiocene aci bi thou: ku kakene lɛkke ne Yecu ye cii bi thou; ee jam, Ye na naŋ piɔu bi ya tɔ agut te bɛi en, ke yeŋo enɔŋ yi?

²⁴ Yeranpiocene yenekee lek ne keekake, ku ci ke gɔɔr: ku kanyicku ke lekde ye yic.

²⁵ Ku kajuec kɔk aatɔ ka cii Yecu ke loi. Acaal ya na ci ke gɔɔr kedhia, e kaacii piny nom ebɛn ke leu ne leer ke kitap cene ke gaar thin.