Jakob 1 - Lek Jot de Jecu Kritho 1940

¹ Jakob, awun de Nhialic ku Yecu Kritho Bɛnydit, amath jur yeyic thiɛr ku rou man ci Thiai.

² Yaka yum de piɔu tak, watmɛthcie, te ye we yuik ne them kuɔt;

³ ne nyiny nyic we ye ke them de gamduɔn ye guɔm de piath de piɔu bɛi.

⁴ Ku nɛke guɔm de piath de piɔu ye luɔiden lajik loi, bak ya lajik ku yaka lip, ciɛnka ke dakka.

⁵ Na ye ran dak ne nyic ne week, ke ne ye Nhialic lim, yen man ye kɔc miɔc ne awaiyic, ku ci kɔc ye ŋuuk; ku kabi ya yiɛn e.

⁶ Ku nɛke ye lim ne gam, ku ci ye riɔc; ran ye riɔc e ciɛt atitiaŋ de bar, ye yom kuath ku thec nhial.

⁷ Ne ci yerane ye tak ye bi ke dɛ loom nenɔŋ Bɛnydit;

⁸ yeran ye lɔ gakgake, acie lɔ cok ne dhɔlke yic kedhia.

⁹ Ne manheduɔn abatai nɛke ye piɔu lɔyum ne ke cen lɔ ne baanyic,

¹⁰ ku ne ran de kaŋ ye piɔu lɔyum ne ke cene ye nyai ne baanyic: ne liu ben liu ci noon nom.

¹¹ Akɔl e neth kene yom ye puɔt ke leth ku ye noon nyop; ku ye nom lony wei ku piathden de yeguɔp e liu: yenekee cɔɔk bi ran nɔŋ kaŋ mar ne dhɔlke yic a bi liu.

¹² Raan aye thiei ran ye them guum: na ci e met, e kabi gol de piir loom, man ci Bɛnydit luel ye bi ya yiɛn kɔc ye ye nhiar.

¹³ Ci raan ye jam te theme ye, Ye kee Nhialic e them ɣɛn: Nhialic acie them ne rɛɛc, ku yen ne guɔpde aci raan ye them:

¹⁴ raan ebɛn aye them te cen mɛr wei ne kɔɔr rɛɛcden de yeguɔp ku tuer.

¹⁵ Ku kɔr rɛɛc de guɔp na ci liac, e kadhieth rɛɛc: ku na ci rɛɛc dit, e kadhieth thou.

¹⁶ Duɔka roth cɔk ye dhoom, watmɛthcie nhiarke.

¹⁷ Miɔc piath ebɛn ku miɔc lajik ebɛn aye bɛn nhial, ku kaye bɛn nenɔŋ Wun de ɣɛɛr, man ci ɣoc ye leu, ku cii rɔt ye wel ne tiɛpic.

¹⁸ Ee wɔ dhieth ne piɔnde ne wɛt de yic, buk ya ciɛt akɔŋ ke ka cike cak.

¹⁹ Yekene kanyiɛcka, watmɛthcie nhiarke. Nɛke raan ebɛn ye yic muɔth ne piŋ, ku nɛke ye gaau ne jam, ku gɛɛu ne ɣok:

²⁰ ɣok de ran aci luɔi lajiŋ de Nhialic ye loi.

²¹ Yen yaka acuɔl ebɛn nyai ku dit de rɛɛc ku yaka wɛt ci com loom ne piɔn lir, wɛt ye tipkuɔn leu ne luak.

²² Ku we bi wɛt abak ya loi, ku we ci bi ya ya apiiŋ abac, ku cak roth ye dhoom.

²³ Na ye raan wɛt piŋ, ku cii ye loi, e ke ciɛt ran ye nyinden ne dhieth ke ye caar ne mandaric:

²⁴ ee rɔt ŋem, ku leu wei, ku dɔɔc nom maar lan e yen ran yin guɔp ne ŋo.

²⁵ Ran ye loŋ lajik de tat oi, ku ye dhiac ke ye melui, ku cii ye apiŋ ye nom maar, yerane abi ya thiei ne luɔideic.

²⁶ Na ye raan ye tak ne yepiɔu lan theek en Nhialic, ku cii yeliep ye peen, ku ye yepiɔu dhoom, ke thɛk de erane den de Nhialic ee ciɛlic.

²⁷ Thɛk de Nhialic lajik ku ci col, ne Nhialinyda nom ku ye Awada, yeneke, ee bi abɛɛr ku diarjɔɔk ya neem te tɔ kek ne gaiic, ku kee cii rɔt bi ya cɔk col ne ka ke piny nom.