Galatai 5 - Lek Jot de Jecu Kritho 1940

¹ Nomlaau yenekee cɔke Kritho wɔ laau: yen yaka kɔɔc ne cap, ku duɔka roth cɔk ye bɛɛr duut ne yok de luɛɛk.

² Ŋemka, ɣan yook week an Paulo, ya ne ye we ŋoot, e kacin kethin bii Kritho kuɔncy week.

³ Ee yic, an beer aŋuala lɛk ebɛn, ya ye loŋ dhiil ne luɔi ebɛn.

⁴ We ci jal tem wei enɔŋ Kritho, we kɔc ye piɔth naŋ bak ya lajik ne loŋ; we ci yec wei ne athiɛic.

⁵ Gam yeneka ye wɔ ŋath de lajik tiit ne Jɔŋdit.

⁶ Ŋuɛlɛɛi ee ciɛn ke dɛ ne Yecu Krithoic, ku aboor; ee gam yenekee lui ne nhiɛr.

⁷ We we ye kat apiath; yeŋa e gel we bak yic ya rɛɛc?

⁸ Acie yen yen man ye we cɔɔl yene bii yetuere.

⁹ Awuro thi ee cuin ebɛn wuur.

¹⁰ Ɣan ye rɔt gɛi week ne Bɛnyditic, ya cak bi ya tak ne dɛ; ku ran ye we yɔŋ abi luŋde ya guum, te ciɛk en ya ŋa.

¹¹ Ku ɣɛn, mɛɛthcie, na ya dhiac ke an ye weet ne ŋuɛlɛɛi, ke yeŋo yan dhiac ka ye ŋet? ee te ci ke de kɔth de tiɛm ageer nyaai.

¹² Eeyabi kɔc ekee ye we riɔk roth ya tɛɛm wei kepɛc.

¹³ Week, mɛɛthcie, we we cɔlke ne nomlaau; ne nomlaauduɔn ne cie ya ke de luɔi de guɔp, ne ŋɛk ye ŋɛk luɔi ne nhiɛr.

¹⁴ Loŋ ebɛn ee mat nom ne wɛt tok, wɛt yinla; Ya ye ran rɛɛr ke yin nhiar ci man de yiguɔp.

¹⁵ Ku na ye ŋɛk ŋɛk kac ku liek, ke we yaka roth ŋem kɛlke ŋɛk bi ŋɛk ya riɔk.

¹⁶ Yen aluɛl, Ya yaka cath ne Jɔŋdit, ke we ci kɔr rɛɛc de guɔp ye gam.

¹⁷ Guɔp ee rɛɛc kɔr teer kene Jɔŋdit, ku ye Jɔŋdit ter ke guɔp; ne ke wɛɛc kek ne roth; ku cik ka kareke ne wepiɔth ye leu ne luɔi.

¹⁸ Na ye we ɣɔm ne Jɔŋdit, ke we ci loŋ ke ye duut.

¹⁹ Luɔi de guɔp ee tic; keeke, lɔ de moc ke tiŋ dɛ, ku tiik ke mony dɛ, ku bal, nhiɛr de kerac,

²⁰ duɔr de eidool, tiit, man, teer, tiɛl, ɣok, ɣeet, tek, kuɔc gam, wek,

²¹ miɔl de miau, diɛr diit kau, ku kɔk yinya: we ya nyiɛn ne keekake, ci man e can we kan nyiɛn, ya kɔc ye keekake loi aace ceŋ de Nhialic bi loom ci adiit.

²² Ku luɔk de Jɔŋdit ee nhiɛr, yum de piɔu, dɔɔr, guɔm dit, kac de piɔu, piath, gam adot,

²³ rieu, ku nyiɛc luɔi. Acin loŋ ye keekake peen.

²⁴ Ku kɔc ke Kritho man ye Yecu aa guɔp piat kene leethde ku kɔr rɛɛcde.

²⁵ Na yuku piir ne Jɔŋdit, ke ne wɔ ye cath ne Jɔŋdit.

²⁶ Dukku ye naŋ nuɔm de ciɛlic, ci ŋɛk ŋɛk ye jɔl, ku ci ŋɛk ŋɛk ye til.