Galatai 1 - Lek Jot de Jecu Kritho 1940

¹ Paulo dutuc, (ee cie dutuny de kɔc, ku kee ce toc ne raan, ee toc ne Yecu Kritho, ku Nhialic Wun, man e jɔt yen ne thouic,)

² ku mɛɛth kedhia tɔ kene an, aagɛɛr kanithai ke Galatia;

³ Eewuubi athiɛi ya tɔ kene we, ku dɔɔr de Nhialic Wun, ku Bɛnydiitda Yecu Kritho,

⁴ man ci rɔt gam ne karɛckuɔ, bi wɔ luak bei yepiny rɛɛce, ci man de piɔn de Nhialinyda ku ye Awada:

⁵ man e wuubi ya tɔ ke nuɔm athɛɛr wada. Amen.

⁶ Ke ye we roth dai ɣooc enɔŋ ran ci we cɔɔl ne athiɛi de Krithoic laka ne welpiɛth kɔk yic ayan gai;

⁷ kacie ya welpiɛth kɔk: aaye ya ka ye we yɔŋ, ku yiki piɔth naŋ riak de welpiɛth ke Kritho.

⁸ Na cakku we ya wɛɛt, ka yin a malaika nhial, ne welpiɛth peei, ke cie ka ye wɔ ke we wɛɛt, ke ne ye ya anathema.

⁹ Ke e cuk kan luel, yeneka bɛɛr luel emane, Ya na nɔŋ ran ye we wɛɛt ne welpiath kɔk peei, ke cie ka cakke loom, ke ne ye ya anathema.

¹⁰ Ye kɔc e yake kuɛm nhiim, ka ye Nhialic? Ka ye bi kɔc piɔth ya miɛt e ya kɔɔr? Na ne ɣan ŋoot ke ɣan ye kɔc cɔk mit piɔth, e kee te caa ye ya awun de Kritho.

¹¹ Aya cɔk nyiɛcka, watmɛthcie, keewelpiɛth can ke we wɛɛtka, aacie ya ka ke raan.

¹² Akɛnke loom enɔŋ raan, ku kaake ceneke ɣa pioc, aake bɔ enɔŋ ɣan ne nyooth de Yecu Kritho.

¹³ We ci ka eke yake loi ya piŋ ɣɔn ŋuɔt an ke ɣan ye duur ci Judai, ya kanitha de Nhialic ŋet ne ŋet ce thooŋe, riak kanitha:

¹⁴ ku cak rɔt ye tueŋ ne duɔr de Judai war wariɛccie ke kɔc ke pinyda, kuɔɔk ne wel thɛɛr ke kuarkuɔ a war raan ebɛn.

¹⁵ Ku ɣɔn piɛth en ne Nhialic piɔu, man ci ɣa week, ka ŋoot ne adhienh de amaic, cɔɔl ɣɛn ne athiɛide,

¹⁶ bi Wende nyuɔɔth ne ɣaic, ban Juurkɔk ya wɛɛt; guɔ jam cuɔk beer mat wɔ kɔc:

¹⁷ ku caa lɔ Jeruthalem enɔŋ dutuuc ŋaar ɣanom: an ee ɣan jiɛl laar Arabia nelantoŋtɛi; ku bɛr dhuk Damathko.

¹⁸ Ɣɔn aci run ya diak, ka lɔ Jeruthalem la Kepath neem, ku rɛɛr wɔne yen ne nin keethiɛr ku dhiec.

¹⁹ Ku cin ran toŋ dɛ de dutuuc ca ŋem, a ye Jakob manhe de Bɛnydit.

²⁰ Ŋɛmka, keeka ca gaar weka, aacie lueth tɔr keek ci Nhialic.

²¹ Na re ke an lɔ ne bai thoŋ de Thuria ku Kilikia.

²² Ku dhiac ke ɣan kuc guɔp ne kanithai ke Judaya eke tɔ ne Krithoic:

²³ ee thok e kee yiki piŋ abac, Ya ran ɣɔn ye wɔ kan ŋet ee bɛɛr ya weet emane ne gam ne ci kan rac;

²⁴ ku jɔlki Nhialic ya noom ne ɣɛn.