Eberuu 7 - Lek Jot de Jecu Kritho 1940

¹ Yemelkidhedekne, meleŋ de Thalem, bɛny de ka ke Nhialiny Dit Areet, man ɣɔn ram kene Abraɣam ke dhuk ciɛn te de naŋ de meleek, go thiei,

² ku cii Abraɣam yiɛn biak de thiɛr ne kaŋ kedhia (ku kee ci kan ya Meleŋ de lajik, ci luel de rinke, ku jɔl ya Meleŋ de Thalem eya, ye ya Meleŋ de dɔɔr;

³ ku kee cin wun, ku cin man, ku cin kuat, ku cin gɔc de akɔl ku cin thok de piir, ku ci cɔk cit Wen de Nhialic), ee dhiac ke ye bɛny de ka ke Nhialic ne nyindhia.

⁴ Emane ŋɛmka dit e diite yerane, man e cii Abraɣam, wun e kɔc, yiɛn biak de thier ne kapiɛth ci peec.

⁵ Ku wɛɛt ke Lebi, kɔc ye luɔi de baany de ka ke Nhialic loom, aanɔŋ loŋ bik kek ya naŋ biak de thiɛr enɔŋ kɔc ci man de loŋ, kɔc ye ya watmathken, te ciɛk kek bɛn bei ne Abraɣam.

⁶ Ku ye ran cin kuat kene keekne ee biak de thiɛr loom enɔŋ Abraɣam, ku thiei ke ye naŋ kaciluel.

⁷ Acinic ariir kekoor aye thiei ne keŋuan.

⁸ Ku kɔc ye thou aaye biak de thiɛr loom, ku kanɔŋ raan, ran yene lek ya piir.

⁹ Yen, na luel e, ke Lebi, man ye biak de thiɛr loom, ee biak de thiɛr gam ne Abraɣam,

¹⁰ ne kee ŋoot en ne wunic ɣɔn rɔm en kene Melkidhedek.

¹¹ Emane na ne ye naŋ luɔi lɔcap ye bɛn ne baany de ka ke Nhialic de Lebii (keeka eke ye kɔc yiɛn loŋ), ke yeŋo dɛ e ye bɛny dɛ de ka ke Nhialic rɔt yok ne ke de dhien de Melkidhedek, ku cie kueen ne ke de dhien de Aron?

¹² Acit man cene baany de ka ke Nhialic waar, yenekee cɔɔk cene loŋ waar eya.

¹³ Ran yene keekake luel ee ran de jur dɛ, ku kacin ran de yejure e ci ya lui ne kan de koc nom.

¹⁴ Acok ya yic Bɛnydiitda ee dhieth ne Juda; jur cin kethin de baany de ka ke Nhialic cii Mothe kan luel.

¹⁵ Ku kacok ya yic gok, te nɔŋ en bɛny dɛ de ka ke Nhialic cit Melkidhedek bi rɔt jɔt,

¹⁶ ci cak ne riɛr de piir cin thok, ku cie loŋ de raan:

¹⁷ ne ke cene lek ne yen, luel, Ya yin ye bɛny de ka ke Nhialic athɛɛr Ne ke de dhien de Melkidhedek.

¹⁸ Nyiɛi de loŋ tueŋ ee tɔ ne ke niɔp en ku ne ke cin en kony

¹⁹ (ne ke yen ciɛn ke ye loŋ cɔk lɔcap), ku kanɔŋ ŋath ŋuan, ŋath ye wɔ cɔk cut roth Nhialic.

²⁰ Ku kacit man cen ye tɔ te cin mel,

²¹ (ne kee cɔkne keek ye bany ke ka ke Nhialic te cin mel, ku ran e jam ne yen ee ci mel kueeŋ ne yen, Ye Bɛnydit ee rɔt kueeŋ, ku kace rɔt bi dhuk, Ye yin ye bɛny de ka ke Nhialic athɛɛr);

²² yekene eya yenekee Yecu cok cɔk ye ke de man ŋuan.

²³ Ku keek aake ci cɔk ye bany ke ka ke Nhialic e ke juec, ne ke ye thou ke teem:

²⁴ ku yen, ne ke yen tɔ athɛɛr, acii baanyden de ka ke Nhialic acen rɔt bi ya kan waar.

²⁵ Yen ee kɔc leu ne luak taiwei, kɔc ye roth cuɔt Nhialic ne yen, abii ceŋden yen ceŋ athɛɛr ya cɔk laŋ ne keek.

²⁶ Yebɛnydiit de ka ke Nhialic yinlane ee piath enɔŋ wɔɔk, ku kee lajik, ku kee ciɛn awac, ku kee ciɛn acuɔl, ku kee rɔt ɣooc ne kɔc rac yic, ku kee cɔk war pan nhial.

²⁷ Ku kaci koc ye ŋaŋ akolriɛc, ci man de keebanydit ke ka ke Nhialicke, koc de rɛɛc de guɔpde ku jɔl ya koc de rɛɛc de kɔc. Ee yekene loi naatok ne raan ebɛn, ɣɔn gɛm en rɔt.

²⁸ Loŋ ee kɔc taau e ke ye banydit ke ka ke Nhialic, kɔc ye niɔɔp, ku wɛt de mel, mel biɔth loŋ, ee Wa taau, Wen ye lɔcap athɛɛr.