Eberuu 2 - Lek Jot de Jecu Kritho 1940

¹ Yen wɔ bi kaŋ ya cok dhiil ne dot ka cukke piŋ, kɛlke wɔ bi ya lɔɔk wei ne keyic.

² Na ci wɛt ne ci luel ne thook ke malaikai ci jal kɔɔc, ku awac ebɛn kene reec de wel cik ariop lajik dɔm;

³ ke wɔ bi poth wuude, te ye wɔ luaŋ diit lɔwai jai? ke e ci kan luel ne Bɛnydit, ku ci lɛk wɔ kerir ne kɔc eke ci ye piŋ;

⁴ ku Nhialic ee ye lek eya kene keek ne yi ciit ku kagɛieke ku ne riir juec, ku ne miɔɔc de Jɔŋdiit Lajik ci ke de piɔnde.

⁵ Ceŋ bi bɛn, ye wɔ jam, aken taau ne riɛr de malaikai.

⁶ Ee ci luel ne ran tok te dɛ, jiɛm, Ye raan kan ŋo, a ba ya dot? Ka ye wɛn de raan ŋo, a ba ya neem?

⁷ Aca cak ke koor emath ne malaikai; Aca yiɛn nom gol de nuɔm ku rieu, Ku taaue ne kaŋ nhiim ka ke ciindu:

⁸ Ku yin ci keriɛc ebɛn acin riɛrde taau thin. Na ci keriɛc ebɛn taau ne riɛrdeic, e kacin ke bi nyaaŋ wei ke ken taau e riɛrdeic. Ku wɔ ŋoot ke wɔ ken kaŋ kedhia guɔ ŋem ka tɔ ne riɛrdeic.

⁹ Ee Yecu, man e cak ke koor emath ne malaikai, bi thou ben guum, yeneka yuku ŋem, ne ci yiɛn nom gol de nuɔm kene riɛm bi thou thiep ne raan ebɛn ne athiɛi de Nhialic.

¹⁰ Ee rɔt tiiŋ kene yen, yen man ye kaŋ kedhia kɔɔc ku yene e biiye kaŋ kedhia, te cen juac de wat bɛi ne nuɔmic, bi megony de luaŋden bi cɔk lajik ne guɔm.

¹¹ Yen ye ke ye kɔc cɔk lajik, ku keek kek kɔc ye lajik aaye ya tok kedhia; yen aci yic ye liɛr te yen ke cɔɔl watmɛthke,

¹² jiɛm, Ye an bi rinku ya lek watmɛthcie, Ku yin ba ya piɔny ne amatnom de raanic.

¹³ Ku beer, Ye bi rɔt ya gɛi ne yen. Ku beer, Ye ŋɛmka, ɣɛn wɔne mith ci Nhialic ke yiɛn ɣɛn.

¹⁴ Yen na ye mith ye ŋɛk ke naŋ biakden de riiŋ ku de riɛm, ke yenekee ya cɔɔkde eya; bi durieth, man ye naŋ riɛr de thou, bi riɔk ne thou;

¹⁵ ku bi ke luɔk kedhia kek kɔc eke ye tɔ ne riɛr de mac ne runken ke piir kedhia ne riɔc ye kek riɔc ne thou.

¹⁶ Acie malaikai kek eke ye ye muk, ee kuan de Abraɣam yenekee ye ye muk.

¹⁷ Yen ee rɔt tiiŋ kene yen ne keriɛc ebɛn bi cɔk cit watmɛthke, bi ya bɛnydiit de ka ke Nhialic ye naŋ kac de piɔu ku ye naŋ adot ne keriɛc ebɛn de Nhialic, bi rɛɛc de raan puk.

¹⁸ Ɣɔn gum en theme yen, yenekee leu yen kɔc yeke them ne kuny.