Dutuuc 3 - Lek Jot de Jecu Kritho 1940

¹ Go Petero ku Jɔn goki lɔ yelaku ne thaa de lɔŋ, kee ye thaa dheŋuan.

² Ku ran ci dhieth ke ye ŋɔl ee ye jat ne nyindhia ne yekalu thok, thoŋ cɔl Kepiath, bi lɔ ŋal ne kɔc ye lɔ yekalu.

³ Go Petero ke Jɔn ŋem e ke bi lɔ yekalu, go ke ŋal.

⁴ Go Petero ku Jɔn goki liec areet ku yookki, Ya ŋem wɔ.

⁵ Go yenom puɔk ke, ku nyic lan bik kek ye miɔc.

⁶ Go Petero jam, Ye riɛr ku jinii kaaliu enɔŋ ɣen, ku ke tɔ ke ɣa yeneka ba yiɛn yi. Ne rin ke Yecu Kritho de Nadhareth, cathe.

⁷ Go ran ci ŋɔl dɔm ciin cuec ku miit nhial, go cok ku yenuɔk goki dai riɛr.

⁸ Go rɔt taŋ nhial, ku kɛɛc, ku jɔl cath, ku leer ke ke yekalu, ke cath, ke lɔ ke tɛŋ rɔt nhial, ku leec Nhialic.

⁹ Go kɔc kedhia ŋem ne cath ku leec Nhialic;

¹⁰ goki nyic ne ye ran waar ye nyuc ne thoŋ cɔl Kepiath ye kɔc ŋal. Goki gai areet ku diaŋki nhiim ne ke ci tuɔl enɔŋ en.

¹¹ Go Petero ku Jɔn dɔm, go kɔc riŋ ku gueerki ne akuathic, akuanh cɔl Akuanh de Tholomon, ku gɛiki areet.

¹² Ana ye Petero ye ŋem kɔc, e ke yookke, Ye kɔc ke Yithrael, yeŋo gɛi we ne yerane? Yeŋo liec we wɔɔk? Acie riɛlda ku kelajiŋda yene cɔk yerane cath.

¹³ Nhialiny de Abraɣam ku Yithak ku Jakob, ye Nhialiny de kuarkuɔ, ee Awunde Yecu nyuɔth kɔc, man cak gam ku riɛthka ne Pilato nom wen nɔŋ en piɔu bi puɔl.

¹⁴ We ci Toŋdiit Lajik rɛɛc, ku ran ci ran dɛ nɔk acak lɔŋ bi puɔl,

¹⁵ ku nakka Bɛnydiit de wei, ku beer rɔt jɔt, ci man e ŋem wɔ ye wɔ duleek.

¹⁶ Gam de rin ke Yecu aci yerane cɔk rir, ran ŋɛmka ku nyiɛcka. Ee yic, gam gɛme yen aci erane cɔk piɔl ne wenyin.

¹⁷ Wɛɛtka, acaal ya luɔika ne kuny kuc we yen, ci man de luɔi de banykuɔn.

¹⁸ Ku ka ke Nhialic, cike nyuɔth wɔ ne thook ke nebii kedhia, ya Yecu abi gum, aaya yith yila.

¹⁹ Wɛlka wepiɔth, ku bɛrka dhuk bi karɛckuɔn nyaai, ku bi akol piath bɛn ne Nhialic nyin;

²⁰ ku bi Nhialic Kritho ci lɔc ne week tuɔc, ye Yecu.

²¹ Ku yeneka bi ya dhiac nhial agut dhuŋ bii kaŋ dhuk kedhia, ci man e jiɛme Nhialic ɣɔn ne thook ke nebii lajik kedhia aɣet caŋ cen piny cak.

²² Mothe ee jam, Ye Bɛnydit Nhialic abi nebi cɔk jɔt rɔt, ran de mithakɛckuɔn cit an, ku we bi welke ya piŋ welke kedhia bike lɛk week.

²³ Ku kabi tɔ, kɔc kedhia kɔc ce wel ke yenebine piŋ, e kaabi nyaai ne kɔc yic.

²⁴ Ee yic, ku nebii kedhia, go ya Thamuel ku kɔc kuany yecok, kɔc ci wel ya ciir kedhia, kaa jam eya ne keeakolke.

²⁵ We ye mith ke nebii, ku we ye mith ke wel cii Nhialic ke jam ɣɔn kene wurkuɔn, ku jiɛm ke Abraɣam, Ye juur kedhia ke piny nom aabi thiei ne mɛnh bi dhieth ne mithkuɔn.

²⁶ Nhialic aci Awunde cɔk jɔt rɔt, ku ne ci kan tuɔc enɔŋ week bi we bi thiei ku bi we wɛl nhiim wei wedhia te de karɛckuɔn.