3 Jɔn 1 - Lek Jot de Jecu Kritho 1940

¹ Randit athɔn Gayo nhiɛr, ran ya nhiar ne yith.

² Ran nhiar, an ye lɔŋ ba ya diik ne kaŋ kedhia, ku ba ya pial, ci man ye tiɛpdu diik.

³ An ee ci piɔu lɔyum areet war biiye watmɛthkuɔ ku lekki ɣɛn yic tɔ ke yi, ci man yin cath ne yicic.

⁴ An ee ken piɔu kan lɔyum ci emane te piɛŋ an mithcie ne ye cath ne yicic.

⁵ Ran nhiar, yin ye luɔi de pian adot loi ne ke ye luɔi watmɛthkuɔ ebɛn, agut alɛi,

⁶ kek keek man ye nhiɛrdu lɛk kanitha. Aabake ya loi apiath te yin ke kony ne cathden ci kuny de Nhialic:

⁷ ne ke cik kek thiai ne Rinke, ku cin ke yiki loom enɔŋ Juurkɔk.

⁸ Yen kɔc cit keekake aabukke dhiil ne kuny, buk ya mat ne luɔi de yic.

⁹ Anɔŋ ke ca gar kanitha: ku Dioterepe man ye tɔ tueŋ nhiar ne keyic aken wɔ loor.

¹⁰ Yen na laar, ke we ba lɔ cɔk ciit wenhiim ne ka eke yeke loi, ee wɔ jaam ne wel rac: ku cii yekene kueth, cii watmɛthkuɔ ye loor, ku ye kɔc nɔŋ piɔth luɔr e keek peen, ku ye ke ciɛc wei ne kanithaic.

¹¹ Ran nhiar, duk rɛɛc ye kaar, ye kapiath kaar. Ran ye kepiath loi ee ke de Nhialic; ran ye rɛɛc loi aken Nhialic ŋem.

¹² Demeturio ee cii kɔc lek kedhia, ku yic eya ne guɔpde: ee yic, ku wɔɔk eya wɔ ye lek; ku kanyic ke lekda ye yic.

¹³ An ee nɔŋ kajuec garke yin, ku an cin piɔu gar keek ne yiŋki ku pen;

¹⁴ aŋaath ya ba yi dac ŋem, ku buk jam ke wɔ ɣoi wɔnyin.

¹⁵ Eeyabi dɔɔr tɔ kene yin. Mɛɛthkuɔ amath yin. Math mɛɛthkuɔ ne rin.