1 Timotheo 5 - Lek Jot de Jecu Kritho 1940

¹ Duk randit ye waai, ye yɔɔk ci wuur; ku ye rorthi yɔɔk ci watmɛthkuɔn:

² ku diardit ci mɛrku; ku nyiir ci nyiɛrakuɔn, ne piath ebɛn.

³ Ye diarjɔɔk ye thum ye ke riɛu.

⁴ Ku na ye tiŋjɔɔk ye naŋ mith, ka mith ke mithke, ke ne ke ye kan pioc bik kac de piɔu ya nyuɔth dhienden, ku yiki kɔcken cuɔɔt: ne ke ye yekene lɔyum ne Nhialic nyin.

⁵ Tiɛŋthuɔm ye nyin kuany, acene ŋathde tau Nhialic, ku ye dhiac ke ye thiec ku ye lɔŋ ne wɛɛr ku akɔl.

⁶ Ku tiŋ ye yum de piɔu yiɛn rɔt kee piir ke ci thou.

⁷ Ye ke yɔɔk ne keekake, a goki ya ciɛn awac.

⁸ Na nɔŋ ran ci dhiende ye dɔp, ku kee nyin dit enɔŋ kɔcke, e kee gam cok ya jai, ku ye ran ken gam wuɔr ne rɛɛc.

⁹ Ne ye ciɛn tiɛŋthuɔm ye gɔɔr rin ke kene runkeek ke dit guɔ ya thiɛrdhetem, ku ne ye tiŋ de mony tok,

¹⁰ ku yene nyiɛc luɔi piɛthde ciir; ku ne ci mith dɔp a bik dit, ku ne ye abakook neke ye ke gɔɔŋ ku ne ye kɔc cithiei waak cok, ku ne ye kɔc nɔŋ ka ye ke dhal kony, ku ne ye luɔi piath ebɛn kuanyic.

¹¹ Ku yaka diarjɔɔk ye joot yakake rɛɛc, ne ke na cik piɔth kuɛm ne Kritho, e ke ye piɔth naŋ thieek;

¹² ku yiki naŋ lukwei, ne ke cik kek gamden tueŋ puɔl.

¹³ Ku yiki pioc eya bik ya ya adakrooth, yiki tai ne ɣoot yic, ku kacie rɔtdɛɛk yetok, aaye jam yen abaak eya, ku kaaye roth cuɔp ne kalei yic, ku kaaye jam ne ke ete cik ye luel.

¹⁴ Yen akaar bi diarjɔɔk ye joot bi ke ya thiaak, ku yiki mith dhieth, ku yiki dhiɛnken dɔk, ku yiki yic ciɛn ke bii kɔc ke ater ya lat:

¹⁵ ne ke cii kɔk roth guɔ yiɛc Catan.

¹⁶ Na ye naŋ tiŋ ci ya gam nɔŋ diarjɔɔk, ke ne ke ye ke kony, ku ye ciɛn ke ye kanitha nuaan, bi kanitha diar ye thum bi ke ya kony.

¹⁷ Ne kɔcdit ye dɔk apiath ne ke ye riɛu ne rieu dit, ku ne ye nyin dit enɔŋ kɔc ye lui ne wɛtic ku pioc.

¹⁸ Ne ke ci kecigɔɔr ye luel, Ye duk miɔr ye duut thok te kɛɛm en rap. Ku, Ye kapiath bi ran ye lui ya naŋ riopde.

¹⁹ Na ye randit guɛɛl, ke cie gam, te kene duleek keerou ka keediak ye luel.

²⁰ Ye kɔc ye rɛɛc loi waai ne kɔc nyin kedhia, bi biakne bi ya riɔc eya.

²¹ Yin yɔɔk ne Nhialic nyin, kene Yecu Kritho ku malaikai cike lɔc, ya ye keekake luɔi kabuɔɔr, ku duɔne rɔt ye yiɛc wei ne nyiɛc luɔiyic.

²² Duɔne yicin ye dai kan ne raan nom, ku duk ye mat wene kɔc kɔk ne rɛɛc: ye rɔt cɔk ye lɔcar.

²³ Duk ye bɛɛr dek ne piu, ku ye piu diɛŋ ke abiɛi loom ne ke de yiyac ku tɔɔkdun ye rɔt dai yok.

²⁴ Rɛɛc de kɔc kɔk ee lɔ gɔk, rɛɛc ye ke laar ne luk nom, ku kɔc kɔk aaye ke biɔɔth.

²⁵ Yenekee cɔɔkde eya ee naŋ luɔi piɛth ye lɔ gɔk, ku kɔk cie yeneya aacie leu ne thiɛn.