1 Korinthoi 1 - Lek Jot de Jecu Kritho 1940

¹ Paulo, man ci cɔɔl bi ya metuny de Yecu Kritho ne piɔn de Nhialic, ku Thɔthene wanmaathda,

² wɔ lek kanitha de Nhialic tɔ ne Korintho, ku keek kek kɔc ci cɔk lɔjik ne Yecu Krithoic, cike cɔɔl bik ya kɔc cithiei, kene kɔc ye rin ke Yecu Kritho Bɛnydiitda cɔɔl ne piny ebɛn, ee Bɛnydiitden ku kee keda:

³ Eewubi thiɛi ya tɔ kene week ku dɔɔr de Nhialic Awada ku Bɛnydit Yecu Kritho.

⁴ An ye Nhialic leec ne nyindhia ne week, ne athiɛi de Nhialic ci yiɛn week ne Yecu Kritho;

⁵ ne ka ke athiɛi kedhia cakke loom ne yen, ne jam ye we weet leu ebɛn ku nyic ebɛn;

⁶ yeneka cii lek e can we lɛk ne Kritho jal ya yic ne weyic:

⁷ yen acin miɔc dɛ dɛk we, agut te ye we nyooth de rɔt de Bɛnydiitda Yecu Kritho tiit;

⁸ yen man bi we cɔk rir eya agut awɛdɛ, bak ya ciɛn ke ye we waai ne akol de Bɛnydiitda Yecu Kritho.

⁹ Nhialic ee naŋ adot, yen man ci we cɔɔl bak ya mat wene Wenden Yecu Kritho Bɛnydiitda.

¹⁰ Yen yemane we laŋ keek, watmathcie, ne rin ke Bɛnydiitda Yecu Kritho, bak ya jam ne wɛt tok, ku cin ke ye we puɔk yic; ku bak ya mat apiath ne taŋ tok ku ne luŋ tok.

¹¹ An ci lɛk ne week, watmathcie, ne kɔc ke dhien de Kuloe, ya nɔŋ ateere ne weyic.

¹² Aluɛl yala, ya ŋɛk ne week ee jam, Ye an ye ke de Paulo; ku an ye ke de Apolo; ku an ye ke de Kepath; ku an ye ke de Kritho.

¹³ Ci Kritho tekic? ci Paulo piaat ne week? ka ne we baptithke ne rin ke Paulo?

¹⁴ An ye Nhialic leec ne ke cin en toŋ de week ca baptith, a ye Kirithipo ku Gayo;

¹⁵ kɛlke raan bi ya jam ye ne we baptithke ne rincie.

¹⁶ Ku ɣan ci dhien de Thepana baptith: ku kakuɔc lan can kɔk baptith.

¹⁷ Ne ke kene Kritho ɣa tooc ba ya baptith, ee ba ya weet ne welpiath: acie nyiny de wel, kɛlke tiɛm ageer de Kritho bi cɔk ye kepiɔlic.

¹⁸ Wɛt de tiɛm ageer ee ciɛt beel enɔŋ kɔc ye thou taiwei: ku kee ya riɛr de Nhialic tenɔŋ wɔɔk, wɔ kɔc yeke luɔkke.

¹⁹ Ne ke cene e gɔɔr, Ya ɣan bi nyiny de kɔc nyic kaŋ ya nyaai, Ku jai nyiɛc ŋem de rɔt de kɔc ye roth nyiɛc ŋem.

²⁰ Ye ran nyic kaŋ tɔ teno? Ye dugɛr tɔ teno? Ye meter de wel de yepinye nom tɔ teno? ken Nhialic nyiny de piny nom cɔk ye beel?

²¹ Ne nyiny nyice Nhialic kaŋ akuce kɔc ke piny nom Nhialic ne nyinyden; yen Nhialic ee piɔu naŋ luaŋ de kɔc ye gam ne yepioc de kuny de kaŋne.

²² Na cak ya man ye Judai cit kɔɔr, ku kɔr Girikii nyiny de kaŋ:

²³ ke wɔɔk, wɔ ye weet ne piɛɛt de Kritho, man ye Judai cɔk kɔth, ku ye ya beel tenɔŋ Juurkɔk;

²⁴ ku tenɔŋ keek kek kɔc ci cɔɔl, yii Judai kene Girikii, ke Kritho kee riɛr de Nhialic, ku kee nyiny de Nhialic.

²⁵ Ne ke ye kuny de kaŋ de Nhialic yen ya nyiny de kaŋ awɛr raan; ku ye niɔp de Nhialic ye ya riɛr awɛr raan.

²⁶ Ŋɛmka cɔt yene we cɔɔl, mɛɛthcie, acie juaac nyic kaŋ de guɔp, ku kacie juaac nɔŋ riɛr, ku kacie ya juaac de baany kek yeke cɔɔl:

²⁷ Nhialic ee ka ye piny nom ke cɔk ye ka ci bel lɔc, bi kɔc nyic kaŋ nyiin ya liɛr; ku Nhialic ee ka ye piny nom ke cɔk ye ka niɔp lɔc, bi ka ye riɛr nyiin ya liɛr;

²⁸ ku ka ye rɛɛc ke piny nom, ku ka yeke tɔɔn, aaci Nhialic ke lɔc, ku ka ye liu, bi ka ye tɔ ya nyaai:

²⁹ bi ya ciɛn ran ye nom dit ne Nhialic nom.

³⁰ Ku week, we ci ya kake ne Yecu Krithoic; yen man ci cɔk ye nyiny de kaŋ enɔŋ Nhialic ne wɔɔk, ku ye lajik, ku ye lacar, ku ye weer:

³¹ bi ciɛt man cene e gɔɔr, Ya ne ye nom dit ne Bɛnyditic, ye yen man ye nom dit.