1 Jɔn 1 - Lek Jot de Jecu Kritho 1940

¹ Ke e tɔ ɣɔn ciɛke piny, ke cuk piŋ, ku cuk ŋem ne wɔnyin, ku cuk ɣoi, ku cuk jak ne wɔcin, ke ye ke de Wɛt de piir,

² (ku piir ee nyoothe, ku cuk ŋem, ku yuku lɛk kɔc, ku yuku piir nyuɔth we, piir athɛɛr, man e tɔ ke Wun, ku ci nyuɔth wɔ);

³ ke e cuk ŋem ku piŋku, yeneka yuku nyuɔth we eya, bak ya mat wene wɔɔk eya: ee yic, ku manda ee tɔ ke Wun, ku Wende Yecu Kritho:

⁴ ku keekake ayuuke gɔɔr, bi yumdɛn de piɔu bi ya yic.

⁵ Ekene yenekee thon cuk piŋ enɔŋ en, ku yuku lɛk we, wuu Nhialic ee ɣɛɛr, ku kacin cuɔl thin tɔ ne eyic.

⁶ Na yuku jam wuu yuku mat wɔne yen, ku yuku cath ne cuɔlic, ke wɔ ye alueth ku cuk yic ye loi:

⁷ ku na yuku cath ne ɣɛɛric, ci man yen tɔ ne ɣɛɛric, ke wɔ ye mat ne roth, ku ye riɛm de Yecu Wende wɔ waak ne rɛɛc ebɛn.

⁸ Na yuku jam wuu kerac aliu ne wɔpiɔth, ke wɔ ye roth dhoom, ku yic aliu ne wɔyic.

⁹ Na yuku karɛckuɔ gam, e kanɔŋ adot ku ye lajik, ku ye karɛckuɔ puɔl, ku ye wɔ waak piɔth ne ke col ebɛn.

¹⁰ Na yuku jam wuu wɔ ken kerac loi, e kacɔkku ye alueeth, ku wɛtde ee liu ne wɔyic.