Yosua 15 - Katɔti Ɔku Kedee

Yosua Úti Kalɔ Kadi Úte Yuda Kaba

¹ Na kalɔ kani na Yosua úle úte Yuda kaba ni, kalɔ kammɔ kákɛ Edom ɔmii lɛlɔ ɔ́yu útédu Sin kalɔ kakwiidi na kada kakɛ ƒui.

² Na kada kakɛ ɔmii ɔ́wɔ Mma Ɛpu kawɔlɔkɔ.

³ Na ɔkɛ Katamlukpa Ulu úti úsela ɔƒɛ kanukɔ ɔkɛ útádanku Sin kalɔ kakwiidi. Na ɔ́kɔ útédu Kades-Barnea na ɔkɛ Herson na ɔ́danku Adar na udeyi útédu Karka.

⁴ Na ɔ́vi ɔkɛ Asmon na útáda ɔlɛ Egyipte Kɔwɛ kemmo na úti útédu ɛpu kenye.

⁵ Na ɔ́si ɔƒɛ katukɔ kakɛ ni, ɔmii ɔmmɔ ɔkɛ utédu Mma Ɛpu. Na katɔ kakɛ ɔmii use kalɔ ɔ́si Yordan Ketu ku Mma Ɛpu kasakɔ.

⁶ Na ɔmii ɔmmɔ ɔ́kɛ útédu Bet-Hogla na katɔ kakɛ útásia Bet-Araba. Na ɔkɛ mmɔ útédu Ruben ubidi Bohan lɛtakpɛ.

⁷ Na ɔ́si Akor Kɔwɛ lɛlɔ útédu Debir na ɔ́bu ɔkɛ útédu Gilgal Adumim ulu ubendi na Akor Kɔwɛ kada kakɛ. Na ɔ́vi ɔ́kɛ En-Semes Ketu kenye na úti útédu En-Rogel.

⁸ Na ɔkɛ Hinom Kɔwɛ kemmo na Yebusiƒuɔ ɔma ɔni ndi Yerusalem. Na ɔkɛ kɔbi kɔni nkya Hinom Kɔwɛ kɔni nkya ɔƒɛ kanukɔ na Reƒaiƒuɔ Kɔwɛ na katɔ kakɛ úti útédu eli kakɛ.

⁹ Na ɔkɛ kɔbi kɔmmɔ eli úti útédu Neƒtoa Ketu kenye. Na ɔ́si mmɔ lɛnɔ úsie Eƒron Kɔbi lɛma lɛlɔ. Na uti ɔɔyu Baala ɔni ndi Kiriat-Yearim.

¹⁰ Na ɔkɛ katɔ kakɛ na Baala úsie ɔƒɛ kanukɔ na Seir Kɔbi lɛlɔ. Na únwini ɔkɛ Har-Yearim Kɔbi iye Kesalon Kɔbi na ɔkɛ Bet-Semes, na údeyi ɔkɛ Timna.

¹¹ Na údeyi ɔkɛ Ekron na katɔ kakɛ na ɔ́kanti úsie Sikron. Na ɔ́vi ɔkɛ Baala Kɔbi lɛlɔ, na ɔkɛ Yabneel útédu Mediterenia Ɛpu.

¹² Na ɔƒɛ kanukɔ ɔmii ndi Ɛpu Ubendi ɔmmɔ kenye. Na ɔmɛni ndi Yuda kaba lɛmii.

Kaleb Ɔ́di Hebronƒuɔ Ku Debirƒuɔ Lɛlɔ

¹³ Kalɛ kani na Unwoti úbo Yosua ɔda ni, lɛni na Yosua úte Kaleb ɔni ndi Yeƒune ubidi kalɔ na kakɛ kani na Yuda kaba bebi belie-ka kemmo. Na Hebron na baalɔ banii Kiriat Arba. Na Arba ndi Anak ɔti kuuku.

¹⁴ Na Kaleb ɔ́bɔku Anak bawɔ ɛtɛ ku bana kaba bekyuli ɔ́lɛku ɔma ɔmmɔ kemmo. Na bawɔ bammɔ ndi Sesai ku Ahiman ku Talmai.

¹⁵ Na Kaleb úse útékpoku Debirƒuɔ. Na kuuku ni, Debir na bátaalɔ banii Kiriat-Seƒer.

¹⁶ Amu na Kaleb ɔ́su ɔnini, “Ukyuli biala ɔni ndubɔkana na ukpoku Kiriat-Seƒer na ɔ́di-ma lɛlɔ ni, ndubuti mina ubidi ulekubi ɔni baalɔ banii Aksa lite-nwu na uti.”

¹⁷ Amu na Kaleb ɔnwani Kenas ubidi ɔni baalɔ Otniel útékpo na ɔ́di ɔma ɔmmɔ lɛlɔ. Na Kaleb úti ubidi Aksa úte-nwu na úti.

¹⁸ Na ka béti lɛlɔ báwɔlɔ ni, Otniel ɔ́su Aksa ka ɔsu ɔti Kaleb ka ute-nwu kalɔ kadi. Amu na Aksa úsie ɔti kudɔ. Na ka Aksa ɔɔyu nwuna ɔpɔnkɔ ɔmmɔ lɛlɔ ni, Ɔti Kaleb úye-nwu ɔnini, “Bi na aayɔ́ ka lɛbla lite-ɔ?”

¹⁹ Amu na ubidi ɔmɛni ɔ́su-nwu ɔnini, “Mɔɔyɔ́ ka ete-mi kalɔ kani na abiɔ akya-nya kemmo. Ɔsika kalɔ kani na éti éte-mi ni, kadi kalɔ kakwiidi.” Ɔmɛni ɔsu Kaleb úti abiɔ ani mɔɔyu na akya katɔ ku kada kakɛ úte-nwu.

Yosua Úti Lɛma Lɛdi Úte Yuda Kaba

²⁰ Na lɛma lɛni na Yosua úle úte Yuda kaba ka beti-ka bábla bana kadikɔ ndi amɛni.

²¹ Yuda kaba lɛma lɛni nkya lɛma ntɛ ɔ́si kalɔ kakwiidi kada kakɛ úti úsela Edom ɔmii lɛlɔ ndi Kabseel ku Eder ku Yagur

²² ku Kina ku Dimona ku Adada

²³ ku Kedes ku Hasor ku Itnam

²⁴ ku Siƒ ku Telem ku Bealot

²⁵ ku Hasor-Hadata ku Keriot Hesron ɔni baalɔ banii Hasor

²⁶ ku Amam ku Sema ku Malada

²⁷ ku Hasar-Gada ku Hesmon ku Bet-Pelet

²⁸ ku Hasar-Sual ku Beer-Seba ku Bisiotia

²⁹ ku Baala ku Iyim ku Esem

³⁰ ku El-Tolad ku Kesil ku Horma

³¹ ku Siklag ku Madmana ku Sansana

³² ku Lebaot ku Silhim ku Ain ku Rimon. Lɛma lɛmmɔ ƒui lɛdi aavlanyɔ-yaalenwi ku nina akpaklɔ.

³³ Na lɛma lɛni nkya abi kaƒɔna na ɔƒɛ kanukɔ kakɛ ni, ani ndi Estaol ku Sora ku Asna

³⁴ ku Sonoa ku En-Ganim ku Tapua ku Enan

³⁵ ku Yarmut ku Adulam ku Soko ku Aseka

³⁶ ku Saaraim ku Aditam ku Gedera ɔni basɔ baalɔ Gederotiam. Lɛma lɛmmɔ lɛdi lɛma leevu-ine ku nina akpaklɔ.

³⁷ Senan ku Hadasa ku Migdal-Gad

³⁸ ku Dilean ku Mispa ku Yokteel

³⁹ ku Lakis ku Boskat ku Eglon

⁴⁰ ku Kabon ku Lahmas ku Kitlis

⁴¹ ku Gederot ku Bet-Dagon ku Naama ku Makeda. Lɛma lɛmmɔ lɛdi lɛma libendi leevu-ɛku ku nina akpaklɔ.

⁴² Lilma ku Eter ku Asan

⁴³ ku Yiƒta ku Asna ku Nesib

⁴⁴ ku Keila ku Aksib ku Maresa. Lɛma libendi lɛmmɔ lɛdi yaalenwi ku nina akpaklɔ.

⁴⁵ Ekron ku nwuna lɛma libendi ku akpaklɔ

⁴⁶ ɔ́si Ekron úti útédu ɛpu ku Asdod amadɔ ku nina akpaklɔ.

⁴⁷ Asdod ku nwuna lɛma ku akpaklɔ ku Gasa ku nwuna lɛma ku akpaklɔ úti útédu Egyipte Kɔwɛ kenye ku Mediterenia Ɛpu.

⁴⁸ Na abi lɛlɔ lɛma ndi Samir ku Yatir ku Soko

⁴⁹ ku Dana ku Kiriat-Sanaa ɔni ndi Debir

⁵⁰ ku Anab ku Estemo ku Anim

⁵¹ ku Gosen ku Holon ku Gilo. Lɛma lɛmmɔ lɛdi leevu-unwi ku nina akpaklɔ.

⁵² Arab ku Duma ku Esan

⁵³ ku Yanum ku Bet-Tapua ku Aƒeka

⁵⁴ ku Hunta ku Kiriat-Arba ɔni ndi Hebron ku Sior. Lɛma lɛmmɔ lɛdi yaalenwi ku nina akpaklɔ.

⁵⁵ Maon ku Karmel ku Siƒ ku Yuta

⁵⁶ ku Yesreel ku Yokdeam ku Sanoa

⁵⁷ ku Kain ku Gibea ku Timna. Lɛma lɛmmɔ lɛdi lɛma leevu ku nina akpaklɔ.

⁵⁸ Halhul ku Bet-Sur ku Gedor

⁵⁹ ku Maarat ku Bet-Anot ku Eltekon. Lɛma lɛmmɔ lɛdi lɛma ɛku ku nina akpaklɔ.

⁶⁰ Kiriat-Baal ɔni ndi Kiriat-Yearim ku Raba. Ɔdi lɛma inyɔ ku nina akpaklɔ.

⁶¹ Kalɔ kakwiidi lɛma ndi Bet-Araba ku Midin ku Sekaka

⁶² ku Nibsan ku Ir-Hamela ku En-Gedi. Lɛdi lɛma ɛku ku nina akpaklɔ.

⁶³ Na Yebusiƒuɔ bani nli Yerusalem ama ni, Yudaƒuɔ bátakana na babɔku-ma. Anwuɔsu Yebusiƒuɔ ku Yudaƒuɔ baamu beli Yerusalem bébedu ɔmwi limeyi lɛmɛni.