Biblia Todo Logo
Bìoball air-loidhne

- Sanasan -

Sakaria 10 - Katɔti Ɔku Kedee


Yuda Ku Israel Badubɔnu Uwi Ɔbuni

1 “Ami, Unwoti, na ɔlɛka bɛkpali bivele ɔnantu si bina edula aawia ntu. Ɔsika ami ndi ukyuli ɔni mɔɔyá na liƒlukutu kemmo ɔƒɛƒɛɛ uukpó, na mɔɔyá na ɔnantu ɔɔna teewi kemo edula lɛlɔ na aadia.

2 Bilakana baƒiɔ ku like bebone bɔƒɔ bɔdi, na bilakana bevone ku bani muudie ana kalɔ bɔƒɔ bɔdi. Nsu bɛ́ɛbla ala amɛni ƒui bɛ́nu. Na ɔƒɛni amu bínwini aani baƒonu bani neeebo ɔdane.

3 “Ami, Unwoti Ɔyikune Ƒui, lɛ́kɛ kɔnyi geen lɛ́kya amii batɔnkune bammɔ na ndubo-mii kɔtu bɔni. Mina kadi bekyuli, Yudaƒuɔ, lɛlɔ libo-mi ɔlɛ geen, na ndubɔya na baƒonu lisu lɛni nkɛ mɛni benwini kekpo bapɔnkɔ bani nkɛ ku usi geen bésela kekpokɔ.

4 “Na baƒonu bamɛni kemmo na ndubo ɔtɔnkune bɔƒuna bani ndubo ɔkplu bɔyu geen aani atabi kpakplaa ani na béti bábala kowodu ekpo iye kevo abuli ewele iye ekpola.

5 Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

6 “Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

7 Israel ɔdubɔbla aani bekpone bani mbo ogya geen, na lɛlɔ lɛdubo-ma butaayɔ aani bekyuli bani na báni ntɛ. Na si bana bebi lɛnɔ bánu ɔmɛni ni, ebiti adubo-ma bɔda geen na ami, Unwoti, ɔsu.

8 “Ndubo-ma kɔnu bubo na babasala, ɔsika ndubukpo lídie-ma na lɛya na basɔ bemomo aani kalɛ na bése dii.

9 Ina ka lígyingya mina bekyuli lɛ́kya kaƒɔ kalɔ ɔlɔgyu muedi ni, baaadubo-mi bɔyiƒala. Ama ku bana bebi ƒui badubɔkɛ ngba na benwini bebo.

10 Ndubo-ma bɔkpanku bɔsiku Egyipte ku Asiria kalɔ lɛlɔ liboku ɔma, na lɛya na belie Gilead ku Lebanon na bemomo baƒɔ kalɔ kammɔ ƒui lɛlɔ.

11 “Lɛbibo lɛdubo mina bekyuli butulo aani kalɛ na baanú teeduo ɛpu kemmo. Nsu ndubo ɛpu avlɔvɔ ammɔ kenye butile, na lɛya na Nil Ketu kakwii ketédu nwuna ligyu kalɔ kalɔ ƒui. Na lɛya na Asiriaƒuɔ lɛmɛnɛ bɔkun ku Egyipte ɔyikun ƒui ubo kalɔ na ɔyii udu.

12 Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc. 

Wycliffe Bible Translators, Inc.
Lean sinn:



Sanasan