Kɔgya 98 - Katɔti Ɔku Kedee

¹ Bidie ɔnu ɔwɔdi bite Unwoti ɔsika ɔ́bla akɔla ala budie taatina. Na anwu ɔni nse kedee údie nwuna kɔnu na ɔ́bla ɔyikun ala na ɔ́di nwuna bekisine lɛlɔ.

² Unwoti údie ɔ́tina bekyuli ƒui ka ubo ɔyikun na ɔƒɔ bekyuli ngba na ɔtɛ litemi ulu siin lɛlɔ.

³ Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

⁴ Amii bekyuli ƒui bedie lɛlɔyɔ ku kudu momoomo, ku ebiti bimwi Unwoti.

⁵ Bɛgya bina lɛbentaa ku agyala bamba na bidie lɛnu ku kɔku minimini bite Unwoti.

⁶ Bɛvwi kɔkpɛɛ ku ese momoomo ku lɛlɔyɔ na Unwoti ɔni ndi bula ɔga anumi.

⁷ Bidie lɛdi bite, ɛpu ku ala ani ƒui nkya-nwu kemmo na bebo kudu momoomo. Na kayawi ku kana ala ediedi ƒui bɛkɛ lɛlɔyɔ ku kɔvanu.

⁸ Na ntukpa ƒui bɔbla kɔku aani enukpɛ bɔgya. Na kɔku kɔsi abi ƒui lɛlɔ aani lɛlɔyɔ lɛnu ubasala na Unwoti anumi.

⁹ Bidie lɛnu na bibo kudu na Unwoti ɔni ndubo anumi. Ɔsika ɔdubo ubatɛku kayawi bekyuli litemi na ulu siin lɛlɔ. Na ɔdubɔsia nwuna litemi geen lɛlɔ ɔtɛ litemi lɛmmɔ.