Kɔgya 82 - Katɔti Ɔku Kedee

¹ Unwoti Katɔti ɔ́yu úlie kayaa bayikune ntɛ na ɔ́tɛku-ma litemi na katɔ mmɔ ɔnini,

² “Bi ɔsu na bilásia ulu lɛlɔ taatɛ litemi na biinye likpidi kama taaƒɔ́ balalane?

³ Bikpo bite bani neeebo kablakɔ kadi ku bekpinebi. Na bɛbla ala ulu lɛlɔ bite bani muubó abi na baayaki ala.

⁴ Bibunku bani neeebo kablakɔ kadi ku bani mɔɔyaki ala, na bidie-ma na balalane enu kemmo.

⁵ “Balalane bamɛni baaagyi lɛla lɛni na baabla na belenu lɛla lɛdi lɛnɔ kalɔ. Lɛdisa kemmo kani na bakɛ bésela. Na lɛlɔ lɛɛtɔ́ kalɔ kemodi kammɔ.

⁶ “Lɛ́ɛsu-mii nnini, ‘Bise aani Katɔti na bina ƒui bɛdi ami Ɔyikune Ƒui bebi.’

⁷ Nsu amii lɛnɔ bɛdubo bukpi aani bekyuli bayawine kalɛ na bina kenyekɔ kadubo bɔvumana aani bana kalɛ ina bi kenyekɔ na ɔdi enye.”

⁸ Unwoti Katɔti, ta na atɛku kalɔ kammɔ ƒui litemi, ɔsika kadi bekyuli bammɔ ƒui ndi awɔ ɔdi.