Kɔgya 60 - Katɔti Ɔku Kedee

¹ O Katɔti, éni-bu na ábwɛ ɔban ɔni na ágyi ákya-bu. Éti kɔnyi geen ákya-bu, nsu sɔku-bu nyene ƒula anumi

² Awɔ náya na kalɔ kákunku na kábwɛ ntɛ. Nsu buuvele-ɔ bɔnii tile kɔka kɔmmɔ kalɛ na kalɔ kammɔ kelébo kalánu.

³ Áya na ƒula bekyuli beebó abi ani naaadia bɔnu. Na lɛla lɛni mɔɔlɛ́ku-bu únwini aani si ntɛ kpakplaa na éte-bu na bɔ́ni na bɔɔda-bu.

⁴ Álɛ aƒlaga éte bekyuli bani mɔɔbu-ɔ kalɛ na ɔtina-ma uwi ɔni na bana bekisine badubo.

⁵ Unwoti awɔ ɔlati ti ƒula kɔdianu kɔnu na ekpo ete-bu ku ƒula ɔyikun kalɛ na ƒula bekyuli bani na aayɔ́ mmɔ bakɛ bɔƒɔ.

⁶ Katɔti ɔ́tɛmi ɔsiku nwuna kakpakɔ Katɔma kedee kemmo ɔnini, “Lɛlɔ lɛɛyɔ́-mi ka lile Sekem ɔma ku Sukot Ɔkwalɛ ɔmmɔ lite mina bekyuli.

⁷ Ami mbo Gilead ku Manase. Nda Eƒraim aani mina kagabwa. Na nda Yuda aani mina ɔgagyii.

⁸ Na Moab use aani lɛkyami lɛni kemmo na mɔɔƒɔ mina enu. Na Edom lɛlɔ na mɔɔnya lɛgba. Na Ƒilistia na muunye teebo kudu ka lɛ́di lɛlɔ.”

⁹ Na Ukyuli bamba ɔdi uuubo ɔni ndubɔtɔnku-bu na busie butékpo lɛma linengudi lɛni na bátu awodu kpakplaa bámana mmɔ. Na ɔdi lɛnɔ uuubo na ɔtɔnku-bu na butékpo Edom kalɔ lɛlɔ bekyuli.

¹⁰ O Katɔti, geen geen na anii éni-bu na aaadubo-bu bɔtɔnku na kekpokɔ na ekpo bula bekisine ete-bu?

¹¹ Buvele, kpo-ma te-bu, ɔsika ukyuli ɔyawine kebunku keeebo kɔsia kɔdi.

¹² Na ɔkɛnku Katɔti lɛlɔ ni, bɔdubɔdi lɛlɔ. Ɔsika anwu ndubɔnya bula bekisine ususu kalɔ.