Kɔgya 53 - Katɔti Ɔku Kedee

¹ Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

² Katɔti ɔ́sia bayawine ƒui anu ɔ́siku katɔ si ɔdi kasusu kálɛmi na ɔɔyɔ́ ka ɔsiaku-nwu kama.

³ Nsu bana ƒui ɔdi uláwia-mi kama ulu ɔ́si bana ekpidi ɔsu. Ukyuli ɔdi uuubo ɔni mɔɔbla lɛbuni. Ina unwi pɛ muedi!

⁴ Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi?

⁵ Liƒu bonwu líbo-mii lɛlɔ lɛni udu nétebo tɔ kudii. Ɔsika Katɔti úbo amii mina bekisine ekubi úgyingya. Na kɔƒa kúkpo geen, ɔsika Katɔti úni-mii.

⁶ Muuvele kpakplaa nnii Katɔti ɔya na bɔƒɔ bɔsi Sion bubo bute Israel. Na si Katɔti ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen.