Kɔgya 45 - Katɔti Ɔku Kedee

¹ Etemila abuni sɔɔn néyi-mi lili kemmo na ndubudie keyi na lɛtu kɔgya lite ɔga ɔmmɔ. Na mina unyemi na ndubuti lɛbla aani unwenigyii ɔni na ɔkutine ɔbuni ɔdi ɔda uunweni ala teese.

² Awɔ mɔɔdia bɔnu teetulo bayawine bebi ƒui akɔ. Na lɛƒɔndia etemila akya-a kenye kemmo geen, anwuɔsu na Unwoti Katɔti úte-ɔ kusɛ kusɛ úsela uwi ƒui kemmo.

³ O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

⁴ Tu akpagya na esie asɔ lɛlɔ ɔdine kalɛ. Gyumana litemi geen lɛmmɔ ku bekyuli bani muuboku lɛlɔ kalɔ. Na bekyuli bataabla ala ulu lɛlɔ. Ti ƒula kɔdianu na abla ala enengudi na bani lɛlɔ na ádi anumi.

⁵ Na aya na ƒula atula ani nse yayaaya geen mmɔ atu ƒula bekisine kayi. Na kadi bekyuli ƒui bayu batɛ ƒula lɛgba kalɔ.

⁶ Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.

⁷ Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

⁸ Ƒula awu ɔni na akya ni, ugyulo ƒɛƒɛɛ lidu lidu ɔnyi ɔ́ƒɔ-nwu kemmo. Na ɔtunkpɛ sɔɔn na béti bákya ƒula lɛgbanya lɛmmɔ bɔdia. Na lɛbentaa na baagyá taakya-a lɛga ebiti.

⁹ Beleku baƒunadi bani mɔɔkpanku-ɔ ni, baga bebi belekubi bakya-ma akɔ. Na ƒula kɔdianu kakɛ ni, ƒula uleku ɔga unye na ɔda sika ugyiedi adala abuni ƒui.

¹⁰ O Ɔga ule ɔbuni, se atu kaduɛ na enu litemi lɛmɛni. Yiƒala ƒula lɛlɔ bekyuli ƒui ku ƒ'ɔti kaduli bekyuli ƒui.

¹¹ Na aya na ƒula bɔdia ƒui bɔda ɔga ebiti. Ɔsika anwu ndi ƒula Unwoti. Boku lɛlɔ kalɔ na ete-nwu ɔbu.

¹² Tire kadi bekyuli badubo bebete-ɔ ala abuni. Na balakɛne pii badubɔwia ka ayɔ-ma litemi.

¹³ Bula kadi, bɛnu kalɛ na ɔga ule ɔni nkya nwuna ɔtɔ kemmo mmɔ ɔɔdia bɔnu! Awu ɔni na ɔkya ni, sika ugyiedi kabuli na béti báka-nwu.

¹⁴ Na únyimi kɔdi kɔni mɔɔdia bɔnu kalɛ na bakpanku anwu ku nwuna bakpana ku begblebi beboku-ɔ.

¹⁵ Na ebiti ku lɛlɔyɔ kemmo na badubuti bebeduo ɔga lɛgbanya mmɔ.

¹⁶ O Ɔga, ƒula bebi bananabi ndubunye ƒula bati kuuku kenyekɔ. Na adubɔbla-ma baga na kɔlɔ bamba ƒui lɛlɔ.

¹⁷ Ndubuteebo ƒula lɛnyi kudu ɔ́si kaba úsie kaba bekyuli akɔ, na badubuteemwi-ɔ uwi ƒui.