Kɔgya 42 - Katɔti Ɔku Kedee

¹ Kalɛ na anumi eegyie akwa ɔni na utukwɛ ɔɔda na ɔkɛ gyoli gyoli ɔɔwia abiɔ ani kemmo na ɔni ntu ni, lɛni kani na mina kɔyu kɔɔwia Katɔti.

² Unwoti Katɔti ɔni nlie ngba uwi ƒui, ƒula tanu kɔka kɔɔda-mi. Lɛmameyi na ndububo mbada lɛlɛ-ɔ anumi na lɛnu-ɔ?

³ Keku kani nénwini aani adila úte-mi usien ku ɔƒɛ. Na mina bekisine benye beeye-mi uwi ndi uwi banini, “Wɛ na nwuna Katɔti ɔmmɔ ɔkya?”

⁴ Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

⁵ Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Líti mina anu lɛ́sia-a lɛlɔ. Na ngyi ka nsɔ ndubo awɔ mina Ɔƒɔne ku mina Katɔti bumwi lɛnɔ, ɔsika awɔ muubunku-mi.

⁶ Enu áƒɛ-mi si mɔɔkali taanu ƒula lɛƒɔndia na Yordan Ketu kalɛkɔ na Hermon ku Misar abi lɛlɔ mmɔ.

⁷ Ƒula kɔnyi kúbo-mi lɛlɔ aani ketu kani néyi na use aani ɛpu ɔni mɔɔnwanɛ lɛlɔ na ɔ́bwɛ ɔ́vi-mi lɛlɔ.

⁸ Nsu muuvele nnii Unwoti ɔbla-mi lɛƒɔndia limeyi limodi kemmo kalɛ na usien ni, lɛtu kɔgya lite-nwu. Na anwu na ndubɔkɔliku mina enu katɔ lɛkpali, ɔsika anwu muute-mi ngba.

⁹ Ndubɔkpali mina Unwoti Katɔti ɔni nse aani lɛtakpɛ lɛni mɔɔgyumana-mi. Na ndubuye-nwu nnini, “Bi ɔsu na áyiƒala-mi na áya na nkɛ muuwulo kɔnyana, na mina bekisine benye beekpóku-mi lɛni?”

¹⁰ Edumi ani udu na beedumi-mi etulo si kewii na bada baatu-mi ɔƒɛnyi bétédu ku ekubi kemmo. Na beeye-mi limeyi ndi limeyi banini, “Wɛ na ƒula Unwoti Katɔti ɔmmɔ ɔkya geen?”

¹¹ Bi ɔsu na naaakɛ́ bɔnwuna na mina lɛlɔ ƒui kemmo na enu-mi lɛni? Ndubuti mina anu lɛsia Katɔti lɛlɔ na lɛsɔ limwi-nwu, ɔsika anwu ndi mina Ɔƒɔne ku mina Katɔti.