Kɔgya 3 - Katɔti Ɔku Kedee

¹ O Unwoti, agyi kalɛ na mina bekisine bemomo na bana ƒui báta beekpóku-mi.

² Na baasu banini, “Katɔti ulakana-nwu bukpo bɔƒɔ.”

³ Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

⁴ Mɔɔkpali awɔ Unwoti teevele nnii nu-mi bɔkpali na ebebunku-mi ɔ́si ƒula kɔbi kedee lɛlɔ mmɔ.

⁵ Mɔɔtɛ taalɛɛ usien umodi ƒui. Na aayá na mɔɔta ku ɔlɔkplu.

⁶ Na liƒu biala lítada-mi na bekisine mpim liti bani náka bámana-mi ɔsu.

⁷ Unwoti mina Katɔti, bo na abaƒɔ-mi! Ƒɛ mina bekisine ƒui anyi ku linungla kalɛ na basɔ balákɛ ɔyikun ɔdi mina lɛlɔ.

⁸ Unwoti, awɔ mɔɔyá na ukyuli ɔɔdi nwuna bekisine lɛlɔ. Na awɔ kani mɔɔbla-nwu lɛƒɔndia.