Kɔgya 24 - Katɔti Ɔku Kedee

¹ Kalɔ ku kana ala ani nkya-nya kemmo ƒui ni, adi Unwoti adi. Na kalɔ lɛlɔ bekyuli ƒui badi anwu badi.

² Ɛpu bonwu ku ntukpa bɔni nkya kalɔ kemmo mmɔ lɛlɔ na ɔ́tu kayawi kammɔ ɔ́sia.

³ Ɔma mbo kuƒi kɔni na ɔdubɔkana na ɔkɔ usie Unwoti kɔbi lɛlɔ na uduo nwuna kakpakɔ mmɔ?

⁴ Bekyuli bammɔ udu ndi bani enu ku kayi kemmo nse sɛɛn na béteti bana anu bátasia lɛƒiɔkpa lɛlɔ iye bataanyi ɔkɔ taakpali ala.

⁵ Unwoti ɔdubute-ma kusɛ kusɛ na ɔƒɔ-ma na ute-ma ubo ka likpidi lɛdi lɛɛɛma-ma lɛlɔ.

⁶ Bana udu mɔɔwia ulu ka bakpɛ bede Katɔti ɔni na bula Nana Yakob ɔ́kpa.

⁷ Bidi kuuku uwi kɔyakun kɔmmɔ bɛlɛmi biwi na Ɔga Unengudi ɔni muukeye mmɔ ubeduo.

⁸ Na ɔma ndi Ɔga Unengudi ɔni muukeye mmɔ? Anwu ndi Unwoti ɔyikune ɔni mɔɔdi nwuna bekisine ƒui lɛlɔ na kekpokɔ.

⁹ Bidi kuuku uwi kɔyakun kɔmmɔ bɛlɛmi biwi na Ɔga Unengudi ɔni muukeye mmɔ ubeduo.

¹⁰ Na ɔma ndi Ɔga Unengudi ɔni muukeye mmɔ? Unwoti Katɔti Ɔyikune Ƒui ndi Ɔga Unengudi ɔmmɔ.