Kɔgya 20 - Katɔti Ɔku Kedee

¹ Unwoti Katɔti ɔni na bula nana Yakob ɔ́kpa unu ƒula bɔkpali na ɔgbankpi limeyi na ɔgyumana-a.

² Na ubunku-ɔ na ute-ɔ ɔyikun ɔsiku nwuna kakpakɔ na Sion Kɔbi lɛlɔ.

³ Na unyimo akpala ani na ábla éte-nwu ku ala ani na ákyula éte-nwu na aƒɔ-nwu anu.

⁴ Na ɔbla ƒula kayi lɛyɔla ute-ɔ. Na ɔya na ƒula kasusu kani na éti kebo kete lɛni.

⁵ Na bɔdububo kudu ku lɛlɔyɔ ka ádi lɛlɔ. Na nwuna lɛnyi kemmo na bɔdubɔkɔliku bula aƒlaga katɔ katɔ. Unwoti Katɔti ɔbla ala ani na eevele-nwu ƒui ute-ɔ.

⁶ Ɔƒɛni na ɔ́bla-mi nwaa ka Unwoti uubunku nwuna Ɔga Ɔƒunadi. Na uunú-nwu bɔkpali taasiku nwuna keliekɔ kedee na katɔ. Na ɔɔƒɔ́-nwu ɔkɛnku nwuna ɔyikun bonwu lɛlɔ.

⁷ Na kekpokɔ ni, badi béti bana anu básia bapɔnkɔ ku bapɔnkɔ kɛɛkɛ ɔyikun lɛlɔ. Nsu abu búti bula anu bɔ́sia Unwoti Katɔti lɛlɔ.

⁸ Bani anumi nsia ala ammɔ lɛlɔ ni, badubo kalɔ bubo na bebuli. Nsu abu ni, Unwoti Katɔti ɔdubo-bu katɔ bɔkɔliku na bunye kpakplaa.

⁹ Unwoti, ya na ƒula Ɔga ɔdi lɛlɔ. Na si bɔ́kpali-ɔ ni, na enu ete-bu.