Kɔgya 150 - Katɔti Ɔku Kedee

¹ Bɛya na bumwi Unwoti. Amii kadi bekyuli ƒui, bimwi Unwoti Katɔti na nwuna kakpakɔ kedee kemmo! Bimwi anwu ɔni nédie kayaa na uli-ka lɛlɔ mmɔ ku ɔyikun.

² Bimwi-nwu na nwuna ala ebendi ani na ɔ́bla ɔsu. Na nwuna bumwi bɔkɔ katɔ butédu kalɛ na ɔ́bla ala abuni útédu kenye.

³ Bɛvwi kɔkpɛɛ biti bimwi-nwu. Na bɛgya agyangba ku lɛbentaa biti bimwi-nwu.

⁴ Bɛgya agyala ani mɔɔku na bɛtɔ biti bimwi-nwu. Biti agyala ani na bédi ku kɔbuli bimwi-nwu ku atoloyii.

⁵ Bimwi-nwu ku enukpɛ agyala ani mɔɔku ku agyala ani muusié ɔgyu.

⁶ Bɛya na Unwoti Katɔti ala ediedi ani ƒui mbo ngba emwi-nwu. Bɛya na bumwi Unwoti.