Kɔgya 143 - Katɔti Ɔku Kedee

¹ Unwoti Katɔti, ka ese siin na asia ƒula litemi kama ɔsu ni, se atu na enu mina bɔkpali ku mina buvele. Na aya na linu lɛla lɛdi lɛsiku-ɔ kudɔ.

² Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

³ Mina ukisine ɔbi ɔsiaku-mi na uukpóku-mi. Úbo-mi ɔ́va kalɔ na ɔ́di-mi lɛlɔ. Na úti-mi ɔ́kya lɛdisa kemmo aani ukyuli ɔni nékpi kukuuku.

⁴ Ɔmmɔ ɔsu enu adaku-mi bɔƒɛ na nsɔ liiibo lɛnunsia lɛdi.

⁵ Lɛ́kali lɛ́nu uwi ɔni návi na líduo lɛlɔ kemmo lísie ɔgyu na lɛ́nu akɔla ala budie taatina ani na ƒula enu ábla.

⁶ Lɛ́kɔliku mina enu katɔ mɔɔkpali-ɔ aani kalɔ kani lɛlɔ na ntu bɔ́kwii bɔ́sa ƒui.

⁷ Unwoti, nu-mi bɔkpali. Mina lɛnunsia lɛ́sa. Na téti lɛlɔ tabɛla-mi, si ɔɔɔdi lɛni ni, ndubo bukpi aani bamanvine bani ntɔ kalɛ.

⁸ Teenyimene-mi ɔtanta biala ka aayɔ́-mi uwi ndi uwi. Ɔsika ƒula lɛlɔ kani na mina anu asia. Tina-mi mina kasiakɔ, ɔsika awɔ kani na mɔɔkpali ku mina kɔyu ƒui.

⁹ Die-mi lɛku mina bekisine enu kemmo O Unwoti. Ɔsika awɔ na líkeli ḿbatamiku.

¹⁰ Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

¹¹ O Unwoti, die-mi lɛku mina lɛbibo kemmo ɔkɛnku ƒula lɛnyi kedee lɛlɔ ku ƒula ɔyikun ɔsu na lɛkɛ ngba bɔƒɔ.

¹² Ɔkɛnku kalɛ na aayɔ́-mi uwi biala ɔsu ni, yila mina bekisine ƒui udu. Ɔsika ƒula kabla ɔblane na ndi.