Kɔgya 14 - Katɔti Ɔku Kedee1 Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi. 2 Katɔti ɔ́sia bayawine ƒui anu ɔ́siku katɔ si ɔdi kasusu kálɛmi na ɔɔyɔ́ ka ɔsiaku-nwu kama. 3 Nsu bana ƒui bédeyi na bálɛ ulu geen ɔmmɔ lɛlɔ, na likyulikpi lɛ́ƒɔ-ma keliela kemmo ƒui. Ukyuli ɔdi uuubo ɔni mɔɔbla lɛbuni. Ina unwi pɛ muedi! 4 Amii alaekpidi bablane bamɛni, bíni bɛnii bɛɛɛdubo lɛla lɛdi bɔtɛya! Bi ɔsu na bɛ́yila mina bekyuli udu aani kalɛ na baadi adila, na bíni bɛnii bilakpali Unwoti lɛnyi? 5 Liƒu bonwu lɛdubo-mii bɔda. Nsu bani nse siin ni, Unwoti uliku-ma. 6 Alaekpidi bablane bénye bétile bawabane lɛbuni lɛni na baayɔ́ ka babla. Nsu Unwoti ndi bana ɔgyumanane. 7 Muuvele kpakplaa nnii Unwoti ɔya na bɔƒɔ bɔsi Sion bubo bute Israel. Na si ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen. |
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Wycliffe Bible Translators, Inc.