Kɔgya 138 - Katɔti Ɔku Kedee

¹ O mina Unwoti, ndubɔgya-a enu na limwi-ɔ ku mina kayi ƒui na lɛlɔ badine ku bayikune bamba bani náka bámana-a anumi.

² Ndububoku lɛlɔ kalɔ na liti mina anumi lɛtina ƒula kakpakɔ kedee na limwi-ɔ lɛnyi, ɔsika aayɔ́-bu uwi ndi uwi na asia ƒula litemi kama. Na édie átina ka ƒula lɛnyi ku ƒula ɔda bubo bɔ́kɔ katɔ ƒui butulo lɛla ndi lɛla.

³ Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.

⁴ Kalɔ lɛlɔ baga ƒui badubumwi-ɔ lɛnyi, O Unwoti, ɔsika bénu ƒula kenye etemila.

⁵ Na badubudie lɛnu bete-ɔ na ala ani na ábla ɔsu. Ɔsika eekeye geen.

⁶ Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

⁷ Ina ka ala ani muukpóku-mi áka ámana-mi ni, amu ada mina ngba. Na adubudie ƒula kɔnu atina mina bekisine ƒui. Na ƒula kɔdianu kɔnu kɔdubɔƒɔ-mi ngba.

⁸ Na ngyi ka kasusu kani na Unwoti ubo ute-mi kadubo-nwu kemmo lɛni. Ɔsika aayɔ́-bu uwi ndi uwi. Na buuvele ka awɔlɔ ƒula kabla kani kalɔ na ése na bula akɔ.