Kɔgya 130 - Katɔti Ɔku Kedee

¹ Unwoti, mina kaƒɔ kemmo ƒui na muuwulo taakpali-ɔ.

² Nu-mi lɛdi na ese atu na enu mina keku kani muuwulo teevele kebunku.

³ Si ásia ukyuli alaekpidi kama ni, Unwoti, ɔma ndubɔkana ƒula litemi bɔtɛ kenye bunye?

⁴ Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

⁵ Awɔ Unwoti anumi kani na nnye mɔɔnu. Na mina anu ƒui ku kayi kasia-a lɛlɔ.

⁶ Nnye mɔɔnu-ɔ ulu kpakplaa geen teetulo kalɛ na bekyuli bani nnye baagyumana usien baanu ulu teete ka kadi kegye kukuuku ƒui.

⁷ Israel kadi bekyuli ƒui, biti bina anu bɛsia Unwoti lɛlɔ. Ɔsika Unwoti kani mbo lɛƒɔndia uwi ndi uwi, na ɔɔƒɔ́ ukyuli ngba.

⁸ Na anwu ɔlati ɔdubɔƒɔ Israel ɔlɛku bana ekpidi ani ƒui na baabla kemmo.