Kɔgya 127 - Katɔti Ɔku Kedee

¹ Si Unwoti Katɔti kɔnu kɔɔɔkya ɔtɔ ɔni na batune benye baatú kemmo ni, kekeeke na beebó abi. Na si Unwoti Katɔti útagyumana ɔma ɔni na bagyumanane benye baanu ni, kekeeke na belie benye baagyumana.

² Ina éyile bɔta na ékpoku lɛlɔ ába kadi ka aawia lɛla lɛdi adi ni, aaadubo-ɔ budu na adi na edu-ɔ ɔkwɛ. Ɔsika bekyuli bani néti lɛlɔ béte Unwoti Katɔti ni, Unwoti uute-ma ala uwi ɔni na batɛ balɛɛ muedi.

³ Nu! Unwoti Katɔti muute bebi na baawɔ. Na bani mɔɔlɛ́ taasi uwele kaƒɔ kemmo ni, ɔdi nwuna lɛƒɔndia.

⁴ Kalɛ na kɔtaminta atula ani nkya ɔyikune ɔdi koƒo kemmo ese ete ukyuli ɔmmɔ ni, lɛni kani na bebi lɛnɔ beekpó teete bana bawɔne.

⁵ Anwuɔsu lɛlɔ lɛdubɔyɔ ukyuli ɔni mbo-ma na bemomo. Ɔsika ɔdubɔkana na unye ɔsiaku ukisine biala udu na ɔban kenye ɔni na kɔƒa kulékpo-nwu.