Kɔgya 125 - Katɔti Ɔku Kedee

¹ Bekyuli bani néti bana anu básia Unwoti lɛlɔ ni, bese aani Sion Kɔbi kɔni naadubo bɔta kesii kani na kɔlɛ kudii. Ɔsika mmɔ kani na kɔdubɔlɛ uwi biala kemmo.

² Kalɛ na abi áka ámana Yerusalem ɔma ni, lɛni na Unwoti lɛnɔ ɔ́ka ɔ́mana nwuna bekyuli ɔ́si ɔƒɛni úsela uwi ƒui.

³ Katɔti uláya na bekyuli bekpidi badi nwuna bekyuli kedee lɛlɔ. Si ɔɔɔdi lɛni ni, badubɔya na Katɔti bekyuli babla likpidi.

⁴ O Unwoti, bla lɛbuni te bekyuli babuni ku bani kayi kemmo ablala nkɛ ulu siin lɛlɔ.

⁵ Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.