Kɔgya 12 - Katɔti Ɔku Kedee

¹ Unwoti, buvele bɔda-a, bunku-bu, ɔsika ukyuli ɔbuni ɔdi ɔsɔ uuubo. Na bekyuli bani mɔɔdi ƒula ɔda bubo lɛlɔ lɛnɔ bása na kayawi.

² Na ɔkɔ kani na ɔdi biala ɔɔnyi taatɔlɔ ɔnwani. Na ɔkɔ ku kɔtɛ keeke kɔmmɔ udu kani néyi-ma inye.

³ O Unwoti, kalɛ-ma kenye na bada lɛmɛnɛ bɔkun baya.

⁴ Ɔsika baasu ka ama ni, bana kenye ogya na badubuti bakɛ lɛla biala. Na lɛla biala na baayɔ́ ni, badubɔsu-ni ƒaa, ɔsika baasu banii ukyuli biala ulakana-ma lɛla lɛdi bɔbla.

⁵ Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

⁶ Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

⁷ Unwoti, buuvele-ɔ bɔnii gyumana-bu na ada-bu edie kaba buɛ kamɛni akɔ uwi ƒui.

⁸ Bekyuli bekpidi bakɛ kesi kesii beesié taasɔ, na ukyuli biala ɔɔkya bana likyulikpi lɛmmɔ ogya.