Kɔgya 110 - Katɔti Ɔku Kedee

¹ Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

² Unwoti ɔdubɔya na adi lɛga asi Sion avia ƒula bekisine kalɔ lɛlɔ muedi.

³ Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

⁴ Unwoti úse kenye na uláda ulavia kenye kammɔ. Ɔ́su ɔnini, “Adi ɔkpane úsela uwi ƒui na Melkisedek ɔkpane bɔdi ulu lɛlɔ.”

⁵ Unwoti unye-ɔ kɔdianu kakɛ, na limeyi lɛni na ɔdubɔkɛ kɔnyi ni, ɔdubɔyila baga udu.

⁶ Na ɔdubɔtɛku kayawi bekyuli ƒui litemi. Na ɔdu kayawi lɛlɔ badine ƒui. Na bekpine sɔɔn ndubɔƒɔ kalɔ lɛlɔ ƒui.

⁷ Na ɔdubɔni ntu na ntukpa biala kemmo na ɔɔyɔ́ uwi ɔni na uukpó taadi lɛlɔ.