Bumomo Bɔka 7 - Katɔti Ɔku Kedee

Akpala Ani Na Batɔnkune Bammɔ Béti Béte Unwoti

¹ Uwi ɔni na Mose ɔ́wɔlɔ Unwoti kakpakɔ ɔtɔ ɔmmɔ bɔlɛ ni, ɔ́kpali katɔ na úti lɛla biala ɔ́kya Unwoti enu kemmo. Na ɔsɔ ɔ́kpali katɔ na úti lɛkpabi ku akyami ani nse mmɔ ƒui ɔ́kya Unwoti enu kemmo.

² Mmɔ na batɔnkune bani bédie bálɛku kaba biala kemmo na báka bekyuli bammɔ béti bana akpala bésienku Unwoti.

³ Na ala ani béti bátábla akpala béte Unwoti mmɔ ndi bapɔnkɔ kɛɛkɛ ɛku ku ɔmantɛ bakɔ leevu-inyɔ bani ndubo kɛɛkɛ lɛmmɔ butaani na ɔtɔnkune biala úte unwi na batɔnkune bammɔ inyɔ biala béte ɔpɔnkɔ kɛɛkɛ unwi. Ala amɛni na béti bésienku Unwoti Adi Kevo anumi.

⁴ Amu na Unwoti ɔ́su Mose ɔnini,

⁵ “Ƒɔ akpala ammɔ siku batɔnkune bammɔ kudɔ na béti bataabla kabla na Unwoti Adi Kevo kammɔ lɛlɔ ala. Na ele ala ammɔ ete Lewini biala kalɛ na nwuna kabla kámanku.”

⁶ Anwuɔsu Mose úti bapɔnkɔ kɛɛkɛ ku ɔmantɛ bakɔ bammɔ na úti-ma úte Lewiƒuɔ bammɔ,

⁷ na úti bapɔnkɔ kɛɛkɛ inyɔ ku ɔmantɛ bakɔ ine úte Gerson bebi na bana kabla kenye,

⁸ na úti bapɔnkɔ kɛɛkɛ ine ku bakɔ maane úte Merari bebi na bana kabla kenye. Na bana ƒui bakya ɔkpane Aaron ubidi Itamar lɛlɔ bɔnu kalɔ.

⁹ Nsu Mose útete Kehat bebi ama ɔdi, ɔsika bana kabla ndi ka beteeti ala ani nse kedee mmɔ taasia bana amangba.

¹⁰ Uwi ɔni na Mose ɔ́bla lɛkpabi lɛmmɔ sɛsɛɛ kede úte Unwoti ni, batɔnkune bammɔ béti bana akpala béboku lɛkpabi lɛmmɔ anumi ka béti babla kabla kammɔ.

¹¹ Ɔsika Unwoti ɔ́su Mose ɔnini, “Limeyi biala ni, ɔtɔnkune unwi ɔlɛka uti nwuna akpala ani na badubuti babla akpala bete lɛkpabi lɛmmɔ bɔbla sɛsɛɛ kedee bete Unwoti uboku.”

¹² Na ukyuli ɔni néti nwuna akpala úboku limeyi lideedi ndi Aminadab ubidi Nahason ɔni nási Yuda kaba kemmo.

¹³ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

¹⁴ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

¹⁵ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

¹⁶ ku ketukpa kenwi úte likpidi lili buvele akpala,

¹⁷ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye bani ndi bagyani sɔɔn úte unwi bɔbla akpala. Ala ammɔ ndi Aminadab ubidi Nahason akpala ani na úboku.

¹⁸ Na limeyi linyɔdi lɛlɔ ni, Isakar kaba bekyuli ɔtɔnkune ɔni ndi Suar ubidi Netaneel úboku nwuna akpala.

¹⁹ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

²⁰ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

²¹ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

²² ku ketukpa kenwi úte likpidi lili buvele akpala,

²³ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Na ammɔ ndi Suar ubidi Netaneel akpala ani na úboku.

²⁴ Na limeyi lɛtɛdi lɛlɔ ni, Sebulon kaba bekyuli ɔtɔnkune ɔni ndi Eliab ubidi Helon úboku nwuna akpala.

²⁵ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

²⁶ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

²⁷ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

²⁸ ku ketukpa kenwi úte likpidi lili buvele akpala,

²⁹ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Ala ammɔ ndi Helon ubidi Eliab akpala ani na úboku.

³⁰ Na limeyi linedi lɛlɔ ni, Ruben kaba bekyuli ɔtɔnkune ɔni ndi Sedeur ubidi Elisur úboku nwuna akpala.

³¹ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

³² ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

³³ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

³⁴ ku ketukpa kenwi úte likpidi lili buvele akpala,

³⁵ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Ala ammɔ ndi Sedeur ubidi Elisur akpala ani na úboku.

³⁶ Na limeyi lɛlɔndi lɛlɔ ni, Simeon kaba bekyuli ɔtɔnkune ɔni ndi Surisadai ubidi Selumiel úboku nwuna akpala.

³⁷ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

³⁸ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

³⁹ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁴⁰ ku ketukpa kenwi úte likpidi lili buvele akpala,

⁴¹ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Na akpala ammɔ na Surisadai ubidi Selumiel úboku.

⁴² Na limeyi lɛkundi lɛlɔ ni, Gad kaba bekyuli ɔtɔnkune ɔni ndi Deguel ubidi Eliasaƒ úti nwuna akpala úboku.

⁴³ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁴⁴ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁴⁵ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁴⁶ ku ketukpa kenwi úte likpidi lili buvele akpala,

⁴⁷ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Na akpala ammɔ na Deguel ubidi Eliasaƒ úboku.

⁴⁸ Na limeyi maatɛdi lɛlɔ ni, Eƒraim kaba bekyuli ɔtɔnkune ɔni ndi Amihud ubidi Elisama úti nwuna akpala úboku.

⁴⁹ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁵⁰ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁵¹ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁵² ku ketukpa kenwi úte likpidi lili buvele akpala,

⁵³ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Amihud ubidi Elisama úboku.

⁵⁴ Na limeyi maanedi lɛlɔ ni, Manase kaba bekyuli ɔtɔnkune ɔni ndi Pedahsur ubidi Gamaliel úti nwuna akpala úboku.

⁵⁵ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁵⁶ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁵⁷ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁵⁸ ku ketukpa kenwi úte likpidi lili buvele akpala,

⁵⁹ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Pedahsur ubidi Gamaliel úboku.

⁶⁰ Na limeyi yaalenwidi lɛlɔ ni, Benyamin kaba bekyuli ɔtɔnkune ɔni ndi Gideoni ubidi Abidan úti nwuna akpala úboku.

⁶¹ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁶² ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁶³ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁶⁴ ku ketukpa kenwi úte likpidi lili buvele akpala,

⁶⁵ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Gideoni ubidi Abidan úboku.

⁶⁶ Na limeyi leevudi lɛlɔ ni, Dan kaba bekyuli ɔtɔnkune ɔni ndi Amisadai ubidi Ahieser úti nwuna akpala úboku.

⁶⁷ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁶⁸ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁶⁹ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁷⁰ ku ketukpa kenwi úte likpidi lili buvele akpala,

⁷¹ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Amisadai ubidi Ahieser úboku.

⁷² Na limeyi leevu-linwidi lɛlɔ ni, Aser kaba bekyuli ɔtɔnkune ɔni ndi Okran ubidi Pagiel úboku nwuna akpala.

⁷³ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁷⁴ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁷⁵ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁷⁶ ku ketukpa kenwi úte likpidi lili buvele akpala,

⁷⁷ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Okran ubidi Pagiel úboku.

⁷⁸ Na limeyi leevu-linyɔdi lɛlɔ ni, Neƒtali kaba bekyuli ɔtɔnkune ɔni ndi Enan ubidi Ahira úboku nwuna akpala.

⁷⁹ Na nwuna akpala adi sika ɔƒualadi lɛkyami bɛbɛ lɛni mabla edula ebi lɛkyami kakɛ unu, ku sika ɔƒualadi ntu buwi lɛkyami gbion lɛni mabla aani edula ebi ɔɔƒɛɛ blii unu, na béyile akyami anyɔ amɛni ƒui ku ɔlaaƒɔ buni sɛɛn ɔni básala ku nnɔ,

⁸⁰ ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

⁸¹ na úte ɔmantɛ akɔ ɔkɔdi ku koƒonu kɔgyani ku koƒonu kɔkɔdi kɔni ndi kɔgyani na kɔ́ɔƒɔ lɛkwa linwi úte bɔkyula akpala,

⁸² ku ketukpa kenwi úte likpidi lili buvele akpala,

⁸³ ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Ammɔ ndi akpala ani na Enan ubidi Ahira úboku.

⁸⁴ Ala ammɔ ndi akpala ani na Israelƒuɔ kaba batɔnkune bammɔ béboku ka beti bákpa béte Unwoti uwi ɔni na béti lɛkpabi lɛni bátu mmɔ baakya Unwoti enu kemmo na likpose nnɔmii bususu kama. Na ala ammɔ ƒui bumomo bɔdi sika ɔƒualadi akyami bɛbɛ leevu-anyɔ ku sika ɔƒualadi ntu buwi akyami leevu-anyɔ ku sika ugyiedi akyami leevu-anyɔ.

⁸⁵ Na sika ɔƒualadi lɛkyami bɛbɛ biala unu ɔdi edula ebi lɛkyami kakɛ unu, na sika ɔƒualadi ntu buwi akyami gbion ammɔ ɔdi biala unu ɔdi edula ebi ɔɔƒɛɛ blii keyile unu. Anwuɔsu sika ɔƒualadi akyami ammɔ ƒui kasala unu ɔdi edula ebi akyami leevu-ene na kakpakɔ ala bɔkɔku kenye.

⁸⁶ Na sika ugyiedi akyami leevu-anyɔ ani na béyile ku oloƒui mmɔ ɔdi biala unu ɔbla edula ebi lɛkɔkɔ linwi unu na kakpakɔ ala bɔkɔku kenye, na ɔnaƒui kasala ɔdi edula ebi lɛkyami kakɛ unu.

⁸⁷ Na bebuo bani na béti bésienku ka beti babla bɔkyula akpala ammɔ bumomo ƒui bɔdi bakɔ bakɔdi leevu-inyɔ ku baƒonu bagyani leevu-inyɔ ku baƒonu bagyani bakɔdi leevu-inyɔ bani nákɛ lɛkwa linwi ku bana edula ebi akpala. Na betukpa leevu-inyɔ na béti bábla likpidi lili buvele akpala.

⁸⁸ Na bebuo bani na béte ka béti babla unwi bɔbla akpala ndi bakɔ bakɔdi aavlanyɔ-ine ku baƒonu liti ku leevu ku betukpa liti ku leevu ku baƒonu bakɔdi bagyani bani náƒɔ lɛkwa liti ku leevu. Akpala ammɔ na béti bésienku uwi ɔni na béti lɛkpabi lɛmmɔ baakya Unwoti enu kemmo na likpose nnɔmii bususu kama.

⁸⁹ Uwi ɔni Mose úduo Unwoti Adi Kevo kammɔ kemmo ka anwu ku Unwoti batɛmi ni, mmɔ kani na únu Unwoti lɛdi ɔ́siku ngba bebweyi inyɔ bani nnye bunyimi adaka likpidi kɔtu bɔni budie libila lɛmmɔ lɛlɔ. Mmɔ na anwu ku-nwu bátɛmi.