Nehemia 11 - Katɔti Ɔku Kedee

Bekyuli Bawɔdi Bani Nli Yerusalem

¹ Batɔnkune bammɔ bétélie Yerusalem, na bekyuli bammɔ bátu egulabi bánu na bédie kaduli kenwi bekyuli bálɛku kɔduli leevu kemmo, na bétélie Yerusalem ɔma kedee ɔmmɔ kemmo. Na bekyuli bakladi bétélie lɛma lɛkladi kemmo.

² Na bani nátuna ka badubusie betélie Yerusalem ni, bakladi bémwi-ma.

³ Na Yuda lɛma libendi ku libliidi lɛkladi kemmo ni, Israelƒuɔ bakpane ku Lewiƒuɔ ku kakpakɔ kabla bablane ku Salomo kabla bablane kaba bétéduo kɔduli kɔni na ama alati bátu na bana lɛma.

⁴ Na Yuda ku Benyamin adua bekyuli babambadi lɛnɔ bétélie Yerusalem. Na Yuda kaba ndi kamɛni. Ataia ɔni ndi Usia ubidi, ɔni ndi Sakaria ubidi, ɔni ndi Amaria ubidi, ɔni ndi Seƒatia ubidi, ɔni ndi Mahalalel ubidi ɔni nási Peres bebi kemmo

⁵ ku Maasela, ɔni ndi Baruk ubidi, ɔni ndi Kol-Hose ubidi, ɔni ndi Hasala ubidi, ɔni ndi Adaia ubidi, ɔni ndi Yoiarib ubidi, ɔni ndi Sakaria ubidi, ɔni ndi Siloni ubidi.

⁶ Na Peres bebi bani nélie Yerusalem ni, bana bumomo bɔdi 468, na badi bekyuli bani mbo kayi.

⁷ Na Benyamin kɔdua bebi ndi bamɛni. Saluku, ɔni ndi Mesulam ubidi, ɔni ndi Yoed ubidi, ɔni ndi Pedaia ubidi, ɔni ndi Kolaia ubidi, ɔni ndi Maasela ubidi, ɔni ndi Itiel ubidi, ɔni ndi Yesaia ubidi.

⁸ Na ama ku Yesaia kama basiakune bani ndi Gabai ku Salai ni, bana bumomo bɔdi 928.

⁹ Na Sikri ubidi Yoel ndi bana lɛlɔ ɔnune. Na Senua ubidi Yuda mɔɔnu ɔma ɔmmɔ kakɛ kanyɔdi lɛlɔ.

¹⁰ Na bani nási bakpane kemmo ndi bamɛni. Yedaia, ɔni ndi Yoiarib ubidi ku Yakin

¹¹ ku Seraia ɔni ndi Hilkia ubidi, ɔni ndi Mesulam ubidi, ɔni ndi Sadok ubidi, ɔni ndi Meraiot ubidi, ɔni ndi Ahitub ɔni ndi Katɔti kakpakɔ lɛlɔ ɔnune unengu

¹² ku bana banwani bani mɔɔbla kakpakɔ kammɔ lɛlɔ kabla. Na bana bumomo bɔdi 822. Na Adaia ɔni ndi Yeroham ubidi, ɔni ndi Pelalia ubidi, ɔni ndi Pashur ubidi, ɔni ndi Malkia ubidi

¹³ ku nwuna banwani banana bani ndi lɛtɔ benengu, bana bumomo ndi 242. Na Amasai ɔni ndi Asarel ubidi, ɔni ndi Ahsai ubidi, ɔni ndi Mesilimot ubidi, ɔni ndi Imer ubidi

¹⁴ ku nwuna banwani banana bani mbo kayi, bana bumomo bɔdi 128. Na bana lɛlɔ ɔnune ndi Hagedolim ubidi Sabdiel.

¹⁵ Na bani nási Lewiƒuɔ kemmo ndi bamɛni. Semaia ɔni ndi Hasub ubidi, ɔni ndi Asrikam ubidi, ɔni ndi Hasabia ubidi, ɔni ndi Buni ubidi

¹⁶ ku Sabetai ku Yosabad bani mɔɔnu Katɔti kakpakɔ keyi kakɛ kabla lɛlɔ. Na badi Lewiƒuɔ benengu

¹⁷ ku Matania ɔni ndi Mika ubidi, ɔni ndi Sabdi ubidi, ɔni ndi Asaƒ ubidi ɔni mɔɔtɔnku linugya lɛkpa ku Katɔti bɔkpali ku Bakbukia ɔni nsia unyɔdi na nwuna banwani kemmo ku Abda ɔni ndi Samua ubidi, ɔni ndi Gilai ubidi, ɔni ndi Yedutun ubidi.

¹⁸ Lewiƒuɔ bani nkya ɔma kedee ɔmmɔ kemmo bumomo bɔdi 284.

¹⁹ Na kɔyakun lɛlɔ banune ndi Akub ku Talmon ku bana banwani, na bana bumomo bɔdi 172.

²⁰ Na Israelƒuɔ ku bakpane ku Lewiƒuɔ bakladi bétélie bana bati kɔlɔ lɛlɔ na lɛma libendi ku libliidi na Yuda kalɛkɛ kemmo.

²¹ Na kakpakɔ kabla kablane bélie Yerusalem na kesii kani baalɔ banii Oƒel, na bakya Siha ku Gispa kalɔ baabla Katɔti kabla.

²² Na unengu ɔni nkya mɔɔnu Lewiƒuɔ bani nkya Yerusalem lɛlɔ ni, baalɔ-nwu banii Usi na ɔti ndi Bani, na ɔdi Hasabia uwɔ, na nwuna kaba bekyuli badi ndi Matania ku Mika. Na ɔ́si Asaƒ kaba kemmo. Na kaba kamɛni mɔɔnu kakpakɔ lɛlɔ.

²³ Na lɛnu batune ama ni, ɔga ɔmmɔ mɔɔtina kɔdua biala uwi ɔni na bana uwi údu ka batɔnku ɔnu bɔtu na Unwoti kakpakɔ limeyi biala.

²⁴ Na Mesesabel ubidi Petahia ɔni nási Serah ɔtɔ na ɔ́si Yuda kaba kemmo ama mɔɔtɛ Israelƒuɔ bani nkya mmɔ etemila.

²⁵ Na bekyuli pii bani nli lɛma lɛni nde bana mmo ndi bekyuli bani nási Yuda kaba kemmo. Na belie Kiriat-Arba ku Dibon ku Yekabseel ku akpaklɔ ani nde lɛma libendi lɛmmɔ.

²⁶ Na basɔ belie Yesua ku Molada ku Bet-Pelet

²⁷ ku Hasar-Sual ku Beer-Seba ku akpaklɔ ani náka ámana-ma.

²⁸ Na belie lɛma lɛni baalɔ Siklag ku Mekonu ku akpaklɔ ani náka ámana-ma

²⁹ ku En-Rimon ku Sora ku Yarmut

³⁰ ku Sanoa ku Adulam ku akpaklɔ ani náka ámana-ma ku Lakis ku bana mmo bɔni nde-ma ku Aseka ku nwuna akpaklɔ. Na bekyuli bani nási Yuda belie Beer-Seba ɔmii kada kakɛ útédu Hinom Kɔwɛ kakɛ.

³¹ Na Benyamin kaba bekyuli belie ɔ́si Geba katɔ kakɛ útédu Mikmas ku Aia ku Betel ku nwuna akpaklɔ ani náka ámana-ma

³² ku Anatot ku Nob ku Anania

³³ ku Hasor ku Rama ku Gitaim

³⁴ ku Hadia ku Seboim ku Nebalat

³⁵ ku Lod ku Ono ku bekyuli bani mɔɔnwí ligyii.

³⁶ Na Lewiƒuɔ bani nási Yuda kakɛ ni, bésie bétélie Benyamin kɔdua bekyuli akɔ.