Ala Kalɔ Buse 10 - Katɔti Ɔku Kedee

Noa Bebi Bédie Kaba

¹ Noa bebi bani ndi Sem ku Ham ku Yaƒet na ama lɛnɔ bawɔ bebi na ɔnantu bɔna kama ni, bana lɛlɔ kɔtɛ na bɔdubo bunu mɛni.

Yaƒet Ɔ́wɔ Bebi

² Yaƒet bebi bani na ɔ́wɔ ndi Gomer ku Magog ku Madai ku Yawan ku Tubal ku Mesek ku Tiras.

³ Na Gomer bebi bani na ɔ́wɔ ndi Askenas ku Ripat ku Togarma.

⁴ Na Yawan bebi bani na ɔ́wɔ ndi Elisa ku Tarsis ku Kiti kadi bekyuli ku Dodan kadi bekyuli.

⁵ Na kaba kamɛni négyingya bákya kayawi ekpo ƒui lɛlɔ na bana adua ku kadi kenye. Na baatɛmi bana kadi lidu adi lɛnɔ.

Ham Ɔ́wɔ Bebi

⁶ Ham bebi bani na ɔ́wɔ ndi Kus ku Misraim ku Put ku Kanaan.

⁷ Na Kus bebi bani na ɔ́wɔ ndi Seba ku Hawila ku Sabta ku Raama ku Sabteka. Na Raama bebi bani na ɔ́wɔ ndi Saba ku Dedan.

⁸ Kus ɔ́wɔ Nimrod. Na Nimrod ɔmɛni úbenwini ukpone ɔyikune geen na kalɔ lɛlɔ.

⁹ Na ɔdi ɔgbini unengudi geen na Unwoti anumi. Na básu lɛgba lɛdi banini, “Ukyuli ɔmmɔ use aani Nimrod, ɔgbini unengudi geen.”

¹⁰ Na lɛma lideedi lɛni kemmo na úse nwuna lɛga kadikɔ úse ndi Babel ku Erek ku Akad ku Kalne na kalɛkɛ kani baalɔ banii Sinear kemmo.

¹¹ Ka ɔ́si kalɔ kammɔ kemmo ni, úsie Asiria kalɔ lɛlɔ. Na mmɔ ni, ɔ́da Niniwe ɔma ku Rehobot-Ir ku Kala.

¹² Na ɔ́da Resen ɔma ɔni nkya Niniwe ku Kala ntɛ. Na anwu ndi ɔma unengudi.

¹³ Na Misraim bebi ndi Lud kadi bekyuli ku Anamiƒuɔ ku Lehabiƒuɔ ku Naƒtuhiƒuɔ.

¹⁴ Na anwu kani náwɔ Patrusiƒuɔ ku Kasluhiƒuɔ. Na bana kemmo na Ƒilistiƒuɔ bálɛ bási ku Kastoriƒuɔ.

¹⁵ Na Kanaan ubidi udeedi ndi Sidon ku nwuna kaba kemmo bebi babambadi bani ndi Hitiƒuɔ ku

¹⁶ Yebusiƒuɔ ku Amoriƒuɔ ku Girgasiƒuɔ ku

¹⁷ Hiwiƒuɔ ku Arkiƒuɔ ku Siniƒuɔ

¹⁸ ku Arwadiƒuɔ ku Semariƒuɔ ku Hamatƒuɔ. Ɔmmɔ kama ni, Kanaan adua bekyuli bégyingya,

¹⁹ na kalɔ kamɛni lɛmii lísie ɔgyu geen ɔ́si Sidon úti úsela Gerar laa útédu Gasa. Na ɔkɛ útádanku Sodom ku Gomora ku Adma ku Seboim. Na ɔ́via útálɛ Lasa.

²⁰ Anwuɔsu Ham bebi bani na ɔ́wɔ ku bana adua ku adi ku kɔlɛkɛ ku kalɔ ni, ama badi mmɔ.

Sem Ɔ́wɔ Bebi

²¹ Sem lɛnɔ úti uleku na ɔ́wɔ bebi. Na ɔnwani unengudi ndi Yaƒet. Sem ɔmɛni nédie Eberƒuɔ kaba ƒui.

²² Na bebi bani na Sem ɔ́wɔ ndi Elam ku Asur ku Arƒaksad ku Lud ku Aram.

²³ Na Aram ɔ́ta ɔ́wɔ Us ku Hul ku Geter ku Mesek.

²⁴ Na Arƒaksad ɔ́ta ɔ́wɔ Sela. Na Sela ɔ́wɔ Eber.

²⁵ Uleku ɔni na Eber úti ni, ɔ́wɔ bebi bananabi inyɔ úte-nwu. Na unwi baalɔ banii Peleg, ɔni kalɔ ndi bule, ɔsika nwuna uwi na Katɔti úle kayawi kammɔ. Na ɔnwani baalɔ banii Yoktan.

²⁶ Yoktan ɔ́wɔ Almodad ku Seleƒ ku Hasarmawet ku Yera.

²⁷ Anwu kani náwɔ Hadoram ku Usal ku Dikla.

²⁸ Na ɔ́wɔ Obal ku Abimael ku Saba.

²⁹ Na ɔ́wɔ Oƒir ku Hawila ku Yobeb. Anwuɔsu bebi bamɛni ƒui badi Yoktan bebi.

³⁰ Na kalɛkɛ kani lɛlɔ na bélie kewi kási kesii kani baalɔ banii Mesa úti úsela Seƒar kakɛ na ɔƒɛ katukɔ na abi lɛlɔ.

³¹ Bebi bani na Sem ɔ́wɔ ku bana adua ku adi na bana kɔlɛkɛ ku kɔlɔ na badi mmɔ.

³² Ɔmɛni ɔsu Noa bebi ku bana adua ku kalɛ na bana bati báwɔ-ma kenye na bana kɔlɔ lɛlɔ na badi mmɔ. Na ama ndi bekyuli bani nédie kadi lidu kaba bekyuli na báƒɔ kayawi ƒui lɛlɔ na ɔnantu bɔna bɔmmɔ kama.