Ala Alɛdi 1 7 - Katɔti Ɔku Kedee

Isakar Kaba Bebi Anyi

¹ Na Isakar bebi ndi Tola ku Pua ku Yasub ku Simron. Na bana ƒui badi bebi ine.

² Na Tola bebi ndi Usi ku Reƒaia ku Yeriel ku Yahmai ku Yibsam ku Samuel. Na bamɛni ndi Tola bebi bani nédu kekpo busie na Ɔga Dawid lɛga bɔdi uwi. Na bana bumomo bɔdi mpim aavlanyɔ-inyɔ ku eti leevu anyɔ (22,600).

³ Na Usi ubidi ndi Yisrahia. Na Yisrahia bebi ndi Mikael ku Obadia ku Yoel ku Yisia. Na bebi ɛlɔ bamɛni ƒui badi baga.

⁴ Na bana atɔƒi kaba anyi ɔku kenye ni, bana bananabi bani nédu kekpo busie badi mpim avlaatɛ-ɛku (36,000). Ɔsika bebo beleku ku bebi pii.

⁵ Na Isakar kaba bekyuli bani nédu kekpo busie na bénweni-ma anyi bákya bana kaba anyi ɔku kemmo ni, badi nkyuli mpim liti ku avlaatɛ maatɛ (87,000).

Benyamin Kaba Bekyuli Anyi

⁶ Benyamin ɔ́wɔ bebi ɛtɛ na ama ndi Bela ku Beker ku Yediael.

⁷ Na Bela bebi ndi Esbon ku Usi ku Usiel ku Yerimot ku Iri na atɔƒi benengu bammɔ badi ɛlɔ. Na bani nédu kekpo busie na bénweni-ma anyi bákya bana kaba anyi ɔku kemmo badi mpim aavlanyɔ-inyɔ ku avlaatɛ-ine (22,034).

⁸ Na Beker bebi ndi Simra ku Yoas ku Elieser ku Elioenai ku Omri ku Yeremot ku Abia ku Anatot ku Alamet. Na bamɛni ƒui badi Beker bebi.

⁹ Na bénweni-ma anyi bákya bana kaba anyi ɔku kemmo. Na bani nédu kekpo busie bumomo bɔdi mpim aavlanyɔ ku eti ene (20, 200).

¹⁰ Na Yediael ubi ndi Bilhan. Na Bilhan bebi ndi Yeus ku Benyamin ku Ehud ku Kenaana ku Setan ku Tarsis ku Ahisahar.

¹¹ Na Yediael bebi bamɛni ƒui badi atɔƒi benengu. Na badi bekpone geen. Na bani nédu kekpo busie bumomo bɔdi mpim leevu maatɛ ku eti ene (17, 200).

¹² Na Supimƒuɔ ku Hupimƒuɔ badi Ir kaba bebi. Na Husimƒuɔ badi Aher kaba bebi.

Naƒtali Kaba Bekyuli Anyi

¹³ Naƒtali bebi anyi ndi Yahsiel ku Guni ku Yeser ku Salum na bana ƒui bási Bilha kaba kemmo.

Manase Kaba Bekyuli Anyi

¹⁴ Na Manase kaba ndi kamɛni. Asriel ɔdi nwuna kaba ubi. Na ɔ́kɛ-nwu ɔ́siku Aramni ɔsɔnɔ ɔdi kudɔ. Na ɔ́wɔ Makir ɔni ndi Gilead ɔti.

¹⁵ Na Makir úti uleku ɔ́siku Hupimƒuɔ ku Supimƒuɔ kudɔ. Na ɔnwani ulekubi baalɔ banii Maaka. Na nwuna kaba bamba lɛnɔ ndi Seloƒehad ɔni náwɔ beleku lɛti lɛti.

¹⁶ Na Makir ulekudi Maaka ɔ́wɔ bananabi inyɔ na ɔ́sia udeedi lɛnyi ɔnii Peres na ɔ́sia inyɔdi ɔnii Seres. Na nwuna bebi bananabi ndi Ulam ku Rakem.

¹⁷ Na Ulam ubidi ndi Bedan. Na bamɛni ndi Gilead bebi ɔni ndi Makir ubi ɔni ndi Manase ubidi.

¹⁸ Na ɔnwani ulekubi ɔni baalɔ banii Moleket ɔ́wɔ Is-Dod ku Abieser ku Mahla.

¹⁹ Na Semida bebi ndi Ahian ku Sekem ku Likhi ku Aniam.

Eƒraim Kaba Bebi Anyi

²⁰ Na Eƒraim kaba bebi ndi Sutela ɔni náwɔ Bered ɔni náwɔ Tahat ɔni náwɔ Elada ɔni náwɔ Tahat

²¹ ɔni náwɔ Sabad ɔni náwɔ Sutela. Na Eƒraim ubo bebi inyɔ bamba bani ndi Eser ku Elad bani na Gatƒuɔ bádu uwi ɔni na bésie betéƒie Gatƒuɔ bammɔ bebuo baƒɔ.

²² Na bana ɔti Eƒraim úwulo-ma emeyi pii. Na nwuna lɛlɔ bekyuli bébo bábasia-nwu kɔnu.

²³ Ɔmmɔ kama anwu ku ulekudi básɔ bátɛ na ulekudi ɔmmɔ ɔ́da kaƒɔ na ɔ́wɔ ubi ɔnanabi na ɔ́sia-nwu lɛnyi ɔnii Beria. Ɔsika ɔ́siaku ɔgbankpi na nwuna bebi akɔ.

²⁴ Na ubidi ulekubi Seera náda lɛma lɛni ndi Bet-Horon katɔ ku kada ku Usen-Seera ɔma.

²⁵ Na Reƒa ɔ́wɔ Reseƒ ɔni náwɔ Tela ɔni náwɔ Tahan ɔni náwɔ

²⁶ Ladan ɔni náwɔ Amihud ɔni náwɔ Elisama ɔni náwɔ

²⁷ Nun ɔni náwɔ Yosua.

²⁸ Na bana kɔlɔ ku kuliekɔ ndi Betel ku nina akpaklɔ ku Naaran útédu ɔƒɛ katukɔ ku Gasa ku nina akpaklɔ útédu ɔƒɛ kanukɔ ku Sekem ku nina akpaklɔ. Na ɔvi útédu Gasa ku nina akpaklɔ.

²⁹ Na Manase lɛmii lɛ́kɛ Bet-San ku Tanak ku Megido ku Dor ku nina akpaklɔ. Na mmɔ na Israel ubidi Yoseƒ kaba bekyuli bélie.

Aser Kaba Bebi Anyi

³⁰ Na Aser bebi ndi Yimna ku Yiswa ku Yiswi ku Beria ku bana ɔnwani ulekubi ɔni baalɔ Serah.

³¹ Na Beria bebi ndi Heber ku Malkiel ɔni ndi Birsait ɔti.

³² Na Heber ɔ́wɔ Yaƒlet ku Somer ku Hotam ku bana ɔnwani ulekubi ɔni baalɔ banii Sua.

³³ Na Yaƒlet bebi ndi Pasak ku Bimhal ku Aswat.

³⁴ Na Semer bebi ndi Ahi ku Rohga ku Yehuba ku Aram.

³⁵ Na nwuna ɔnwani Helem bebi ndi Soƒa ku Yimna ku Seles ku Amal.

³⁶ Na Soƒa bebi ndi Suah ku Harneƒer ku Sual ku Beri ku Yimra

³⁷ ku Beser ku Hod ku Sama ku Silsa ku Yitran ku Beera.

³⁸ Na Yeter bebi ndi Yeƒune ku Pispa ku Ara.

³⁹ Na Ula bebi ndi Arah ku Haniel ku Risia.

⁴⁰ Na bamɛni ƒui badi Aser kaba bebi ku lɛtɔ benengu ku bekyuli bani na bana lɛlɔ libo ɔbu ku bekpone ku batɔnkune. Na bekyuli bani na bédu kekpo busie na bénweni-ma anyi bákya bana kaba bekyuli anyi ɔku badi mpim aavlanyɔ ɛku (26,000).